♥OoO♥ تجمع بنات أنتاريو كندا ما عدا منطقة الجى تى أى ,, هاملتون ,,لندن,,أتاوا ♥OoO♥

Cherin
اهلا فيكي وحياكي الله وقلبي معاكي ادعي كثيييير ان الله ييسر لكم الرحلة لأنها طويلة ومو سهلة إذا معك اطفال
حاليا انا في اونتاريو كنجستون وتفاجأت لمن شفت البلدة الريفية الصغيرة بالرغم من اني عارفة انها صغيرة بس تفاجأت ؟
الطبيعة هنا خيااال وخصوصا في الخريف اول مرة احس واشوف تساقط الشجر ولونه البرتقالي فعلا خريف
وانا سامعة عن لندن انها حلوة ومريحة للعرب والمسلمين خاصة اللحجاب والمطاعم العربية فيها
الله ييسر لك اختي ويطمن بالك ويجعل رحلتك موفقة وخير لكم

السلام عليكم
كيفكم بنات هذي المشاركه الثانيه بالملف مشاركتي الاولى طنشتوني فيها واتمنى ماتطنشون هالمشاركه لانه بجد نفسيتي تعبانه انا كنت ساكنه بلندن اونتاريو ومبسوطه فيها والان انا نقلت لهاملتون بحكم دراسة زوجي لكن يعلم الله مارتحت للمدينه ومانبسطت فيها فرق بينها وبين لندن صراحه لندن عائليه ونظيفه.... اريد مكان في هاملتون لعيالي ماحصلت ابي بارك مافيه ومادري عن اي شي فيها صراحه طفشت ونفسيتي تعبت ونفسية عيالي تعبت لدرجه مفكره ارجع لبلدي واترك زوجي لحد مايكمل دراسته لكن متردده وانا ماكتبت هالكلام الا لعلي اجد من بينكم من تخفف عني صدمتي بهاملتون وتساعدني دلوني على اماكن للاطفال سواء حدائق او العاب في مكان مغلق او مكان للكراتيه او اي مكان اجد فيه انشطه لاطفالي وهل مدرسة القرآن الموجوده بهاملتون مستواها جيد ؟؟ لانه بجد متضايقه من وضعي وحاسه بحزن شديد لفراقي للندن اونتاريو الله المستعان ارجو عدم تطنيشي والرد علي ولكم مني طيب الدعاء

وعليكم السلام يا مجهوله انا فى هاملتون اختى وان شاء الله من تستقرين ترتاحين فيها .انا مثلك فى البدايه محبيتها ولم ارتاح فيها بس شوى شوى تعودت عليها وارتاحيت خصوصا من سكنت دندس انتى وين ساكنه ؟هاملتون مليانه عرب ومسلمين ولو تشوفى اعداد المسلمين فى ماك ماستر بس المشكله من كثرهم صعب تتعرفين ليش لان كل واحد مع جماعته وكروبه فشوى تاخد وقت حتى تدخلى ضمنهم وحاولى يكون سكنك قريب من اللى تعرفيهم .ادا انت فى الجبل هناك مدرسه اسلاميه وجيده واعرف كثير حاطين اولادهم فها ومرتاحين بس انا بعيده عنى .اما من ناحيه البارك فهاملتون مليانه من باي فرونت بارك الى دندس بارك الى ستونى كريك الى كونفيدريشن بارك فيه ناس يجو من غير مدن حى يغيروا جو هنا .بس بالنسبه للاماكن المغلقه للعب الاطفال مافيه بس هناك واحد قريب فى برلنكتون ونوديهم فى العطل والمناسبات لتورنتو لهده الاماكن .وشوفى الكوميونتى سنتر القريب من سكنك فيه اكتفيتى كثيره للاطفال وحلوه وكدلك تلقين فيها فلايرز عن بقيه الاكتفيتى القريبه من سكنك .ولو فى سؤال اخر احنا هنا اخواتك وبالتوفيق.

ds اختي الغاليه الله يوفقج ويسعدج ويريحج دنيا واخره مثل ماريحتي قلبي فديتج انتي دايم الي تردين علي في اي موضوع انزله الله يبارك فيج بالنسبه لي انا ساكنه عالجبل قريب حيل من انكاستر وعيالي بالمدرسه الاسلاميه والحمدلله ماشي الحال فيها لكن طفشوني يبون يروحون للبارك وتسلمين عطيتيني فكره عنهم راح ابحث عنهم بجوجل واخذ عنوانها ايضا واحاول اروح لها هاليومين مع زوجي الين الله يفرجها واخذ الليسن واروح معاهم بالشتا لانهم يحبون يلعبون بالسنو وانا احب اودي الخبز او التوست الزايد ارميه عالوز والبط وهذا شي محزني لاني بلندن عمري مارميت توست او خبز الله يكرمج بالزباله اوديه للبط واخذ اجر فيهم وان شاء الله احصل بط اهني :) والله يعينا على هالغربه جميعا اللهم امين
تسلمين ولكي مني اطيب تحيه وماقصرتي
السلام عليكم

السلام عليكم ورحمة الله
مين تعرفلي دكتوره ممتازه في اوتاوا تخصصها نساء وولاده
لاني محتجه اروحلها
ويريت تكون قريبه من منطقه الهنت كلب