اول شي لا تحطين بلسم ابدا ابدا ابدا ولكن تقدرين تستخدمين سيروم كيراستاس البرتقالي ((قاروره برتقاليه شفافه والسائل شفاف قيمتها 70 ريال بس تسوى 200 لمفعولها الرائع.. تخلي الشعر حيوي كأنه ريش مو ثقيل و مسحوب))
بتحتاجين استشوار و مشط مدور وانا افضل تشترين استشوار بيبي ليس اللي يجي المشط المدور ثابت فيه اسهل واريح
التكنيك:
وشعرك نص مبلول تقسمينه خصل بعرض 2 انش و تشتورينه بحيث تمشطين الخصله من الامام 3 مرات بعدين تحطين المشط من الخلف يعني خلف الخصله وتبدأين من الجذور للاطراف طبعا و الخصله تكون متجهه للامام يعني مايله باتجاه الوجه كأنك تبين تمشطين باتجاه الوجه مو للخلف بالطريقه اللي تعودناها
و تبدأين من الخصل الخلفيه ثم صعودا باتجاه قمة الرأس ثم الجوانب ثم المقدمه
و من قمة الرأس اتجاها للامام حاولي تنفخين الشعر بالمشط عشان يصير له حجم
بعدين حطي سبراي
______________________
كل يوم حتى وانتي بالبيت سوي بف و حطي مساكه وثبتيها عشان منابت الشعر ما تصير مسطحه ولازقه
و وقت النوم اقلبي راسك لتحت و لمي شعرك كله عند مقدة الرأس.. شكلك بيصير يضحك بس عشان لما تصحين الصبح يصير له حجم وبقووووه
اذا ما تبين تلمينه ببكله عاديه
اقلبي راسك ومشطي شعرك بعدين ثبتيه على هالوضع ببنس
بعدين ابرمي اطراف الشعر للخلف كأنك تطوينه و ثبتيه ببنس
ونامي
+++++++++++++++++++++++++
هذا افضل الحلول
طبعا لا تنسين السبراي رشه سريعه على قمة الرأس والاطراف
شعري خفيف وش احسن طريقة استشورة فيها عشان يبين كثير ومنفوش وناعم
متابعة النقاش، صفحة 4