للخبيرات في الطباعة على التيشيرت

up

للرفع

ايي ساعات يصير الغلط من نوعيه التي شيرت لانه ا\كر مره قالي الطباع التيشيرت ما ينطبع عليه

السلام عليكم ورحمة الله وبركاته

هلا اختي ....خليك معاي راح اشرح الطريقة بالتفصيل الممل



اولا : تأكدي ان نوع الورق مناسب للون التيشيرت لان فيه نوع خاص للالوان الفاتحة ونوع خاص للالوان الغامقه

......................
ثانيا لما تطبعي على الورق لازم تكون اعدادات الطابعة متوافقه تماما مع الورق يعني تشوفي التعليمات اللي مع

الورق :هم كاتبين لك على ايش تظبطي نوع الورق بطابعتك

......................
ثالثا : ورق الكوي انواع --فيه اللي تطبعي عليه وتكوي من وراه مباشرة

--وفيه اللي تطبعي عليه وتشيلي طبقه من وراه بيضا وبعدين تطبعي على الورق الشفاف المتبقي منه

--وفيه الشفاف الحراري اللي تطبعي عليه وتكويه مباشرة وما يحترق ابدا

.....................
رابعا : لازم تطبعي الصوره على الورق بالمقلوب علشان لو كان فيها اي كلمات راح تنكوي وتنطبع على التيشيرت بالمقلوب

يعني ضروري تطبعيها على الورق بالمقلوب وبعد الكوي راح تظبط معاك الصوره

....................
خامسا :قصي الورقه على حدود الصوره اللي حابه تطبعيها

(مو على الحدود تماما ولاكن لازم يكون حوالي 5 ملم مابين الصوره ومكان القص)

....................
سادسا: لما تكوي لازم تكون المكواه حاره جدا وتكون الصوره على التيشير يعني الحبر على التيشيرت وتكوني محدده المكان مظبوط لانه ماراح تقدري تعدلي عليها لو بدأتي تحطي المكواه

وتمرري المكوا على جميع اجزاء الورقه وبالذات الاطراف

وذلك لمدة دقيقتين تقريبا او نفس المده اللي مكتوبه بالتعليمات الخاصة بالورق....وممكن ان لون الورقه يغمق شويه

مو مشكله بس المهم انك تعرفي من التعليمات كم المده علشان مايحترق الورق مع الصوره
....................

سابعا :لما تخلصي تمسكي ركن واحد من اركان الورقه وتسحبيها بصوره سريعه من التيشيرت

(ضروري سحبه وحده علشان ماتطلع لك خطوط في المكان اللي وقفتي عنده السحب)

..................
ثامنا : اذا احتجتي تغسلي التيشيرت لازم تمر 24 ساعة على الطباعة

===========================



ان شاء الله اكون افدتك عزيزتي

وياريت تورينا اللي طبعتيه ...يمكن نحتاج منك طلبيه:).....



للامانه :في حال النقل ارجوا ذكر المصدر

اختك *نونه*

مشكورة أختي نونة على مساعدتك وراح أحاول مرة أخرى وإن شاء الله تضبط وأسوي لك واحد مخصوص
الله يبارك فيك ..