اختي فته قريت موضوعك ويشهد علي ربي اني تاثرت بكلامك
انتي مااحد يلومك تبين ولد وهذا من حقك وكل شي يسويته ان شاء الله يكون بميزان حسناتك
وان شاء ربي مايخيب رجاك ويرزقك بذكور اللي تقر عينك ...
بقولك قصتي صح مالها اي علاقه بقصتك بس يربطها قدره الله فوق كل شي
انا قبل مااتزوج كان معاي هرمون الحليب مرتفع وقالت لي الدكتوره لازم تاخذين حبوب علشان
يقل نسبته لان اذا ماقلت نسبته اذا تزوجتي ماراح تحملين مافيه امل(الله ياخذها ماعندها سالفه)
انا انصدمت وكل امل عندي بالزواج راح لدرجه اني اذا قالوا اهلي ان شاء الله ربي راح
يرزقك بالزوج الصالح اجلس اصيح لاني كنت خايفه اتزوج ومن الاساس عارفه ماراح احمل
والمشكله عند صديقاتي الصدمه الاكبر اذا اجتمعت معاهم بمناسبه كلهم متزوجات وعندهم اولد
تصدقين بالله لما ارجع للبيت اجلس اصيح اصيح اجلس اقول مافيه امل اكون ام
وكنت حاطه في بالي مستحيل اتزوج
لكن ربك امر وتزوجت والحمدلله وصارت معي لخبطه بالدوره ورحت لحرمه تعالج
وكشفت علي قالت لي انتي مبايضك صفر والافيه امل بالحمل الامل ضعيف
والله العظيم انها تقولي وهي مقفله عيونها وتهز راسها يعني متحسره علي
اني ماراح احمل وتجلس ترص علي بالاداوي اللي تلوح الكبد
وربي طلعت من عندها منصدمه وكاره نفسي واحس الدنيا خلاااااااااااص تقفلت بوجهي
ومجروحه وش سويت بالدنيا علشان انحرم من اني اكون ام
وصرت اهيئ زوجي واقوله اذا صرت عقيم ولا جبت لك ذريه راح تطلقني او تتزوج علي
حتى هو يقول ليش تقولين هالكلام !!!
صرت اخاف اروح لاي مناسبه وحتى صرت اخاف ابوس اطفال قرايبي
لما نتلاقى اخاف انهار باي لحظه
واوو وغير محلات الاطفال لما امر من عندها اجلس اصيح واتمنى يجي يوم وادخل هالمحلات اجهز لطفلي
المهم صرت اكل ادويه وخرابيط والتزمت بالدعاء والاستغفار وقراءة القران خاصه سوره البقره
المهم جاء يوم وكنت انتظر الدوره ولا جت وتاخرت 4 ايام وصار زوجي يقول اكيد
حامل وانا احس انا هالكلمه مثل السكين تجرح قلبي واقول الله لايخيب رجاي
وغير اسالت الحريم ليش ماحملتي لحد الحين مع اني ماطولت كلها كم شهر بس
المهم انتظر الدوره وبعدين حللت وقالت الدكتوره انتي حامل
وربي ماتخيلين فرحتي الله يرزق كل محرومه يارب
طولت عليك لكن بالاخير بقولك الله قادر ع كل شي
ولاتعيدين التجربه والزمي الدعاء والاستفغار
والله يرزقك ويفرح قلبك ويقر عينك بالولد الصالح
ها انا عدت ومعي النتيجه في محاولة تحديد جنس الجنين
متابعة النقاش، صفحة 44