بنات مقهوووووووورة مقهووووورة جدا جدا
اليوم جو عندي امي واخواتي( اخواتي في الثانوي ووحدة عروسة) واتصلت علي زوجة اخوي تجي تسهر معانا ..
المهم قدمت مع القهوه حلا وكنت حاطة فوقه هيرشي ومزينة الصحن برسومات هيرشي تمااااااام .. المهم اخواتي اخذو الصحون وقدموها..
دخلت لقيتهم يطلون ببعض ويضحكون وامي معاهم وشفت صحن زوجه اخوي حايس بس توقعت من عيالها والله كان في بالي اغيره بس استحيت..
المهم سألتهم ايش فيكم مااحد رد وامي تضحك وتصرف الموضوع.. وكل مارفعت زوجة اخوي الملعقة يضحكون وحسيت انها خاصرتهم
بعد ماراحت اكتشفت انهم قبل يقدمون لها الصحن حاسوه باصابعهم:mad:
مع العلم والله زوجة اخوي طيبة ومتحمله ان اخوي يقصر معاها ومع عيالها عشان امي واخواتي .. الحق ينقال صح هذي امي وهذول اخواتي بس بنت الناس ماجانا منها شئ..
الحين مقهوووورة اخاف تحسب اني انا ..ماني عارفة ايش اسوي موقفي محرج ومن القهر جالسة اقطع بنفسي:icon33::icon33::icon33:
شاركي في النقاش
سجلي الدخول لإضافة تعليق.
التعليقات
56- صباح الخير..
اتصلي عليها واعتذري لها عن اللي صار وفهميها ان هذا التصرف ماصدر منك...
انا اشوف ان الأعتذار افضل... وفهمي اخواتك يتعاملون مع الناس بأدب واحترام.. حتى لو انها زوجة اخ لكن لابد من الأحترام والتقدير وغير كذا هي ضيفه عندكم ولها احترمها وحشمتها ... فهمتي...
لاتخلين الموضوع يعدي ولاكأن صار شئ وخليك العاقله بينهم.. - صدقيني يا اختي...هي بتعرف بنفسها...
لأنها مو غشيمة..عارفتك... وعارفة خواتك..
الي فهمته من كلامك ان تعاملك معها زين ..
وتعزمينها وتقدرينها...وتقولين ان اخوك مقصر معاها..
فلا تحرقين في نفسك ولا شي....لأنها اكييد عارفة اخلاقك زييييين
وامك وخواتك ...واجبك تنصحينهم...اللي يسونه معاها
مرده.. بيرجع لهم...الله يهديهم ... - انا مقهوووورة من تصرف اخواتي جدا جدا وقح مااحترموها في بيتي يعني كاني انا راضية وساكتة
ماادري عن تفكير زوجة اخوي اخاف تحسبني متفقة معاهم لانهم لما دخلت وهم يضحكون انا ماتوقعت عشانها واضحك واقولهم الا تعلموني احسب صار موقف يضحكون عليه<<<<<<< ياربي احس شكلي كان غبي:(
وصعبة اقولها اخواتي حاسو الصحن ماادري كيف؟؟ يعني ماهم صغار وحدة متزوجة:09:
شورو علي ايش اسوي:icon33::icon33::icon33: - المفروض أنك توضحي لأمك أنها تحاسب أخواتك على الغلط وتوجهي أمك
موعيب أنك تنصحي أمك وتوضحيلها غلطها الأنسان مو كامل
أمي كانت ماتحب صراحة مرة أخوي للأنها مو من أهلنا
لكن والله قعدت لها أختي الكبيرة ووضحت لأمي غلطها ,أن بنت الناس مالها ذنب
ولحين تحسنت معاملة أمي لمرة أخوي كثير لأنة المفروض مانشوف الغلط ونسكت
وعلى قولتهم كثرة الدق يفك اللحام - ياقلبي عليك مشاء الله , اتصلي عليها وتكلمي بصراحه معها اكسبيها ولا تنحرجي بجد عشان ماتزعل بنت الناس وتخذ بخاطرها بعد وراح تقدر الشي هذا لانك تكلمتي معها ومن جد ليش كذا الله يهديهم لا ربييرزقهم اخواتك اهل زوج يبهذلوهم ربي قادر على كل شي وعيهم لشي هذا الدنيا دين وبجد اقولك من قلبي انتي انسانه رئعه وباين عليك بجد ذوق وتخافي الله ربي يعزك ويقدرك ويحميك
مواضيع مشابهة
تابعي تجارب أخرى من هذا القسم.