//**&&^^الملف التااااااااااااااااااااسع لاحلىى سنعااااااااااااات^^&&**\\

10 يناير 2009

السلام عليكم ..
اكيد مافي حد سهران بس انا ماجاني نوم ...قلت نقعد على النت شوي ..
احساس ,,,والله خضيتيني على ابنك ..الحد لله على سلامته ..يا شيخة حوشكم واسع ويلعب بالدراجة فيه على راحته ..بس برا ممنوع ..والله بالذات بالصيف نكونوا في الطريق ..وهالعيال بالدراجات بين السيارات وقلبي بيوقف عليهم ..نقول كيف امهاتهم يخلوهم يطلعوا من البيت بيها ..الفمروض لو في منتزه او بارك خاص بالداراجات يلعبوا فيه الاطفال والا في الحوش لو انه واسع او مزرعة بس الشارع والطريق هذا خططططططر ...اكيد بستي التوبة ..الحمد لله انها جت سليمة ...
السديم ....والله بنشتاق ليومياتك ..الله يهدي زوجك بس ...
توفي ..انا بالنسبة لي عيالي كانوا زي بنتك بالضبط ..ابسط نسمة برد خلاص على طول زكام ومن بعده حساسية صدر ونبقى على البخار والابر وهلم جره ..بس والله ثم والله ما نفع معاهم الا الطب البديل ..عندنا مرة كبيرة في السن ..تعالج في الاطفال ..اخذتهم لها وهي طببتهم بس بصراحة ان زوجي هي اللي اخذتهم يعني ماعندي فكرة عن العلاج اللي عملته لهم ..بس من جد والله ماشاء الله لاقوة الابالله ..صارت مناعتهم قوية ..ولاعاد زكام ولا حتى كحة ..لو عندكم حد يطبب الطب البديل واكيد في عجايز من هالنوع في كل مكان وانا ماكنت نقتنع ولا موثق بس قلت مجبر اخاك لا بطل ..والله الحمد لله ابركها علينا مشية للخالة ماندري شن اسمها ...بس نصيحتي لك اكيد فهمتيها ..والله يشفي بنتك يارب ..ولا تنسي اهمية الدهن بالزيت وتحطي اوراق او جرايد بين الزيت والملابس علشان ما تمص الملابس الزيت ..ولو عندك قطعة قطنية مستطيلة تكون احسن نقعيها في زيت ساخن ولفيها على بنتك من الرقبة حتى الخصر من الخلف والامام كانها قماط تحت الملابس سبحان الله حتى هي روعة وبترتاح معاها ....واذا عندك قربة اللي يحطوا فيها ماء ساخن ويستعملوا فيها للبرد ..حطيها على صدرها وعلى ظهرها بتحسيها ترتاح معاها ..وخلي عندك على طول قطرة انف احسن قطرة اسمها اوتريفين بس لازم الاصلية ..وقطرة للبلغم اسمها بيسلفون ..حتى هي لازم الاصلية اماراتية..اما المصرية ماتنفعش .. وفي دواء ممتاز للزكمة وللبرد والكحة اسمه نيوكولد ..اول ماتحسي بنتك رشحت على طول اعطيها ...يعني مشوارك حيكون للصيدلية اول شيء علشان هالادوية والله نتكلم من خبرة وتجربة لاني عانيت كثير من هالموضوع وعرفت اللي يجيب نتيجة واللي مايجيب ..اما المضادات الحيوية والبخار والفنتولين مجرد علاج مؤقت مجرد نسمة ثانية بيرجع الوضع زي ماكان لانهم يدمروا مناعة الطفل ..لازم يكون علاجك للبلغم ومخاط الانف لانهم هم اللي يتجمعوا بالشعب الهوائية ويسببوا ضيق التنفس والتهاب الرئتين ..علشان هكي اقضي عليهم اول باول ..طبعا مع المشروبات الساخنة طول الوقت لانها توسع الشعب الهوائية ..واهم شي اذا بنتك ما تبيها تمرض يكون مكان نومها داااافيء مافيه ولا هواء بارد يدخل ..ولما تصحى من النوم لا تطلعيها على طول من سريرها ..