شاركي في النقاش

سجلي الدخول لإضافة تعليق.

التعليقات

1,476

  1. @fdy_amy_t

    صاحبة الموضوع
    خربوطة البربوطة
    ايه والله ودي احط لان الحناء مغذية وياليت تقولين لي وش اضيف عشان يعطيني لون حلو :26::26:
    تامرين امر يا الغاليه ماطلبتي شي :)

    ( حناء - روب - ليمون - عسل - قشر البصل - زيت الزيتون + اي نوع زيت تفضيلنه مثل السمسم او الذره او اي زيت او تكتفين بزيت الزيتون :) - نسكافيه - بودرة الكاكاو - بابونج - كركم ( شوي منه ) - خل .

    بالطاسه تحطين ( الحناء - الروب - الليمون - الخل - الزيت )

    بالقدر وفيه المويه تحطين ( قشر البصل - نسكافيه - بودرة الكاكاو - بابونج - كركم - العسل ) وتخلينهم على النار لمدة تزيد عن ربع ساعه وبعدين تصفين المويه وتعجنين فيها الحناء وتخلينها تتخمر الى ثاني يوم عشان يمسك اللون عدل

    واهم شي تختارين نوع جيد من الحناء مثل الحناء اليمنيه او حناء المدينه المنوره وتأكدي ان الحناء نظيفه خاليه من الشوائب ومو مغشوشه والله يزين شعرك :) واستمري عليها مره بالاسبوع وراح تشوفين فرق واضح بالشعر من ناحية التغذيه واللمعه واللون وتخلينها من ساعتين الى 4 ساعات كافيه وتغطين الشعر بعد وضع الحناء على الراس اي سؤال تحت امرج :)

  2. @lyaly_hadyh

    حبيبتي فديت امي انا بقولك قصة شعري
    ناعم وجاف فيه طعجه طوله ياله يوصل للكتف لونه من استخدام الحنا يعني حناوي استخدمله من الزيوت
    زيت الاس وزيتالتراشوب وكشيورالدهني وواملا وسمسم وجرجير ونارجين وزيت الحيه وزيت زيتون وخروع ولوز وزيت حبة البركه خلطة ملعقتين حلبه مع ملعقتين قرنفل وومحلب وثوم خمرتها وصرتاستخدمها اول مره بشكل مكثف كل يوم ويوم الخميس احط حنا بعد التزيت
    مكوتات الحنا مغلي عشبة الاس والبصل والثوم والزعتروالمراميه وعلبة زبادي وملعقه شمطري وسابله وساق الحمام واعجنها واحطها بعد الغدا لين بعد العشاء واغسلها يوم الجمعه بس حمام مائي بعد كذا غيرت الجدول وصار صار الزيت بس يومين بالاسبوع ومع الحنا وصار جدولي ال
    السبت زيت والاحد سدر والثنين ر احه مع الكينوموتو والثلاثاءحمام زيت بعد خلطة السدر والاربعاء راحه والخميس حنا والجمعه حمام زيت مع الكينوموتو
    اغسل شعري دايما بالشامبو الاحمر
    والحين خلطت القاز مع الشامبو تحمست من مدح البنات له مالي اسبوع
    حمام الزيت الي هو كثيرى وفاشكول وعسل مع بيضه وشوي زيت
    ولي على ها الحاله شهرين
    واستخدم حبوب الخميره مع فيتامين الحديد وفيتامين A
    بس ما شفت الا النعومه وتقريبا التقصف خف اما الطول مافيه شئ يذكر مع بناتي شعورهم مرررررررررررررررررره حلوه اما نا لا
    هل اغير طريقتي ولا استمر وابغاكي تقوللي هل طريقتي صحيحه ولايبغالها تعديل وابغى اغير لون شعري وبحطه بالقرمز قوليلي كيف طريقته
    ودمتي لنا سالمه

  3. @fdy_amy_t

    صاحبة الموضوع
    الجود***
    الله يعطيكي العافيه يااختي والله اللي تسوينه جهد كبير تستحقين الشكر عليه عسى ربي يوفقك ويرزقكي بالخير ويسعدك دنيا واخره مشكلتي يا اختي اني ارضع وشعري منعدم من صبغه سابقه ومعي فقر دم وهو خفيف مره من قدام قربت اصلع واخاوي زوجي وقليل ولونه …
    الله يعافيج لا شكر على واجب :)

    اول شي مبروك ماجاك يتربي بعزكم ان شاءالله :)
    دايما بعد الولاده يتغير الشعر يعني يتساقط وجذي بس لاتيأسين لان راح يرجع الشعر احسن من اول دام انتي تحبين الحناء وناويه تستمرين عليها وحطيها مره وحده بالاسبوع والله يزين شعرك

