مرحبا على جميع الأخوات
انا ان شاء الله راح اسكن في دور فيلا جديد
وعندي غرفه صغيره مساحتها 4 * 3,5
وابي اخليها جلسه ارضيه
فجاء في بالي اني اسوي الجدار بشكل طيني
واحط اشياء تراثيه قديمه
مثل المساند والمراكي الحمر القديمه
والستاير افكر احط من القماش الشالكي المعروف
وفي زوايا الجدار من الأعلى راح احط سراج
والأرضيه راح تكون موكيت سكري وراح احط فوقها
فرو جلد اللي يستعمله البدو بحط ثنتين او ثلاث واتمنى
احصل منها اللون الأحمر او العنابي
والسفره الحصير والمهفات " المراوح "
هذي الفكره العامه للغرفه .. الحين جاء دور الأسئله :23:
انا بصراحه ودي اسوي الجدار بنفسي بس ما ادري شلون
يكون بشكل طيني اللي تعرف الخطوات تقول لي
وسمعت انه يباع في جوتن على ما اعتقد بويه تعطيك
شكل الطيني والبويه هذه فيها اعواد صغيره زي القش
اللي تعرف عن الموضوع هذا تقول لي
وبالنسبه للفرو وين احصله بالضبط
والمساند الحمر من وين اجيبها
واي وحده عندها اقتراحات تقول لي
وانا ما ابي اتكلف فيه كثير لأنه اجار :11:
ان شاء الله راح اشوف درزن من الردود :13:
شاركي في النقاش
سجلي الدخول لإضافة تعليق.
التعليقات
6- هلا حياتي ...................((ماقلتي في اي منطقة انتي حتى يفيدوكي البنات باسماء المحلات))
صحيح انا سمعت ان جوتن تبيع هذا النوع من الدهان..
اذا كنت تقصدي الفرو تبع مراتب السيارة تلاقيه عند محل السيارات
وقماش السدو تبع المساند تحصليه عند محلات التنجيد
ممكن تحطي على المساند قماش الشالكي الاحمر وعلى الشباك ستاير
جاهزة من القصب عند ساكو
اقتراحي
بما ان الغرفة صغيرة جدا ممكن ممكن تصبغيها لونين من فوق اللون الازرق
كأنها السماء وسحب بيضاء بارتفاع متر مع السقف طبعا.. رح يعطيها مساحة
اكبر و وتحت ونازل يكون لون الطين وتحطي ارفف وعليها تحف تراثية( دلال وماشابه...)
وتحطي سراج بداخلة لمبة وممكن تحطي على جنب زير حق الماء و ممكن تضيفي نخلة صناعية وحولها شوية صخور مختلفة المقاسات..ولاتنسين تلبسي برقع و تجلسي فيها..
وانشالله تعجبك افكاري
ودمتم:55: - اشكرك للرد
وللإقتراحات راح احطها في بالي
بس حبيت اسألك بالنسبه للستاير القصب
هل هي حلوه او مناسبه للجلسه - من وجهة نظري ان الجدار الطيني راح يضيق لك الغرفه
وشئ واحد أقدر أفيدك فيه قماش السدو تلاقيه فمحلات القثمي وسعر المتر 13ريال بس أصلي صناعته أسباني:26: :26: - المشوار الصعب
يعطيك العافيه على الرد
تبين الصراحه كثير قالوا لي نفس كلامك
والمشكله ان الغرفه ما تنفع الا جلسه ارضيه علشان المساحه
ولا ابيها جلسه ارضيه عاديه ابي تكون حلو وفيها افكار
اذا عندك افكار رجاء قولي لي الله يعافيك
شكلي بقلبها اثاث هندي
:23: - انا برأيي انك تخلطين مع الطين قش انا عاملته شكله يطلع احلى من الطين لحاله
مواضيع مشابهة
تابعي تجارب أخرى من هذا القسم.