شاركي في النقاش

سجلي الدخول لإضافة تعليق.

التعليقات

50
  1. حبيبتي باذن الله لو ربيتي ولدك تربيه صح حتى لو كانت زوجته من هذي النوعيه
    حيعرف يادبها ويعلمها حقك بدون ماتتكلمي انتي
    وانتي اعملي الخير وارميه البحر
    بس اهم شي لمن تخطبي لولودك تتاكدي انك احترتي له ذات الدين والاخلاق
  2. حبيبتي

    ياما سمعنا انه فيه ناس ربت اولادها التربية الصالحه

    وغيرتهم زوجاتهم والعكس انه لا ربت واولادها وكنت زوجته توصيه باهله

    وفي ناس ربت واولادها التربيه الصالحه وتزوجوا زوجات صالحات تعينهم على بر والدينه

    يعني ما فيه قاعده حتمية او محدده

    ربي عيالك واولادك على اللى يسرك وتحبين تشوفينه يوم القيامه

    والا بنت الناس ما عليك منها لان حسابها على ربها سواء بالخير او الشر

    بالنسبه لي اربي عيالي التربية الصالحه وعلى الدين وان ما اخذته في الدنيا اخذه في الاخره

    والحياة سلف ودين وراح اتحاسب عليه في كل صغيرة وكبيره

    وقبل لا تزوجين عيالك استخيري الله في هذه الزوجه

    والله راح يختارك ما ينفعك

    ولاتنسين الدعـــــــــــــــــــاء ثم الدعـــــــــــــــــــــاء بصلاح اللاولاد

    والله يصلحلك ما عطاء ويرزقك الذرية الصالحه

    وزوجات الابناء الصالحات

    واتمنى اكون افدتك ولو بالشيء اليسير

    تقبلي مروري
  3. @gl_okhl

    فيه كذا وفيه كذا
    يعني تحصلين اهل زوج اللهم يا كافي
    وتحصلين زوجه الابن تقول الخير عندي (اقصد من المشاكل)
  4. السلام عليكم ورحمة الله

    تصدقين يا أختي ان هذي نفس الأفكار اللي تراودني

    أشوف البنات صايرات يحبون أنهم يتملكون الرجل وياخذونه من أمه وأهله

    معقوله توصل الغيره والأنانيه لهالدرجه؟!!

    بس أنا دايما أدعي ربي انه يعينني على تربية أولادي ويجعلهم بارين فيني وفي أبوهم .

    والله من كثر اللي أشوفه حواليني أخاف و أقول أنا أتعب و أربي وبكره بتاخذه وحده وياعالم بتخاف الله فينا وبتعين الولد انه يبرنا والا لا !!

    وترى التربية لها دور كبير جدا , اذا اتربى الولد على الدين وحسن الخلق وغرسنا فيه حبنا وعودناه انه يدعي لنا فما أعتقد ان أي حد ممكن انه يغيره بسهوله , بالعكس يمكن هو يعلم زوجته انها تبرنا وتحسن لنا معاه. يعني التربيه أولا و أخيرا.

    بعدين في نقطه مهمه جدا ..


    انا في حديث عن الرسول عليه الصلاة والسلام وااااايد أثر فيني وفعلا تعلمت منه كثير , والحديث هو :

    "أحبب حبيبك هوناً ما ، عسى أن يكون بغيضك يوماً ما ، وأبغض بغيضك هونا ما ، عسى أن يكون حبيبك يوماً ما "

    يعني ما أسرف في حب أي أحد مهما كان قريب مني سواء زوج أو ولد , الاعتدال في المشاعر أمر مطلوب
    أخلي قلبي متعلق برب البشر وليس في البشر حتى لو كانوا عيالي.. يعني أخلي نفسي مستعدة لجميع الاحتمالات لأني أنا أتعامل مع بشر وإذا قل حبهم لي أو ابتعدوا عني في يوم من الأيام ما أنهار وأتعب ..

    انا أسوي اللي علي وأربيهم وما اقصر عليهم لأنهم أمانه أنا مسؤؤله عنها أمام رب العالمين , لكن مايكونون هم محور حياتي لأن القلوب بين اصبعين من أصابع الرحمن .

    وفي النهايه أقول " ربنا هب لنا من أزواجنا وذرياتنا قرة أعين واجعلنا للمتقين إماما"

    وجزاج الله خير يا أختي على الموضوع
  5. لالا تخافوا ياامهات اهم شي تربوا عيالكم على رضا الوالدين وماتحسسوهم باللي انتو حاسينه عشان مايحسوا انكم حاطين نفسكم بمقارنه بينكم وبين زوجاتهم
    واهم شي تخلوا بينكم حدود ورسميات يعني محد يقصر في الواجب بس الدخله الزايده بلاش منها
    سبحان الله كنت دايما اوصي زوجي على امه لدرجه كنت اقله هذي طاقتك للجنه انا مني نافعتك في الاخره
    وكنت اقله الزوجه تروح ويجي بدالها كثير واللي بينك وبينها ورقه
    لكن هذي امك مالك غيرها وحملت ببطنها والدم اللي فيك دمها
    بس هوا كان مره يعصب من كلمتي
    لانه كان يحس كاني باقله هذا الكلام عليه يعني اهلي اهم منك
    انا من جد كنت اوصيه على امه بس هوا مسكين مريض كان يبغاني احبه اكثر شي بالدنيا وبعده بالترتيب احب اهله واخر شي اهلي
    وياريت اكرههم كمان يكون احسن واحسن
    الله يشفيه

تابعي تجارب أخرى من هذا القسم.