دخوللللللللل .........للاستفاده....والاانتوا الخسرانيين::::::

[COLOR=skyblue]السلام عليكم اخواتي
اتعرفون اخواتي ان مصروف البيت يبيله شي من حسن التصرف ...وانه الوحده فينا لازم ايكون لهل برنامج اسبوعي اوشهري تعرف من خلاله كم بتصرف اوكم اصرفت خلال الشهر....
وعلى هذا الاساس تقدر تعرف كم بتوفر ....حلو بس والله ياخواتي ماعرفت كيف اتكون الميزانيه حق بيتي احس انه لمن امسك المصرووووف تصير يديني مثل المشخل اتخر منه الميه< اقصد الفلوس>:06:
انا اريد من كل وحده تخبرني عن كيفيت تصرفها في ميزانية بيتها والنسبه اللي اتوفرها في الشهر من الفلوس.
علشان نستفيد كلنا خواتي .:cook: تعرفون عن نفسي ماعندي حسن تصرف في الاداره:44:فلعل وعسى استفيد منكن ويستفيد الاخوات بعد:21:
وشكرا:27:

12 تعليق 886 مشاهدة

شاركي في النقاش

سجلي الدخول لإضافة تعليق.

التعليقات

12
  1. @alktkoth_2

    هلا قلبي

    اول شي انا لسه ماعندي بيت ولا اتزوجت ادعولي انه ربي يرزقني الزوج الصالح

    عشان اكون مسؤوله عن مصروفه ومصروف بيتي

    بس انا اشوف من المحيطين الي حولي

    يبدون يوفرون كل شهر لو 50 او 100 ريال يشيلونها من اول الراتب

    وهذا طبعاً على حسب المصروف الأساسي يعني ممكن يكون التوفير اكثر

    بعد كيذا يكتبون الأشياء اللازمه والضروريه ويحطونها برأس القائمه

    مثل تسديد الفواتير (كهرب اجارات تيليفون إلخ)

    اكل شرب بانزين يعني الأشياء الضروريه الي مو ممكن تتتأجل


    وبعد كيذا الأشياء الأقل اهميه الكماليات ملابس جديده عطور مكياج تحف

    يعني

    بعدين ممكن تحطين ميزانيه للضروف الطارئه

    يعني سبحان الله (مرض مفاجيء الله يكفيكم الشر ) لانه فيه ناس لو يمرض

    احد من اولادها مو ممكن تلقى عندهم قرشين زياده فيضطرون يتسلفون وكيذا

    او حتى ولاده او اي شي

    بعدين الزياده ممكن توفرينها

    مره يجي في بالكم سفره حلوه يعني تكون عندكم تحويشه كويسه تقدرو تروحون فيها

    او يجيكم مناسبه وودك تشترين هديه كويسه ولا فستان حلو

    او اي شي

    يعني تقريباً هذا برنامج كويس

    وممكن انتي تعدلينه على حسب ضرفك ومصروفك

    وطبعاً لا تنسين تتصدقين بجزء لو بسيط من المصروف لأنه ربي يبارك لك فيه




    والله يوفقك للي يحبه ويرضاه


    ولا تنسيني من صالح دعائك


    :27: ^الكتكوته^ :27:
  2. @zhr_fy_shraaa

    صاحبة الموضوع
    اختي الكتكوته السلام عليكم :26:
    الله ايوفقج ويرزقج بالولد الحلال اللي يفتحلج بيت وتصيرين انت الامره الناهيه ....ويابخت من بتكونين من نصيبه ..بتكونين زوجة صالحة واقتصاديه بعد:27:
    ويزاج الله خير على المعلومات والنصيح الزينه
    وانتظر من الاخوات المشاركة للافادة من نصايح بعض اعرفكن زين ماتفشلن احد:42:
  3. @ashraaakh

    شوفي زوجي سوى مره جدول لميزاينة البيت على برنامج
    اكسل واستفدنا كثير من الجدول
    يعني كل ما صرفنا شي خلال اليوم يسجل في الجدول في
    الخانه المطلوبه
    طبعا في نهاية اليوم يجمع مصروف اليوم كله
    وهكذا " حلوه هكذا " في باقي الأيام لحد ما نكمل شهر ويحسب
    مجموع الشهر طبعا كل شهر محفوظ
    فصرنا نراجع الأشهر ونقارن في المصاريف
    وصرنا نعرف من وين انزاد المصروف
    شلون نقلل من هذا و ......

    من تركنا الجدول ما عاد صرنا نكتب فيه
    والله ان كل شي تلخبط وعلى قولتك صارت
    ايدينا مشخله

    وانا انصحك تسوين جدول
  4. انا بصراحة مومتزوجة >>>>>>>>>>>>>>بس داخله لقافة وللمساعدة يله ادعيلي عاااد غارت البنت:22:
    بالنسبة للتوفير انصحك تشترين جره ماتنفتح ابد وجمعي فيها فلوس كل يوم 5والا10وانسيها وكل مابقى من فلوسك فكات برضو حطيها
    وبالنسبة لاغراض البيت اذا بتروحين للسوبرماركت حددي بالضبط الاشياء الي تحتاجينها بلازيادة ممكن توفرين بهاالشكل 150والا200ريال اشياء فايضة عن الحاجة يعني اول ماتدخلين السوبرماركت لاتلفين ولاتدورين على طول روحي لحاجتك واطلعي لانا معروف لواي وحدة بتروح السوبرماركت وبتشتري عصير والاحليب اخذت السوبرماركت بكبره معها
    امابالنسبة للسوق حدديلك كم قطعة بتشترين والاسعار التقريبية الي بتشترين فيها وروحي برضو لغرضك واذا خلصتي من غرضك بالسوق لاتلفين زيادة لانا يمكن يعجبك شي وتاخذينة
    وكل مازادت فلوس سجليها بورقة والاحطيها بالجره عشان ماتصرفينها وحاولي تدخلين بعد بالفايض جمعية مع قريباتك والاصديقاتك ممكن تستغلين الفايض بشي مربح :27:
  5. @zhr_fy_shraaa

    صاحبة الموضوع
    السلام عليكم بنات
    اشراااااقه مشكوره الغاليه على المشاركه وبارك الله فيج
    بس اختي بتكون صعبه شوي تسجيل كل اللي بنصرفه في اليوم < علىجذيه بنسوي مجلدات > وعلى العموم فكرة حلوه وعصرية للي بيطبقها وشكرا مره ثانيه<<<:26: :26: