انا كتبت قصتي قبل وفاة زوجي الله يرحمه وبعد كتابة الموضوع بفترة قصيرة فقدت حملي فقدت ثلاث من ريحة الغالي وكنت رافضة الاكل كنت اتمني الحق بزوجي لكن الله ماراد
طلعت البيت وحالتي من سئ الي اسوء .. اشوف طيفه بكل مكان اذا نمت اوسع له مكان بالسرير.. كل يوم من وقت وفاته اتصل علي جواله اتمناه يرد علي وماامل اعيد واكرر الاتصال.. ان شفت اخوي اقبل تخيلته هو ..
اكلمه كل يوم واشكيله حالي.. انعزلت عن اهلي واحساسي اني السبب بموته يذبحني .. تمنيت اني انا الميته مو هو ..كنت دوم اذا قلت عسي يومي قبل يومك يزعل ويقول عساني ماابكيك يالغالية ..
اه انا اللي بكيته ومازلت ابكيه بكل دقيقة بعمري.. كل شئ بحياتي متوقف عليه.. كل يوم احضن مخدته احسها اهترت وذابت من دموعي ..
لكن شكل اهلي واخوي طفشو مني وملو من حياتي والله ليتني ميتة احسن لي وارحم واكرم لحالي..
اخوي جاني وقال انتي لك طالعة من العدة فترة وهذي مو حالة اللي انتي عايشتها وانتي صغيرة وماراح ينسيكي الا الزواج وفلان خطبك مني وانا موافق واعطيته كلمة
قلت انت مجنون؟؟ انا مستحيل اتزوج بعد زوجي ..قال انا اعطيته كلمة وهو مو مستعجل علي الزواج براحتك.. قلت له اذا طلعت من عندك ارملة تأكد اني برجع لك مطلقة
لكن يابنات اخوي مااهتم فيني ولا بمشاعري تخيلو امس زوجني!! جاني وقال رحت المحكمة مع فلان وتراك زوجته من اليوم وزي ماقلت لك الرجال مو مستعجل علي الزواج براحتك
والله اني جلست مكاني رجولي مو شايلتني .. كيف اخوي يزوجني غصب؟؟ اكيد يستهبل علي ؟؟ انا فقدت حملي ب 16-11 يعني مامر شهرين خلاص طفش مني ..
والله مااتخيل أي واحد بمكانة زوجي.. وهذا اللي زوجوني اياه مستحيل يمد يده علي والله لاذبحه.. لا ويقول مو مستعجل؟؟ علي ايه مو مستعجل؟
زوجي هو دنيتي وحياتي وهو الهواء اللي اشمه وهو الوحيد مافي احد بيكون مكانه
بنات تكفون ادعولي الحق زوجي تكفون ترا النفس ماعاد لها بالحياة
الموضوع مغلق