الله يحفظهم يارب
اسفه اختي بس احس اسلوبك مضر اكثر من انه مفيد يعني كذا تخلينهم يبعدون عن الشي خوف من الكاميرات مو عشان الشي هذا حرام وغير كذا تفقد ثقتهم بنفسهم
احسن طريقة من الطفل صغير بالاشهر ماتغيرين له قدام الناس ولا تخلينه بدون ملابس حتى لو كنتوا بالبيت لحالكم
امي الله يجزاها خير كانت لما تبغى تغير لنا تروح لغرفة ثانية ولا تخلي احد موجود يتفرج حتى لو كان صغير تطلع كل الموجودين فكبرنا على انه محد يشوف الا امي لا ابو ولا اخو وهي تقول لنا هذا الشي حقك ماتخلي احد يلمسه ولا توريه احد بس امك اذا بتساعدك بتغيير ملابسك وتقول لنا اذا تبغى ربي يحبك لازم تكون لابس ملابس وماتوري عيبك لاحد وترى اي واحد يقول لك ورني عيبك ترى ربي بيزعل منه وهو غلط ولازم تعلم عليه واذا قال لك لا تعلم احد والا بيضربك لا تصدقه ولا تسمع كلامه لانه هو خواف ترا امك وابوك هم اللي دايما بيساعدونك وهم الاقوياء
وبعد دايما دايما تحرص علينا وحنا اطفال تقول لنا ما تخلي احد يلمس هذا ولا هذا لانه اللي يلمسهم قليل ادب هذولي حقاتك ولا تخليهم يلمسونهم
تحرص تستعمل كلمة (حقك) حتى تنمي ان الشي هذا ملك لك انت ولا يشارك فيه احد
وكل ماكبرنا كل ماوعتنا اكثر باللي يناسب سننا
في عمر معين تطلب مننا مانجلس في غرفة لحالنا مع احد ومقفل الباب فكنا لو ندخل غرفة واحد يقفل الباب نصارخ عليه افتح الباب افتحه
نبهي اولادك عن التحرش بطريقة بسيطة بدون حرج #
متابعة النقاش، صفحة 10