قدور الاستيل وش رايكم فيها

حلوه بس تبي نار هاديه

الي عندي خذيتهم من ساكو وحلوات واسعارها بعد حلوه بس اظنها صيني ولكني مااعتقد ساكو يجيبون شيء رديء ! مدري

طيب سؤال الله يرضى عليكم:

يعني الرز ما بيلزق؟

متل التيفال؟

أدري بتقولون التيفال مو صحي بس جدا مريح بالطبخ.

نفسي أغامر بالستيل وخايفة.

على فهمي ل سؤالك الستيل مو مثل التيفال التيفال بيطلع الرز الباقي في قاعه القدر قطعه وحده ما بيلزق في القاعه


بس الاستيل لا مثل القدور العاديه بيلصق وتشيليه بالملعقه او احيانا يحتاج نقع لحد ما يطلع باقي الاكل


وليش الطبخ في التيفال مو صحي

لا صحي جدا بس بشرط انك ما تستخدمي له الا الخشب او البلاستيك ما تستخدمي له الملاعق والمغارف الحديد

واذا بدات القشره السودا في التقشير معناته بدا يضر لك ولأسرتك


وبالتوفيق

الاخت n73


قدورك غالي سعرها وشكل حجمها صغير طبعا اللي طلعتي صورتها ما تستخدمينها للرز شكلها صغير صح ولا لا ؟؟؟

انا عندي زي قدور الاخت ام امجاد واثير ممتااااااااااااااااازة
وما تحرق ابدا بالعكس
وقبل فترة اشتريت من ايكيا قدور استيل بس خفيفة قدرين صغار وكسرولة تقريبا ب 49 اخدتها للسلق والشيرة والاندومي يعني خفايف بس لسه ما جربتها بكيستها
عموما الاستيل مرة كويس ويدوم بس حاولي تاخدي اللي بيد خشبية عشان ما تحر زي قدوري انا وام امجاد واثير <سويت دعاية
بس جد افضل لان قريبتي عندها قدور استيل قوية وكويسة بس بيدات عادية تحر مع الطبخ ما تقدر تمسكها
اما انا فامسك القدر حتى وهو ع النار ما تحر ايده ابدا ما شاء الله
طولت بس معليش تقبلي مروري