افتحي غرفتها وخلي هواء البيت يدخلها وخلي البنت تلعب في سريرها شوية لين تفتر ويتغير هواء الغرفة مع هواء البيت بعدين طلعيها لان التغيير المفاجيء في درجة الحرارة للطفل وهو عرقان ودافيء يسبب بررردة وزكام على طول ..وحاولي قدر الامكان انك تلزمي بيتك لما يكون الجو برد صحة بنتك اهم واللي يحبك بيقدر ظروفك واللي مش مقدر القعدة في البيت ابرك من المشية ليه ..الا ذا كان الجو مشمس ومافيه تيار ..ولما تطلعيها دفيها كويس وماتخلي الهواء البارد يدخل لانفها وفمها واذناها ..وزي ماقلت لك لا تبدليلها ملابسها الا لما تفتر مش تكون عرقانة وتشليحلها ملابسها ..والحمام لازم يكون دافي قبل ما تحمميها ..ولا تطلعيها من الحمام الا وهي لابسة كل ملابسها حتى الشراب ..وشعرها مجفف وبعد الحمام ادهني لها صدرها وظهرها بشوية فازلين او زيت جونسون ..والغي البودرة والعطور للاطفال لانها السبب الرئيسي في الحساسية ..وبعد الحمام على السرير الدافيء على طول مافي نقاش ..انا هذا برنامجي مع عيالي ممكن نكون موسوسة بالاهتمام ..بس منلما اتبعت هالبرنامج الحمد لله بسم الله ماشاء الله لاقوة الابالله ..الشتا قد ما بردنا برد جمود ما مرضوا ابدا حتى لما يرشحوا شوي الصبح ..حسيت مناعتهم تقوت ما يجي الظهر الا وهم تمام ..من بعد ماعانيت طول الشتا الماضي والصيف اللي فاتوا من البرد والحساسية ..الحمد لله وعقبال بنتك ...كثرت الهرجة ..بس ان شاء الله نكون افدتك ..
ام لولو ..هلا بيك معانا ..ولا تترددي ..حطي يومياتك بثقة وسعادة وكلنا بنستفيد ..
مولدي عيناك ..الله يبارك بعمرك يارب ..ونقولك ياام معاذ ..هذا هو الاسم ياترى اللي قلتي انه كنية زوجك ؟؟؟
بنت نورة وام حمودي ...زيت جنين القمح اللي تقصدوه ..ريحته شيييينة ؟؟؟لان الكبسولات اللي جابهم لي زوجي لما شكيتهم بدبوس وعصرتهم ريحتهم اوففففف تحوم الكبد ..زي ريحة زيت كبد الحوت ..بس مكتوب على الغلاف انه زيت جنين القمح ...نستنى في ردكم ...
يومياتي ..
الساعة 6 اتصل زوجي قال ممكن ساعتين ويوصل..وانا كنت مصددددعة ..وتعباااانة ..ضغطت على نفسي ورتبت البيت ..والعيال هبولني حبستهم في اسرتهم وحطيت لكل واحد العاب وشغلت لهم توم وجيري ..وانسجموا ..وانا دخلت المطبخ شطبت الحوسة ..وعقمت الحمام بالديتول الاخضر ...وغرفتي لمعتها وبخرتها ..وكل شي تمام ..مازال هالشكل اللي صاير يجفل ...
دقيت على جارتي اللي قدامي وهي صقيقتي الروح بالروح ..طلبت منها تشيل لي شعر وجهي بالسلك ..وحواجبي كويسات مالياش فترة مشقرتهم ..وسشورت شعري المهم تكشخت وتغندرت ..خلاص مابقى غير ساعة ويوصل ابو الشباب وانا ماني قادرة نفتح عيوني ..قررت ندخل نرقد شوية ..فعلا جيت العيال لقيتهم منسجمين ..عطيتهم بسكويت وعصير ..وجيت لغرفتي وارتميت على السرير ..رقدت نص ساعة او ساعة الا ربع ..حسيت نفسي الحمد لله رايقة شوي مش كثير ...وكسروا خاطري العيال ليهم ساعتين محبوسين ..طلعتهم ولعبت معاهم شوية ..على جية زوجي وجاب معاه همبرغر تعشينا بيه ..
وعلى 1 رقدنا ..بس انا ماجاني نوم ..فكرت نكوي شوية كوي ..بس تكاسلت ...نشوفكم الصبح ان شاء الله ..تصبحوا على خير ..
بريق وينك ؟؟؟..

//&&^^الملف التااااااااااااااااااااسع لاحلىى سنعااااااااااااات^^&&\\

التعليقات