شاركي في النقاش

سجلي الدخول لإضافة تعليق.

التعليقات

1,476

  1. @algod_15

    الله يعطيكي العافيه على الرد السريع بالنسبه للعسل وباقي الاغراض كم مقاديرها والحنا اذا عجناها هل تكون سايله او ثقيله
    وهل فيها ماء وما رديتي على بخصوص الجروح لي في شعري ويش اسوي فيها

  2. @fdy_amy_t

    صاحبة الموضوع
    سرور
    مشكووووره اختي ماقصرتي بس بالنسبه للمقادير اشكثر احط بالضبط من حليب وعسل وغيره وبالنسبه للزيوت احطها مع الحناء مخلوطه ؟ واذا حطيتها مع الحناء يصبغ الشعر ناس يقولو الزيوت ماتصبغ الشعر مع الحناء وكم كمية الزيت اختي بالضبط ؟ وبالنسبه للع…
    شوفي يا الغاليه والله انا احط المقادير بالنظر ماعمري حسبت كم بالضبط بس بالنهايه المفروض تكون الحناء مو وايد ثقيله ولا وايد سائله وطبعا تختلف المقادير من شعر الى شعر حسب كثافته وطوله بس بحطلج بالتقريب ولا يهمج :)

    بالنسبه للزيوت بالعكس عادي يا الغاليه تمسك اللون واحنا نحطها عشان ماتجفف الشعر وانتي براحتج اذا ماودج تحطينها شي راجعلج :)

    مثلا عندج العسل حطي ملعقه الى ملعقين عسل
    اما الحليب حطي مممم نص كوب حليب دافي
    والزيوت حطي من ملعقه الى ملعقتين فقط

    العسل يفضل ان يكون طبيعي بس اذا مو متوفر عندج عادي يا الغاليه استخدمي العسل الموجود بالسوبر ماركت
    حسافه ماحصلتي قشر الجوز لان يخلي لون الشيب حلو بس مو مشكله مانبي نكلف عليج :) حطي شوي من النسكافيه عشان لو يقلب لون الشيب مايقلب على لون برتقالي بشع طبعا مع الاضافات الثانيه اللي قلتلج عنها :)
    واسمحيلي يا الغاليه ماحطيت الطريقه لان المشاركات وايد وماالحق اعذريني ..

    قدر وفيه مويه على النار وتحطين عليه ( العسل - قشر البصل - الحبة السودة ( مقدار فنجان ) -قرنفل ( ملعقة وحده تكفي ) - شاي - ميراميه ( ملعقه ونص ) - اكليل الجبل ( ملعقه ) - الفوة - النسكافيه ( ملعقة وحده او اذا تبين تزيدين مافي اي ضرر :) ) تخلينهم على النار لمدة نص ساعه وبعدين تطفين النار وتنطرين الموية شوي لما تبرد

    بالطاسه تحطين ( حناء - حليب ( ربع او نص كوب على حسب طول الشعر ) - زيت السمسم - زيت اللوز الحلو - ليمون )

    بعد ماتبرد المويه شوي تصفينها وتعجنين فيها الحناااء
    في طريقة حلوه عشان تستفيدين من الاعشاب اكثر يعني تطحنين الاعشاب وتحطينها مباشره على الحناء وبعدين تجيبين مويه مغليه وتصبينها فوقهم وتعجنين

    يا الغاليه بس ماقلتيلي انتي حصلتي الفوة او لا ؟؟؟

  3. @fdy_amy_t

    صاحبة الموضوع
    الجود***
    الله يعطيكي العافيه على الرد السريع بالنسبه للعسل وباقي الاغراض كم مقاديرها والحنا اذا عجناها هل تكون سايله او ثقيله وهل فيها ماء وما رديتي على بخصوص الجروح لي في شعري ويش اسوي فيها
    والله يا الغاليه المقادير انا مااحسبها دايما احط بالنظر بس بالاخير لا تخلين الحناء وايد سائله ولا وايد ثقيله عشان لما تحطينها ماتتأذين منها :)

    واسمحيلي والله ماانتبهت على السؤال .. بالنسبه للجروح اللي في الشعر ان شاءالله بأذن الله اذا استمريتي على الحناء بتختفي لان الحناء تطهر فروة الراس

    طبعا فيها ماء لان بتحطين المويه بالقدر وفوقها ( قشر البصل - اكليل الجبل - الحبة السودة - النسكافيه - بودرة الكاكاو - البابونج )


    ويا الغاليه مثل ماقلت حق البنات اللي تبي تستفيد من الاعشاب تطحنهم وتحطهم على الحناء يعني ماتغليهم :)

  5. @algod_15

    الله يسعدك يالغاليه وباذن الله ما يروح تعبك خساره وانا بستمر على هذي الوصفه وان شاءالله اشوف التغير في شعري واكنب لكي وراح ادعيلك في كل وقت

    عسى ربي يجزاكي لك الخير ويرزقكي من حيث لا تحتسيين ويوفقك دنيا واخره وينولك كل للي في بالك ويخليلك امك قولي آمين
    ومع السلامه ياعسل

تابعي تجارب أخرى من هذا القسم.