شاركي في النقاش

سجلي الدخول لإضافة تعليق.

التعليقات

1,736
  1. @aahd_alasdkaaa22

    سلام بابنات..
    يعطيكم العافيه..ام حمودي سلامه فهودي مايشوف شر..بس بغيت انبهك عن السخونه..انا لما كان ابني علي عمره سنه جاته سخونه وانا جلست اعطيه تحاميل وكمادات..وتخف شوي وترجع..وقتها ماكان عندي الخبره الكافيه بمخاطر السخونه..واستمرت السخونه يوم كامل ولما جاء بعد المغرب عطيته تمبرا..ورحت انسدحت جنبه وشوي الا الولد ينتفض وعيونه تصير بيضا وطلع من فمه رغوه ابيض والله انا اتجننت صرت اصيح وجاء ابوه طيرااان على المستشفى وهو لابس القميص وانا جلست ابكي واصيح ولما وصل المستوصف الحمدلله قريب مره مننا علطول حطوا عليه اكياس ثلج وقال الدكتور صار له تشنج (اختلاجات) بسبب شده السخونه تخيلي يوم قاسوها بالمستوصف كانت 40..ودخلنا في موال ثاني اشتبهوا في ان عنده مرض الحمى الشوكيه لانه كان مايقدر يحرك رقبته..واخذوا منه عينه من الحبل الشوكي من اسفل ظهره..والحمدلله طلع سليم وااخر شي السخونه من التهاب باللوز..تخيلي كيف بس السبب اهمالي انا وابوه من كثر مايمرضون الصغار صرنا نقول عادي ونعطيهم من الادويه اللي بالبيت..ومن يومها اخذت قلب محترم وصرت اكثر شي اخاف منه السخونه..
    انا ماقصدت اخوفك ..من غير شر على ولدك .. لابس حبيت اقولك قصتي انتي والبنات عشان ياخذون حذرهم..
    ++++

    انثى الاسد..الحمدلله على سلامه الوالد ربي يقر عينكم بشوفته..انا دراستي نص السنه ونهايه السنه مو كورسات..

    ++++

    وفا..ماشاء الله عليك..الله يعطيك العافيه وزياره موفقه..

    انا اليوم رتبت الغرفه وغرفه الاولاد وغسلت 3 غسلات ونشرتهم..
    وغسلت الحمام عمييييق وطهرته بالديتول..
    وطلعت لنا شاي وبسكويت مالح..
    نفسي اغير في ترتيب غرفه عيالي عشان احس بنفس وانا ارتبها ..ههههه
    يالله يافمرات سلامي للكل..بروح اجهز ملابسي واجهز العشاء ونوووووووووووووووووووم..

    تصبحوا على خير وسعاده ..
  2. @hmy_arda_zogy

    مساء الخير بنات
    كيفك وفاء والله كلامك ونصائحك للبنات درر الله يعطيكي العافيه ويقويكي
    أم حمودي سلامة فهودي مايشوف شر أن شاء الله
    أنثى الاسد كيفك ياعسل صراحه حتى أنا كان نفسي أشوفك عند أم حمودي يالله المره الجايه تكون عندي أن شاء الله ونتقابل
    سكون طمنينا عليكي شلونك
    لينا أنا صراحه أقولك نصيحه لاتجيبي خدامه سوي شغلك بنفسك وتوكلي على الله بصراحه أغلبنا ماتحتاج خدامه الحمدلله مادامك منتي عجزانه ماتحتاجينها والله ياختي لارتبتي أمورك بتلقين وقت فراغ كبير والخدامه تكسلك هذي نصيحتي وأنتي الله يوفقك ويرشدك لما فيه خير لكي
    أحساس كيف ولدكي صار أحسن
    البنات الباقيات ولايهونون كيفكم وعساكن على القوه
    يومياتي بصراحه اليوم مالي نفس ابدآ يدوب سويت تنظيفي وأشغالي اليوميه وبس
  3. هلا وفاء
    ياحبي للكنية هذي أتمنى أسمعها اليوم قبل بكره لأنها كنية الغالي ودايما ينبسط لما أقوله أبو معاذ
    اليوم غايبة ما رحت الجامعة والحمدلله اتصلوا علي زميلاتي وقالوا لي إن الأستاذة غايبة .. فرحت من قلبي
    عوضت بناتي سويت لهم الكيكة اللي يحبوها وقهوة لي أنا وزوجي تقهوينا .. وعندي بحث أحاول أبدأ اليوم فيه ..
    وفاء ودي أسألك ( أسوله عندها حفظ سورة الجنّ وأحسها صعبة شوي تنسى الآية بسرعة مع انني أخليها تكرر الآية مع المنشاوي .حفظت لها السور في جهازها الكومبيوتر وهي تشغلها وتكررها ولما تحفظ تجيني أسمعها .. بس الجنّ تعبتني شوي فيها ، أمنية حياتي أن تختم أسيل القرآن وهي في الابتدائي ، وأحسّ إني شادّه عليها شوي بس الحمدلله مساعدتني بحبها للقرآن ما شاء الله تبارك الله )
  4. @bnt_norh_oalnaam

    اهلين..
    ولدي تعبان
    وديته المستوصف وعطوه ابره لإلتهاب الحنجره
    و3ادويه للحلق
    :(
    سويت غدانا كبسه دجاج وسخنت باقي الكوسامحشي
    وسلطه
    وغسلت حوستهم ونشرت ثياب ولدي الي غسلتهم
    وباقي الكوي
    إن شاءالله بكرى
    اكويه اذا كان لي مزاج
    :(