بصراحة عجبني الموضوع وكان ودي انزل زيه من اول
انا موظفة ودوامي من الساعة 8 الى 4
وعندي بنتين وولد الله يحفظهم لي
وساكنة في شقة وصارلي سنتين ادور دور في الشمال<<<<يمكن فيه احد عنده دور للإيجار
عندي شغالة الله يعطيني خيرها ويكفيني شرها عندي استعداد ابوس راسها بس ماتضر وليدي الله يحنن قلبها عليه
قبل كذا ماكانت عندي هالمشكلة لأن بنتي عمرها 10 سنوات وكنا نطلع كلنا ومافي احد يقعد في البيت اسكر عليها الباب وخلاص بس الحين أخلي معها وليدي واخلي لها الباب مفتوح اولا لأن بنتي تجي من المدرسة الساعة 1 ولازم احد يفتح لها الباب
والله حاسة انها تسوي شي من وراي بس ما ادري
المهم ودي اسوي لها جدول تمشي عليه بس صاير عندها عذر اذا قلت لها ليش ما سويتي كذا ولا كذا تقول حمودي ماخلاني كان يبكي
نسيت اقولكم برنامجي انا اطلع للدوام تقريبا الساعة 7.30 وارجع الساعة 4 مرات القى بناتي وزوجي تغدو ونايمين ومرات القاهم صاحيين ونتغدا مع بعض وانام ساعتين وبعدها اقوم اقعد شوي اصرخ يالله شوفو دروسكم وبعدها العشا وينامو
صار لي فترة أمر بتأنيب ضمير مو طبيعي لأني احس اني ماعندي وقت اقعد مع اطفالي
وبعدها اقعد كم ساعة نت وتلفزيون وتلفون وبعدها انام
طبعا اغلب الطلعات الويك اند وإذا صار فيه طلعة بأيام الأسبوع راح اليوم من غير ما اشوف عيالي
طبعا احس اني مقصرة بس ما ادري اشلون ارتب وقتي قبل كم يوم دخلت المجلس بالصدفة وقفت عند الشباك عشان مافي ارسال الجوال وأشوف ذاك المنظر في الركن مليان شعر وغبار واااضح ان الغرفة على الأقل من 3 أسابيع ما حطت يدها فيها يعني مهتمة بس باللي قدامي واللي وراي عايم بالوساخة ضاق صدري بس ما ادري ايش أسوي
الموظفات ... مافي خاطرهم يسدحون اليوميات ...
متابعة النقاش، صفحة 43