زوجها هزت ثقتها بنفسها..للواثقات من انفسهن فقط

مساء الورد...انا شاركت في هالقسم علشان بنت خالتي المسكينه..عندها مشكله وتعبت وانا اعطيها الحلول وفكرت استعين بكم بعد ربي ونساعدها جميعا...هي ماعندها نت علشان كذا انا تكفلت بكتابة موضوعها......المهم نخش بالموضوع...هي متزوجه ولد عمها وهم عندهم تكشف على اخوان زوجها للاسف..المهم اول ماتزوجت ماكانت مبدعه في الطبخ وكانت تقدم لزوجها اكل مو بدرجة الامتياز اللي يبيها زوجها وكل مره يهاوشها ويعايرها انها ماتعرف تطبخ وان اهلها ماعلموها شي والاكبر من كذا انها كذا مره سوت اكله عند اهله وماكانت كويسه احيانا يهاوشها قدامهم واحيانا اذا راحوا بيتهم هاوشها...المشكله انها الحين ماعاد عندها ثقه بنفسها تقول خلاص صارت تخاف من كل شي لدرجة انها تجلس معاهم ماتنطق بحرف واحد..وعمرها ماقدمت اكله وهي واثقه من نفسها ودايم خايفه انها ماتعجبه او ماتعجب اهله..تقول حتى اخوان زوجها صاروا يعلقون عليها...لكن علشان مانظلم زوجها باقول لكم عنه كذا شغله...تراه يموت فيها حتى انه يهاوش اخوانه اذا صاروا يعلقون عليها ..ولما يهدا بعد مايتهاوشون علشان الاكل يتعذر منها ويقول انسي الاكل انتي اهم شي عندي وماعليك اكيد راح تتحسنين مع الوقت وتقول احيانا يبكي من القهر عليها الان يتمنى انها تصير طباخه درجه اولى حتى انه تمنى ان احد خواته تقدم اكل مو حلو علشان يرتاح...تكفون ساعدوها شو تسوي علشان تستعيد ثقتها بنفسها واذافيه معاهد لمثل هالموضوع دلوها عليه مع العلم انها بالرياض...تكفون لاتحرمونها من حلولكم الرائعه...

72 تعليق 6,925 مشاهدة

شاركي في النقاش

سجلي الدخول لإضافة تعليق.

التعليقات

69
  1. @aalgryhh

    غاليتي لاعاد تحاول هذا إنسان قاسي ومايبين بعينه شيء حسبي الله....

    أهم شيء لاتضايق نفسها اللي عليها عملته...,

    غاليتي حتى لوحاولتي معها ثقت النفس تمنح من أقرب الناس لكن مع ذلك إن ماتوفر الشخص يرضي ضميره امام الله ثم نفسه...

    حاولي تبيني لها إنها ماقصرت أمام الله ثم ضميرها وهذا المهم..حتى لو حس بعد فوات الآوآآآن لاترضى بسهوله..

    خاصة بعد مااصبحت تعليقه بالنسبه لأهله...,

    أقل شيء ممكن تفعله لاعاد تطبخ غير بمنزلها او شقتها فقط ...وتقلل زيارتها لأهله لين ماتتناسا الموضوع..

    وتفهمه انه لازم يحط حد لأهله...,,,

    الله يعينها ويفرج همها...,,, والله يسعدك لأنك خير اخت وصديقه..,,لاتتخلي عنها لأنها بأمس الحاجة لشخص جنبها..:26::26::26:
  2. @alhb_alkatl

    قوليلها اذا يحبك خلاص اهم شئ الحب
    وليش تخاف
    لان الخوف هو اللي يخلي زوجها كذا لانه يشوفها مو واثقه من انتاجها
    لو تظهر قدامه ان هالطبخه لذيذه مره وتعبت فيها كان اعجبته الرجال مالهم الا الحكي
    مع احترامي وش دخل خوان زوجه؟؟؟
    نااااس فاضيه؟؟
  3. وهذا ماهمه الابطنه

    سبحان الله هالرجال يدورون النقص في الحرمه ويبون كلش كامل ويملى عيونهم الاتراب

    ماعلينا خليها تطبخ وتجرب عليكم >>>>نذله

    لابس عشان اذا صار الاكل حلوو امدحوهااا وارفعوا معنوياتها لان واضح مشكلته مو مع الطبخ مشكلتها بنفسها ماعندها ثقه

    حاولوا انتووو ترجعون ثقتها كل مره خلوها تسوي طبق وعلموها وشوي شوي ترجع ثقتها

    هذا اللي عندي اتمنى البنات يفيدونك

    شووكرن
  4. @aazyz_brby

    ]ا

    اختي اهم من سالفة الطبخ انصحيها بانها تقدم رضا ربها وطاعته سبحانه على طاعة المخلوقين

    وتبينين لها حرمة هذا الشئ

    ومن يصلح مابينه وبين ربه يصلح الله سبحانه مابينه وبين الخلق
  5. @pasta



    غريبه يحبها ويموت فيها ويبكي عشانها ومع هذا يحرجها ويهاوشها مايجتمعون

    بس ليش هامه الاكل لهذي الدرجه ويتمناها تكون التوووووب في اشياء في الدنيا اهم
    بكثير من الاكل والطبخ والنفخ ... مب لازم كل وحده مبدعه في الاكل

    ياما شفنا حريم مايعرفون يطبخون وطبعا شغالاتهم يطبخون عنهم واكل اي كلام
    بس ماشاء الله سنعات في اشياء ثانيه ....

    يعني مسأله الاكل شي ثانوي ...ومع الوقت وشوي شوي بتعرف تطبخ
    مستحيل انها ماطبخت قبل وتكون فنانه ....وبعدين خله يخف عليها شوي ويترك سالفه الاكل
    ولايدقق

تابعي تجارب أخرى من هذا القسم.