السلام عليكم ورحمة الله وبركاته
بداية اسال الله العلي العظيم ان ينصر المجاهدين في غزة والعراق وافغانساتان وفي كل مكان ..
وان يجعلنا هداة مهتدين وان يثبت قلوبنا على دينه ..وان يكون اخر كلامنا من الدنيا شهادة ان لا اله الا الله
وان محمدا رسول الله
اللهم امين
في كل ميدان هناك مجاهدين سواء كان جهاد بالسلاح او جهاد بالقلم او بالقول ..
ومنذ ايام عرفت نوع اخر من انواع الجهاد ومحاربة الشرك واعلاء كلمة لا اله الا الله ..
ساحكي لكم تفاصيل ماحدث بالعامية ..
بعد ولادتي بابني سمعت عن حاجة اسمها تمريخ ومساج يلم الجسم و يرم العظم ..قلت وماله خلينا نتمرخ
جابت لي اختي رقم اندونسية مشهورة في التمريخ
بعد مداولات واتصالات عديدة اتفقنا ان زوجي يجيبها ..مزحومة الادمية عليها الطلب يدوب فضيت لنا ..
وحدة قصيرة تعطيها فوق ال 45 مكياج عجيب عاملته وريحة العطر اللي تصرع ..اول ما بدات تتكلم معي
صارت تستعرض بطولاتها انها سوت مساج لدكتورة وانه اعطتها 600 ريال ووووو
المهم بدات في المساج وتقرقرة وانا على نياتي مصدقة وداخلة جو صارت تقولي انا بنت شيخ كبير في اندونسيا وانه عندها سر ورثته من جدها..
ايش السر يا اختي ..
السر انها تطلع الجن من الجسم وتعالج الممسوسين ..
استغربت وحدة في منظرها مستحيل يكون علاجها بالقران والطرق الشرعية ..
لعب الفار في عبي
طلعت نصابة الجلسة الوحدة تبغى تعملها ب150 ريال وتبغى تبيعني دواء حقهم عجيب ريحته وشكله حق النفاس على حسب كلامها ب 50 ...
وعرفت بعدين انه يتباع ب 15 في البقالات حقتهم..
وطلعت قوادة زوجي اختبرها قالها فيه رجال يبغى يتزوج بنت صغيرة اندونسية قالت انا اجيب له ..اي واحد يبغى بنت انا عندي ..اعوذ بالله
بعد ما راحت
كلمت زوجي وقلتله على الكلام اللي دار بيننا ..
على طول عرفها ساحرة وانه متاكد مليون بالمية ..عاد انا صفرت وخضرت
ياااالهوي كنت بين يد ساحرة ..كرهت المساج وكرهت اليوم اللي فكرت فيه اجيبها ..
وما اكاد استوعب الموقف الا الاقي زوجي يقولي رح نجيبها تاني
يا حبيبي رح شوف غيري العمر مو بعزقة وحدة ساحرة نجسة ايش ابغى منها ..
قالي خلاص حطيتها في راسي وحدة خربانة لازم تتمسك ونريح البلد من شرها ..
اتاري الرجال كلم اصحابه في هيئة الامر بالمعروف وعشان يمسكوها لازم يمسكوها متلبسة بالجرم وهو السحر
جاتني مرة تانية حاولت استدرجها قلت لها عندي صاحبة دكتورة زوجها متزوج عليها وصار يكرهها ويحب التانية ..
الحرمة ماصدقت خبر زبونة جاتها على طبق من ذهب ..طبعا مو معترفة انها ساحرة بس كل اللي تعمله دعاء وتهجد وصلاة ..طبعا للشياطين والجن ...
قالت خلي صاحبتك تجيب سروالها يكون وسخ وشعرها واضافرها ووسخ الاذن ووسخ السرة ..اعوذ بالله منها ومن كل ساحر وساحرة
ووقعنا في الورطة من فين نجيب هالصاحبة ..كلمت صحبتي شردت ولا عاد رفعت سماعة علي
مافيه الا الهيئة تجيب من عندهم ..
وجابت وجا اليوم المنتظر وهي مو دارية عن اللي مدبر لها
واثقة اننا ناس طيبة وهبلة وتضحك علينا زي ماضحكت على غيرنا
دخلت الادمية البطلة الثانية في الحكاية ما اعرفها ولا تعرفني..بس لازم نبين اننا نعرف بعض قدام الساحرة..
