ولدي والرنين المغناطيسي...

صباح الخير بنات ...

شأخباركم ؟؟؟

موضوعي واضح من عنوانه...

بغيت خبراتكم ورايكم في هالموضوع ...

بس أول شي عزيزاتي بالله عليكم ما تطنشوني وتردون علي باللي تعرفونه ...

و مقدماً الله يجزاكم بالخير كلكم ...

القصة إن ولدي عمره سبعة أشهر ...

من جبته وراسه كبير شوي ...

وهو عمره 50 يوم بالضبط ...

سووا له أشعة مقطعيه على راسه ...

وقالوا إن الأعصاب عنده ضعيفه شوي ...

وبحكم صغر سنه ... قالوا ما نقدر نحكم عليه إ ن كانت تعتبر حاله مرضيه أو لأ لأنه صغير وإحتمال يكون هالشي طبيعي ...

وصرنا نتابع كل شهرين عند دكتور مخ وأعصاب يوسف حبيب اللي كان يقول إن كل شي طبيعي _ بس بنحتاج أشعة رنين مغناطيسي علشان الدقه وكل شي يوضح ...

الزبده ...

أمس سويناه أشعة الرنين المغناطيسي في مستشفى الهادي..

ودكتور الأشعه عقب ما خلص ولدي ...

قال إن شاء الله كل شي طبيعي ...

وبعد إلحاحي بالسؤال قال ما فيه شي وإسألوا الدكتور المختص لما تاخذون الأعه صوبه ...

وقال إنه الماده البيضه اللي في الدماغ تقريبا قال اسمها ( الميلانيش )

تتكون ما بين 8 أشهر والسنه والنص

وهي عنده تقريباً متكونه للنص وقال إن شاء الله طبيعي ... وهو في عمر 7 أشهر

عزيزاتي سألتكن بالله تردون علي _ ماني قادره أصبر لين يجي الموعد اللي عندها خبره أو سمعت بشي ترد علي الله يحرم وجهها النار ...

و يرزقها من غير حساب ......:29:

8 تعليق 1,027 مشاهدة

شاركي في النقاش

سجلي الدخول لإضافة تعليق.

التعليقات

7
  1. @um_azooz_1

    أختي cdrom
    سلام عليكم أختي أحب أقولك لاااااا تشيلين هم أنا ولدي نفس الشي راسه كبير من الولاده وخوفوني المستشفيات يقولون لازم رنين مغناطيسي عشان نطمن وعشت بهم ما يعلمه إلا الله :44:

    لكن قلت ما راح أسويله أشعه حتى اتأكد و رحت للدكتور الزامل ومعي التحاليل وبصراحه طمني وقالي إن كبر حجم الرأس يكون أكبر سبب له هو عامل وراثي من الأب أو الأم أو الأقارب ....... وأن كبر حجم الرأس المرضي له علامات واضحه منها عدم إنتباه للطفل وعدم تركيز

    أختي إذا مالاحظتي إي عوارض غير طبيعيه على سلوكه من حيث عدم الأنتباه والتركيز فريحي قلبك :)

    لأن مع الوقت الجسم يكبر أكثر من الرأس وبيكون عند عمر سنه شكله طبيعي إن شاااااااااء الله

    الله يخليه لك ويحفظ وليدك:26:
  2. صاحبة الموضوع
    الله يجزاكم بالخير

    ويعطيكم على قد نيتكم

    و يحقق لكم كل ما تمنى نفوسكم و الله يسعدكم دنيا و آخره

    والله إنكم بنات حلال

    والله لا يعيشكم في جحيم التفكير اللي أنا عايشته الحين...

    و يا ليت باقي البنات يفيدوني جعلكم الجنه
  3. @fy_klob_arbaa

    إن شاء الله مافيه إلا العافية
    وفعلا زي ماقالتلك وحده من الأخوات الراس محا يكبر وجسمه هو إللي يكبر
    إن شاء الله تطمني عليه أكثر وأكثر يارب,,

تابعي تجارب أخرى من هذا القسم.