شاركي في النقاش

سجلي الدخول لإضافة تعليق.

التعليقات

1,476
  1. @lyaly_hadyh

    فديـــ أمـــي ـــت
    شوفي يا الغاليه خلطي من هالزيوت بكميات متساويه ( زيت السمسم + زيت جوز الهند + زيت الزيتون ) وضيفي لهم قرنفل خليها الخلطه لمدة يوميين بعدين استعمليها وبقولج فايدة كل زيت من اللي حطيتهم وان شاءالله يفيدونج زيت السمسم = يطول + يكثف + ين…
    حبيبتي الله يسعدك دنيا واخره وينولك الي في بالك
    اشكرك على سرعة ردك
    بالنسبه للقرنفل ايش هي مقدارهامع الزيت وواليمون ايش فايده للشعر والخل عادي ولا خل تفاح وايش مقداره مع الحنا
    وبالنسبه للسدر اخليه لحاله اوايش اضيفله او اضيفه للحنا وكم مره بالاسبوع ويا الزيت وبالنسبه للشامبو انتي ايش تستخدمي علشان استخدمه
    الله يعطيك العافيه ودمتي لنا سالمه
  2. صاحبة الموضوع
    ليالي هادئه
    حبيبتي الله يسعدك دنيا واخره وينولك الي في بالك اشكرك على سرعة ردك بالنسبه للقرنفل ايش هي مقدارهامع الزيت وواليمون ايش فايده للشعر والخل عادي ولا خل تفاح وايش مقداره مع الحنا وبالنسبه للسدر اخليه لحاله اوايش اضيفله او اضيفه للحنا وكم مره…
    العفووو يا الغاليه ان شاءالله تنفعك الخلطه مثل مانفعتني :)

    القرنفل اذا حطيتي ملعقه وحده تكفي بس خلي خلطة الزيوت مع القرنفل لمدة يوميين وبعدين استخدميها والزيوت اذا تبين تحطينها حطيها يوم وترك او كل يوميين وترك اللي يريحج بس لاتحطينها يوميا :)

    الليمون يا الغاليه اذا ضفتيه مع الحناء يعطي للشعر لمعه ويقضي على القشره ويثبت اللون :)
    والخل يا الغاليه المتوفر عندج حطيه وتكفي ملعقه وحده كبيره وفايدته معروفه من ناحية اللمعه والقضاء على القشره ويساعد كذلك على تثبيت اللون :)

    اذا تبين تستخدمين طريقة السدر اللي مثل الزيت حطيه مره بالاسبوع والطريقه يا الغاليه ان تحطين كوب ماي دافي مع ملعقتين سدر وتخلينهم نص ساعه وبعدين تحطينهم على الشعر لمدة ساعتين وتغسلين الشعر عادي وبعدين تدهنينه منعا للجفاف
    في طريقة ثانيه للسدر اللي اهيا يستخدمونه مثل طريقة الشامبو في غسيل الشعر وللامانه انا مالي خبره كافيه بالسدر :)
    والشامبو اللي استخدمه يا الغاليه لي 3 شهور ومرتاحه عليه وناويه ان خلص بأذن الرحمن اروح اشتريلي منه لان حجمه وووايد كبير واخذه من تجهيزات الصالون عندنا بالكويت ونوعه على تفاح والحمدلله ماسببلي اي تساقط بالعكس وايد حلوو وطريقتي اني قبل لا احطه على شعري اضيفله مويه عشان اخفف من تركيزه وبعدين اغسل شعري فيه لان صراحة ماعجبني ولا نوع من انواع الشامبوات اللي تنباع في الجمعيات ... واي سؤال تحت امرج :)
  3. هلا فديت امي

    مشكوره ع ردك

    بس ابي الطريقه والكميات

    وقشر البصل قصدك اغليه والا كيف

    وضحي لي الله يسعدك

    وكم مره بالاسبوع
  4. صاحبة الموضوع
    كـ؟؟؟؟ـادي
    هلا فديت امي مشكوره ع ردك بس ابي الطريقه والكميات وقشر البصل قصدك اغليه والا كيف وضحي لي الله يسعدك وكم مره بالاسبوع
    العفو يا الغاليه والله اني منحرجه منك بس اتمنى تعذريني :)

    والله الكميات على حسب كثافة الشعر وطوله يعني ماقدر احدد كميه معينه بس بالاخير لازم تكون الحناء مو سائل ولا ثقيله متوسطه يعني

    راح اسهلها لج :)
    يعني مثلا لو حطيتي من ملعقه الى ملعقتين عسل - والزيوت تحطين من ملعقه الى ملعقتين بعد اما قشر البصل اخذي كميه تكون شوي كبيره عشان تستفيدين منها وخاصه اذا كان لون القشر يعطي على لون احمر

    وطريقة قشر البصل ان تحطينه مع المويه وعلى النار اهو والعسل والكركديه والبنجر والميراميه وتخلينهم نص ساعه وبعدين تصفين المويه وتعجنين فيها الحناء اللي فيها روب وليمون وخل والزيوت

    ان شاءالله تكون وضحت الصوره :) حطيها مره وحده بالاسبوع

تابعي تجارب أخرى من هذا القسم.