متحيرة .. و لا أدري أخبره عن هالسالفة أو لا؟؟

سلام حبيباتي و رفيجاتي الحلوات ..

عندي مشكلة ..:(

أنا طالبة بالجامعة .. و طبعاً جامعتنا مختلطة يعني طلبة و طالبات ,.,

المهم ..

معي واحد في إحدى المواد .. ما ادري شفيه ! شكله كثير معجب فيني :32: والله ما ادري شقولكم ! أنا في البداية كنت اتصور اني اتوهم .. لاني دايم اشوفه يطالعني و يتبسم .. الا بعدين اشوف صديقاتي كلهم يقولوا لي ((هالطالب حاط عينه عليج و شكله عايش في العسل .. لازم تخبرينه انج مخطوبة ((متملكة من سنة )) !! ))
لأنه كل ما مريت مكان بالجامعة و شافني قام يتبسم و غيره .. و انا ما اقدر اروح اقوله مني و الطريق انا مخطوبة !ّ :eek:
يمكن يطلع ظننا مو بمكانه .. و اليوم شصار !! الدكتور طلب من امس ان نطبع لنا ملازم للامتحانات .. و الا ما اشوفه الا جاي ليي يقول لي (( فلانة .. هذي طبعتها لج !! )) انا عاد انشليت مو متعودة اكلم اجانب و لا عرفت اتصرف .. بس اخذت منه الملزمة و طبعتها في نفس الوقت و قلت لرفيجتي ترجع له الملزمة .. لاني مستحيل آخذها منه .. و بأي صفة أساسا آخذها .. !!:16:

أنا عاد متحيرة .. ما ادري أخبر خطيبي ، أو لا ! لأني اعرف ان خطيبي غيور الى حد ما .. و أخاف أخبره و يضايق أو بعد ما يندرى .. يمكن يفرض علي البس (نقاب ) و انا مو متعودة كلش عالنقاب (( طبعا انا مو من السعودية )) بس انا متحجبة كويس كويس .. و ملتزمة و الحمدلله ..

طولت عليكم .. بس يا بنات شوروا عليي .. و الله حدي متضايقة ما ادري شسوي ؟؟ و هل اخبر خطيبي او لا ؟؟!!:(

ساعدوني و ثوابكم على رب العالمين ..

تحيتي ..

37 تعليق 4,347 مشاهدة

شاركي في النقاش

سجلي الدخول لإضافة تعليق.

التعليقات

34
  1. عزيزتي خطوات شفافه...
    نصيحه لاتخبرين خطيبك بهالموضوع لانه راح يجن من الغيره
    خاصه إنك تقولين إنه غيوووووور:mad:
    وغير كذا ترى الرجال مايهمهم دراسه أو غيره
    فنصيحتي إنك تنسين الموضوع لمصلحتك
    ودمتي:D
  2. أنا في رأي لا تقولين لخطيبك ولا شي انتي ماتعرفين ردة فعله كيف بتكون

    ثانيا واضح ان الطالب شخص محترم ومايدري انك مخطوبة وانتي محتاجة ان تخلينه يدري انك مخطوبة فقط

    نجي للطريقة انتظري موقف يجمعكم ولمحي له عن الخطوبة مثلا لما بترجعين له الملزمة اشكريه وقولي لي لا تكلف على نفسك لأني متعودة أطبع بنفسي وخطيبي ديما معاي ويساعدني بعد وخلاص بهذي الطريفة بيعرف انك مخطوبة ومن غير تجريح لأي طرف منكم

    واذا تمادى الطالب وقل أدبه فهو يحتاج من يأدبه ويوقفه عند حده في هذي الحالة تقدرين تخبرين خطيبك

    انشالله قدرت أفيدك والبنات انشالله مايقصرون

    تحياتي
  3. @aaashk_altsmym_1

    مافي داعي تخبرين خطيبك عنه
    زين ودبلة الخطوبه شفيه اعمه مايشوفها ؟؟؟ههههههههه
    انا اقول تجاهليه كلش ولاتحطين بالك يمه ..واذا اجه كلمك خبريه انك مخطوبه
  4. @hms_algrah

    من رايي انج ما تخبرين خطيبج لانج مثل ما تقولين مش متاكده ان بعض الظن اثم

    ويمكن اذا قلتي حق خطيبج يروح يكلمه او يفتعل مشكله معاه على هذا السبب ويطلع مظلوم او ما في نيته شي وينحرج خطيبج ويرد يفتعل مشكله معاج

    اكتمي على اللي في نفسج .. بس اذا تمادى او طلع عنه تصرف ما يليق بجهاله يعني ما يكون عارف انج مخطوبه وقتها خبريه انج مخطوبه وانه ما يسوي هالاشيا مره ثانيه معاج

    واذا ما تاب وقتها خبري خطيبج خله يتصرف معاه ويوقفه عند حده
  5. @ryf_almaaaly

    أكككككككككككككككككيد اي وحده تظهر وجههــــــــــــــا للرجـــــــــــــال وتختلط معاهم يبي يصير لهل مثل هالمواقف

    واكثــــــــــر،،


    (( متحجبة كويس كويس .. و ملتزمة و الحمدلله )) وين حجابك اللي تقولي عنه وانتي كاشفة وجهك؟؟؟؟؟

    اللـــــــــــه يهدي الجميع الى مايحبه ويرضاه ويديم علينا نعمة الحجاب(( ستر الوجه))انة ولي ذلك والقادر عليه....

تابعي تجارب أخرى من هذا القسم.