استخدامات جهاز السونا ..

شخبااااااركم ياحلوات .... إن شاااااااالله بخير ....
اشتريت أمس جهاز السونا للبخار .. وحابه استغله استغلال صحيح .. ف
بغيت اللي تعرف تسوي خلطات بجهاز السونا أو تستخدم أعشاب معينه ونفعت وياها ،
أو عندها ابتكار ^ـ^ سوته ونفع ،، تخبرنا .. عشان نستفيد كلنا ..
أبغي أحط أشياء معينه فجهاز البخار نفسه ،، مرت قريت من زمان يعني وحدة تحط قشور برتقال فالسخان ( الجهاز اللي يطلع البخار ).. وكانت له نتايج حلوه بس ما أذكر التفاصيل ,, :42:


ولكم مني جزيل الشكر .....:).

17 تعليق 1,759 مشاهدة

شاركي في النقاش

سجلي الدخول لإضافة تعليق.

التعليقات

15
  1. حبوبه

    لا تحطين شي مع الماي لان اي ترسبات بتخرب لك الجهاز

    وهذول كلهم صناعه صينيه يعني موش جوده عاليه



    ثانيا يا قمر الطريقه اللي استفدت منها كثير و بناء على تجارب الاغلبيه

    عبيه مويه حلوه من موية الشرب

    و شغلي الجهاز وهيئيه.. بعدين بهالوقت
    تحطي ماسك على كيفك ((وانا ارشح انه يحتوي على كركم-جليسوليد-زيت اللوز والجلسرين وجنين القمح و البابونج-نيدو-كريم كاب- نص سفيداب مطحون وممكن تستغني عنه-حبة فيتامين سي فوار اكسريها وذوبيها في عصير ليمونتين وضيفيهم))

    انا اسوي كميه تكفيني اسبوعين واستخدمها مرتين بالاسبوع واحفظها بالثلاجه

    نرجع لمحور حديثنا

    حطيتي هالخلطه على وجهك و جسمك من ورا .. ادخلي الساونا ومعاك باقي الخلطه وليفه طبيعيه مبلوله واجلسي و كملي حط على يدينك و رجلينك مع الفرك بيدك على كل المناطق لحد ما تحسي جسمك سخن مع الحراره والخلطه بدأت تسيل مع البخار

    و كملي فرك بيدينك بقوه بعدين افركي بالليفه باعتدال زين زين يعني بتاخذين ثلث ساعه كل الكل

    اطلعي واغسلي الخلطه بالمويه فقط

    حطي الحين على جسمك المبلول صابون مغربي وزيت لوز بحيث يكون نص كمية الصابون

    و افركي جسمك وارجعي الساونا واجلسي 20 دقيقه ثانيات وافركي باعتدال بعدها بالليفه المبلوله

    و بس

    روحي الحمام وجيبي الليفه المغربيه وافركي و اهتمي بالمناطق اللي نسيتيها مثل الخلف و الاقدام والظهر وكذا

    و اتشطفي بمويه و حطي شامبو عادي

    بتلاقين جلدك صار لدن وطري لا تغسلينه بصابون ولا تحطين بيبي اويل

    رطبي بمرطب خفيف و بس

    ثاني يوم بتشوفين اثار النظافه اوضح واحلى وافتح
  2. صاحبة الموضوع
    r1ksa
    حبوبه لا تحطين شي مع الماي لان اي ترسبات بتخرب لك الجهاز وهذول كلهم صناعه صينيه يعني موش جوده عاليه ثانيا يا قمر الطريقه اللي استفدت منها كثير و بناء على تجارب الاغلبيه عبيه مويه حلوه من موية الشرب و شغلي الجهاز وهيئيه.. بعدين بهالو…
    مشكوورة حبيبتي ع الشرح المميز ..
  3. @lyaly_oayam

    انا بعد عندي هل الجهاز انا احط ملعقة فكس مرة رهيب يفتحلك المسامات تفتيح بعدين ادلك بصابون المغربي وادخل الجهاز مره تانية وادعك باليفة وبمكن ربع ساعة بعدين اتروش والله يااحس بنظافة تجنن لا وبعد لمعة على جسمك جربيها وادعيلي

    بس لا يكون في جسمك اي نوع من الحساسية او الاقزيما لانها بتولع فيك انتبهي عشان ماتدعين علية

تابعي تجارب أخرى من هذا القسم.