بليييييييييييييييييييز ساعدونى ابي الحل

انا زواج اخوية الوحييييييييييييييييد بالصيف يعني باقي علية ست شهور ابي افصل فستان حلو مرة لان هذا زواج اخوية الوحيييييييييييييييد ياريت تساعدونى بافكار فساتين جديدة وكمان لو ممكن تقولولى ايش ممكن نوزع في الزواج يعني ابي الزواج كل جماعتنا تتكلم عنة
انا يوم شفت نفسي حايسة ومانى عارفة شئ قلت اقول لحبيبات قلبى بنات حواء هم الى يساعدونى
انتظر ردودكم بس انا يمن اتاخر عليكم بالرد لانو عندى امتحانات بعد اسبوعين بس ابي لمن ارجع اشوف الردود كثيييييييييييييييييييييييييييرة :cook:

9 تعليق 909 مشاهدة

شاركي في النقاش

سجلي الدخول لإضافة تعليق.

التعليقات

9
  1. اختي الغالية في موديلات ازياااء هنديييية هباااااال في مشاركة للاخت حلوك بعنوان ابي ازياااء هندية جمعتهم وحطيتهم ممكن يساعدونك في موديلات التطريز

    وتقبلي تحياتي

    *************************************************************
  2. @zhor_almhbh

    الفال لاخوي ان شاء الله قولوا امين انا بعد ماعندي غيره الله يهديه ويصلحه بس وايد صغير علىالزواج

    شوفي حبيبتي احنا طبعنا بالكويت انا انجيب فلبينيات للخدمه بالصاله ويوزعون عصير وماي وشاي وقهوه وفطاير وحلو وطبعا بعد كل قولي تقريبا 15 دقيقه يوزعون قهوه مع الحلو بعدها شاي وفطاير بعدها بفتره يوزعون الماي والعصاير

    بالنسبه للموديلات روحي لمصممه او مصمم يرسم لج موديل علشان اتفصلينه انا كل نفانيفي جذي افصلهم عند مصمم او مصصمه ويطلع حلو ورراقي

    مادري اذا عندكم او لا بس ان شاء الله البنات مايقصرون معاج

    واسمحيلي ما افدتج وايد
  3. @shoklath_balnaanaaa

    مرحبا اختي
    اول شي الف مبروك والله يوفقه يارب وعقبالك اذا مو متزوجه وعقبال كل السامعين
    الشي الثاني احس لسى بدري على انك تفكري في الفستان يعني 6 شهور مره كثير ممكن تنزل اشياء كثيره تعجبك بعدين بس الحين فكري بالمكان الي بتسوين عنده واللون وجمعي افكار عموما بس مره بدري على الخياط
    انا بالنسبه لي احب اروح المشغل الي انا متعامله معه وتطلع معاي الموديل وتساعدني وبعدين اجيب القماش واخيطه عندها احس حلو لو تسوي كذا لانها بتكون فاهمه طبيعة جسمك ومناسبتك

    بالنسبه للتوزيعات اذا تبغوا شيء مميز مره مابعده تميز>>>فيه زواج حضرناه وزعوا على المعازيم جنيهات ذهب بس على الصف الاول صف العجايز كانوا حاطينه بسبتات كبيره والبنت كانت وحيدة اهلها غير كذا مااضن فيه شيء جديد كل شي الناس استهلكته بس انشاء الله البنات يفيدونك بشي جديد

    بالتوفيق




    باي:27:
  4. @lgyn_almaaa

    صاحبة الموضوع
    مشكورين وانشاء الله تفيدونى اكثر وازيدكم من الشعر بيت ملكة اختى يوم الخميس يعني انا حايسة مادرى ايش اسوى
  5. @aanodan

    أول شيء 1000 1000 مبروك على زواج أخوج....................


    أولاً: بخصوص الفستان: في فساتين وايد حلوة عرضتها عضوة من عضوات المنتدى، هي صح فساتين عرايس، بس إنتي وشطارتج......تقدرين تاخذين بعض الأفكار من هذا وذاك.....والله تدرين أنا فصلت فستان لعرس خالي....الكل عجبه الفستان وقالوا لي: من وين اشتريته؟؟؟؟؟ ولما قلت لهم: إن مخيط ما صدقوا!!!!!

    بس المهم لازم تكون القطعة حلوة عشان الموديل يطلع روعة............ بس نصيحة إذا القطعة كان فيها وايد شغل خلي الفستان بسيط عشان مايطلع دفش............................

    ثانياً:بخصوص التوزيعات: تقدرين تشترين من محلات بـ (ريالين) ترى عندهم وايد أشياء حلوة وتحطون فيها كاكاو وبعدين تغلفونها بـ (التور) وبعدين تربطونها بشريطة حلوة(يعني: إذا كان العرس مثلاً لونه وردي" مثل الكوشة" يكون لون الشريطة وردي...وهكذا) وبعدين إتنزلين من الشريطة ورقة مطبوعة بالكمبيوتر مكتوب عليها اسم المعرس والعروس...


    وأتمنى إني أكون ساعدتج ولو بالقليييييييييييييييييييييل............................



    وشكرااااااااااااااااااااااااااااااااااااااااااا

تابعي تجارب أخرى من هذا القسم.