تــــــجـــــــــمـــــــــع بـــــــــنــــــــات كـــــــــنــــــــــــدا

نزاعه الحمد الله على السلامه و نورتي كندا و الموضوع

رغد الحمد الله على السلامه بما انج راجعه من مونتريال

من الناحيه الاباحيه معروفه مونتريال بهذا لاشي ...حتى الحد الادنى المسموح لهم لهذي الاشياء من 16 سنه ...مب بس المحلات الكبيره في السنت كاثرن لو كملتي لبعد محل (( the bay )) يصير المكان افضع و المحلات جنب بعض و اخر الشارع يتحول منطقه مثلين عفانا الله .اكتشفناها هذي المناطق بالصدفه و نحن نتمشى بالسياره

و محل الباشا ترى في محلين واحد صغير الي جنب المحل المشبوه ... و واحد ثاني كبير بعده بي بلكوين يمكن ...بس ياعيني على شورمتهم اطيب شورمه اكلها لحد الحينه

و انا لما كنت ساكنه في مونتريال كنت دايما اتمشى بالسوق الي تحت الارض بسبب الصور الي برع ...و بجذي نسيتهم ...حتى اذكر صديقاتي الي عندهم اطفال كانوا ابدا ابدا ما يروحون للداون تاون يروحون على المولات البعيده

لكن على العموم مونتريال حلوه للتمشى و المحلات و الكوفي شوبات فاتحين للساعه 11 باليل يعني اذا حبيتي تطلعين باي وقت بعد الساعه 6 تلاقين مليون مكان تروحين له مب مثل مسيسساجا الكوفي شوبات تسكر الساعه 6 غصب عنج تنحبسين بالبيت حتى مافيها مكان تتمشين فيه و تضيعين وقت

و غريبه ان صار عنج مشكله وياهم على اللغه ...لان خاصه بالداون تاون الاغلبيه بيتكلمون انجليزي او يعرفونه على الاقل لكن كل ما بعدتي من الداون تان يبان الفرنسي اكثر ...و انا بما ان انجليزيتي على قد حالي كنت انبسط لان هم اصلا ما ا يعرفون يتكلمون انجليزي و لا انا بيرفكت يعني محد فينا يكتشف اغلاط الطرف الثاني ..و نمشي حالنا و نضحك على بعض


و راس السنه و اللعاب الناريه في الاولد مونتريال شي حلو ...للاسف هذي السنه ما قدرنا نروح مونتريال و السبب شغل زوجي :(

نزاعه
تبين الصدق حبيبتي والله انه خيره بحقك

شوفي الدراسه حلوة والانشغال حلو لكن دام اقامتك باذن الله ماهي طويله يعني مانتي متغربه خمس سنين ولا عشره
اعتبريها فترة ريلاااااااااكس
والله بكره ترجعي البلاد وتتحسفي تبدين شغل وتعب وكرف
قضي وقتك بالراحه الحين اعتني بنفسك دلليها بشعرك ببشرتك بجسمك استغلي وقتك تعلمي اصناف اكل عالميه حلويات خلطات شغلات
ابدي هواية غريبه جديده ابدي اكتبي صوري صممي خيطي اشتغلي تريكو ولا كروشيه ولا اي شي بس لا تفكري انه ماصارت لك فرصة للدراسه اعتبريها فترة راحه
وخاصة انك ماشاء الله لاقوة الا بالله دارسه ومتعلمه ومتخرجه من الجامعه :) الله لايضرك يعني مانتي بحاجه ماسه للدراسه
وحتى لو مره ودك تقدري تتعلمي فرنسي من تواجدك في مونتريال اكيد في طرق كثيره في موضوع قديم حق المكتبات اظن كاتبته رغد الحياة كان مره حلو عن اساليب التعلم من غير معهد او جامعه بس ضاع مني اللنك ان شاء الله لو قريتيه راح تستفيدي منه مره ادورلك اللنك واجيبه لك

وباذن الله عاجلا غير اجل ربي يكتب لك الحمل وتنشغلي قمة الانشغال مع البيبي
والله اني مريت بهالتجربه زماااااااااااااان والحين ندمانه لأنه احنا الحريم نفكر كثير ونتعب راسنا





رغد الحياة

بصراحه استغربت كلامك عن مونتريال
يعني معقوله لذي الدرجه فيها الفجور؟
اعرف كثيييييييييييييييير ناس راحوها من اهلي ومن اخواني ومن صديقاتي
وانتي اول واحده تحكي عنها بهالشكل
معقوله يعني الناس تشوف وتسكت؟
كل ما سألنا احد يقولو لك تهببببل والايتون رهيب والاسواق جنان والسياحه خبال
ماعمره احد تكلم عن الفجور والتفصخ فيها
بعدين ايش طبيعة الصور اللي تتكلمي عنها؟ اسفه بس ثار فيني الفضول
لأنه اعرف كثير شباب يعشقو مونتريال والحين انقهرت يوم تكلمتي كذا
اثاري حبهم لها مو لله
اذا كذا الوضع بالشتا وبدرجة حرارة عشرين تحت الصفر اجل في الصيف ايش يصير؟
شكله وقتها كل شي على الهواء مباشرة
الله يحفظ ازواجنا وعيالنا من كل شي يارب

:(

السلام عليكم

اخواتي بغيت اسال عن الاسواق والمجمعات في مدينة فانكوفر وشنو الشي الموجود هناك ومش موجود في الخليج

اخواتي سنقوم بصلاة القيام والتضرع الى الله من اجل نصرة اخواننا في غزة الساعة 3قبل الفجر فمن استطاعت فلتشارك بهذا القيام علها توافق ساعة استجابة فيفرج الله كرب هذه الامة