طلعت اللي عندها هذا الشعر وهذا السروال وهذي الكوفية ..وبالمرة هذي الفلوس 2000 ريال
الاخت مرعوبة وخايفة وتبغى تخلص المهمة باسرع مايمكن قبل لا يغمى عليها من الرعب ..ههههههههه
وانا فاطسة ضحك على منظرها الله يسعدها ..كنت جالسة ورا الساحرة فمو شايفتني والاخت شايفتني وانا ببتسم اخفف عنها ..وهي حالتها حالة مرة تبتسم مرة تكشر ..
ووقعت في ورطة الساحرة قالت لها فسخي سروالك اللي انت دحين لابسته كانت مفاجاة لي وليها ..
الحرمة استاذنت تروح الحمام ..وديتها لابعد حمام في البيت اتاري الهئة سامعة لكل الكلام اللي يدور في المجلس لانه الاخت فاتحة جوالها ..
لما رجعت قالت لها مني لابسة :icon28: وخرجت من الورطة
والموقف الطريف التاني ان الاخت قالت لها اسمي فاطمة طبعا مو هو الحقيقي ..
وبعد مدة من الكلام قالت لها اسمي اشواق ..واااااااااااو قلت خلاص حننكشف..
اتاريها الساحرة مفوتة وشكلها قربت على الشيخوخة والتخريف
بفضل الله ما نتبهت
لزلة اللسان ..
قالت لها هاتي صورة زوجك رح اعلقها في الشباك بخيط كل ماهبت عليها الريح رح يصير زي الجنون ورح يحس بنار في جسمه ما تنطفي الا لما يجامعك ..شفتوا الشر ..الله يعافينا
بعدها اتصل زوجي قال اخرجي والحرمة غطت ووجهها وطلعت فوق اطالع من ورا الستارة متشوقة اشوف منظر الساحرة وهي مكبلة عليها من الله ما تستحق ..
تقريب 6 رجال دخلوا وقبضوا عليها متلبسة ..واتخلص البلد من ساحرة تشرك بالله وتنصب على الناس ..وفاتحة بيت دعارة ..وتخرب بيوت ..
ولله الحمد من قبل ومن بعد ..
سالت زوجي فيما بعد من فين جبتوا الشعر ..قال رحنا لمحل حلاقة ولمينا الشعر الموجود عشان كده عجلوا بالقبض عليها خافوا لا تسوي سحر في شعر الناس ..
بعد مادخلوا حقون الهيئة على الساحرة وانا طلعت خرجت الاخت اللي ماعرف ايش اسمها الى الان ..وهصارت تناديني يا اخت يا اخت
انا فرحت اخير رح نتعرف على البطلة ..مسكينة مو قادرة تتكلم من الخوف ..ريقها ناشف ..
حبيت اداعبها عنها قلت لها ان شاء الله تزوريني مرة تاني ..صرخت بملئ فمها ماااااااااااا ابغى هههههههه
قلت لها من دون مايكون معانا سحرة ...برضوا قالت ماااااااااا ابغى..الله لا يقدر ..مسكينة ههههههههه
لو تعرفوا قد ايش حسيت بالفخر والسرور باللي عملته احمد الله اللي وفقنا في المهمة ..
والان في نهاية موضوعي اقول لكن .
.يااااااا اخوااات انتبهن من الاندونسيات والله انهم يتعاملون بالسحر زي شرب الماء وان شكيتي في وحدة لا تتردي انك تتاكدي بالحيلة من الموضوع ..
وان ثبت انها ساحرة بلغي اسود الهيئة فورا ورح يتعانوا لاقصى حد ..
وان كنت تعرفي ساحرة في جدة او مكة راسليني على الخاص وزوجي حيكلم الهيئة وهم يتصرفوا ..
بارك الله فيهم وجزاهم الله كل خير
شاركي في النقاش
سجلي الدخول لإضافة تعليق.
التعليقات
123- حسبي الله عليهم ونعم الوكيل
- حسبي الله عليهم ونعم الوكيل
والحمدلله الله خلص الناس من شرها - اول شي الحمد الله على سلامتكم من هالساحره
الله ينتفم منها وينتقم من كل ساحر وساحره
والله يوفق الهيئه ويثبتهم وفعلاً هم اسود - جزاك الله خير ،،
و جزاهم خيرا ،، - بارك الله فيك ماشاء الله عليك شجاعة
الله يخلي لنا اسود الهيئة
مواضيع مشابهة
تابعي تجارب أخرى من هذا القسم.