شاركي في النقاش

سجلي الدخول لإضافة تعليق.

التعليقات

68
  1. @aorghanza

    انتي مثل حالتي انا متزوجه لي 9 سنوات ماشيه فالعاشره وعمري مثلك 27 والله مارزقني صح زوجي يفكر بالزواج بس اذا جاى الجد يهون ...اختي عليك بالرقيه احنا يوم صرنا نرقي انفسنا طلعت بلاوي وعرفت اشيا شاب راسي منها .. دام انك سليمه ليه مستعجل ... واذا هو قرر يتزوج وانتي شايفه انك ماتقدرين تتحملين استخيري وان شالله ربي يكتب لك الي فيه الخير .. فالنهايه ترى الرجل اناني بكره لو تزوج وحملت زوجته راح ينساك . وصدقيني انا مثلك لو زوجي فكر يتزوج وشفت انه صادق وخلاص بيسويها والله مااقعد عنده يكفي الي فيني من بلاوي اهله حسبي الله عليهم.
  2. @fgr_althlam

    حبيبتي ..زوجج مالعب من وراه

    أهو يحبج ويرغب ببقائج

    لكن مو معنى أنه يطلب الذرية أنه قتلج

    هذي سنة الله ولاتكبري المشكلة وماتدرين ويب ربي يدبرج

    بكلمج بصراحة يعني تقولين أنج تعانين من هذا الشيء

    طيب تخيلي ..طلبتي الطلاق وتزوج وياب عيال وأنت ببيت أهلج مطلقة منو بيجيج كل من تزوج يبي يهال

    إلا نوعين شايب طايح يبون عياله يسكتونه ..وإلا ريال عنده عيال ويبي وحدة تطرب فيها ..

    الأمل بالله إي نعم لكن ياوخيتي خليج واقعية يمكن مايزيد حبج إلا لاتزوج

    وعياله باجر هم من يبرون بج

    عمتي عندها عيال وأهي الأولى وتزوج ريلها وجاب منها عيال والله ياعيالها متزوجين واللحين مايجلسون وياها ويوسعون صدرها إلا

    عيال ريلها ومايقولون لها إلا يمه ..

    ورفيجة أختي نفس حالتج والله يابت الثانية بس بنت ..والله أنهم زي الأخوات ومكانتها ودلعها زاد أقصد الأولى

    لأن اللي نعرفها الثانية ..وتقول مايسمح بأدنى كلمة عليها ..

    يالحبيبة ماتدرين وين الخيرة توكلي ع الله وصبري وأتركي كلام الناس والله ماجاب لنا الهم والغم إلا لأننا نراقب شنو يقول فلان وشنو
    تقول فلانه..عيشي حياتج وبشروطج

    وإن شفتي تقصير ذاك الوقت طلبي الطلاق

    وتذكري هذا أمر الله ومقدر لج

    لاتزعلين من صراحتي ..اللي يقهرني اللي مايصلي ويترفس بحرمته ليل ونها ويشرب تصبر مرته عشان لاتطلق وانت معززه ومكرمة

    وريلج بيسوي ماأباح الله له وتطلبين الطلاب فكري بعقلج لا بقلبج ..والله ييسر أمرج يارب
  3. @mafyha_shy

    احب السلفيه
    اختى الكريمه لاتهدمى بيتك فانت لم تخلقى لنفسك وانما خلقت لزوجك فهو جنتك ونارك هو طريق الى مرضاة الله اعبدى الله فى اخلاصك وحبك وطاعتك ووفائك لزوجك فى غير معصيه الله اسالك بالله هل لو علمت ان زوجك زنى بامراه هل كنتى طالبه الطلاق او لو علمتى…
    ايش الكلام هذا ؟؟ هي خلقت لزوجها؟؟
    لاحول ولا قوة الا بالله
    الله خلقنا عشان نعبده ماخلقنا عشان ازواجنا
    وابواب الخير كثيره عشان نتقرب من الله
    مو الوحده ترضى بالذل والهوان عشان تدخل الجنه
    اصلا المسلم مايجوز له يهين نفسه لان ربي خلقه كريم
    يبدو لي انك من انصار نظرية الاستعباد لاحول ولا قوة الا بالله
    اجل المرأة خلقت لزوجها؟؟ يعني مالها لاحقوق ولا متطلبات مخلوقه فقط عشان ترضيه وتعفه عن الحرام؟
    لو انا رجل وزوجتي تفكر بطريقتك مستحيل ابقى معها بطلقها
    الرجل الطبيعي يبغى يتزوج انسانه تشاركه حياته وبيته مو عبده مملوكه وظيفتها تقوله سمعا وطاعه !!!!!


    طبعا انا مااحرض الاخت الكريمه صاحبة الموضوع عالطلاق
    اهي اعرف بمصلحة نفسها واهي تختار الشي اللي يريحها
    الله يرزقك يالغاليه ويوسع عليك ولايجيب لك الهم والغم

تابعي تجارب أخرى من هذا القسم.