    ( حناء - عسل - روب - ليمون - زيت السمسم - حبه السوده -قشر البصل - زيت الخروع - خل - اكليل الجبل - نسكافيه - بودرة الكاكاو - بابونج - كركم ( شوي منه )

    بالنسبه للامبولات انا بنت عمتي جربتها والحمدلله مرتاحه عليها توكلي على الله وحطيها :)
    شوفي يا الغاليه بقولج فايدة كل شي كتبته عشان تتشجعين :)


    العسل = يغذي الشعر
    الروب = ينعم الشعر + يطوله مع الاضافات الثانيه + يشيل القشره
    ليمون = يعطي لمعه للشعر + يثبت اللون + يزيل القشره
    زيت السمسم = يطول الشعر + يكثف الشعر + ينعم الشعر ( بصوره واضحه )
    الحبة السودة = تقضي على التساقط
    قشر البصل = تخفف من تساقط الشعر + تساعد على اضافه اللون البني مع الاضافات الثانيه
    زيت الخروع = يكثف الشعر ( لكن يبيله استمرار لان نتايجه تبين بعد 3 شهور )
    الخل = يعطي لمعه للشعر + يقضي على القشره
    اكليل الجبل = يطول + ينعم الشعر

    نسكافيه + بودرة الكاكاو + البابونج + الكركم = يعطون لون بني حلووو :)

    واي سؤال تحت امرج وحتى لو ماعجبتج الخلطه قوليلي وتامرين امر بلي يرضيج :)

  4. @sror_1

    فديـــ أمـــي ـــت
    لاعادي حبوبه مابينا اسف :) ( حناء - عسل - حليب - ليمون - زيت السمسم - زيت اللوز الحلو - قشر البصل - حبة سودا - قرنفل - شاي مر - ميراميه - اكليل الجبل - فوة ( تحصلينها من عند العطار ) - قشر الجوز المطحون ( تحصلينه بعد عند العطار ) ) واذا …
    مشكووووره اختي ماقصرتي

    بس بالنسبه للمقادير اشكثر احط بالضبط من حليب وعسل وغيره وبالنسبه للزيوت احطها مع الحناء مخلوطه ؟

    واذا حطيتها مع الحناء يصبغ الشعر ناس يقولو الزيوت ماتصبغ الشعر مع الحناء


    وكم كمية الزيت اختي بالضبط ؟

    وبالنسبه للعسل لازم يكون طبيعي والا من العسل العادي الي بالسوبر ماركت . اختي كل المقادير الي قلتي فيها موجوده عندي بس قشر الجوز مالقيته ابد في اكثر العطارين ممكن استغنى عنه ؟ بس اهم شي انه باقي المقادير تصبغ الشيب بااللون المطلوب والا انتي ايش رايج اختي اقدر استبدله بالكركديه مثلا


    واختي اذا ماعليج امر وضحي لي الطريقه بالضبط اشلون اغلي المقادير مع بعض والحليب ومشكووووره

  5. @fdy_amy_t

    صاحبة الموضوع
    ليالي هادئه
    حبيبتي فديت امي انا بقولك قصة شعري ناعم وجاف فيه طعجه طوله ياله يوصل للكتف لونه من استخدام الحنا يعني حناوي استخدمله من الزيوت زيت الاس وزيتالتراشوب وكشيورالدهني وواملا وسمسم وجرجير ونارجين وزيت الحيه وزيت زيتون وخروع ولوز وزيت حبة البرك…
    شوفي يا الغاليه والله من خلال اللي كتبتيه انتي تتعبين شعرج من ناحية الخلطات لانها ووووايد وتجهد الشعر وماراح تخلين للشعر فرصه يستفيد من الخلطات واشوفها خلطات جدا مكثفه وفوق هذا يبيلها ميزانيه حلوه كل مره :)

    وبالنسبه للقرمز والله يا الغاليه ماانصح فيه يجفف الشعر وفوق هذا وانتي بكرامه لي جيتي تغسلين الشعر يعدم المكان ومايظل فتره طويله بالشعر - عندج مثلا اشياء طبيعيه تعطي لون عنابي اذا تبين وحلوه للشعر وماتضره مثل الكركدية والبنجر هاه وشرايك ؟ :) يعني احنا نحط الحناء بالشعر عشان يستعيد حيويته مانبي نقضي عليه

    انتي اذا قررتي يا الغاليه شنو تبين بالضبط تامرين امر من عيوني وراح اجاوبج بأسرع وقت :) وان شاءالله تقتنعين بالكلام اللي قلته :) ولج حرية الاختيار :)

تابعي تجارب أخرى من هذا القسم.