نتمنى من المشرفات وضع موضوع مثبت عن الميزانيه ويصير مرجع للكل
صاحبة الموضوع ياليت اقدر افيدك
الدخل قليل .. والعيشه صعبه .. تعالو نتساعد بأفكارنا..!!
متابعة النقاش، صفحة 2
شاركي في النقاش
سجلي الدخول لإضافة تعليق.
التعليقات
185- ابقولك تجربتي ياقمر
انا مثلك عندي ولد الله يخليه له 7 شهور ونفس حالتك ما نفع معه من الحفاظات الا بامبرز
جربت بيبي جوي لكن سببت له حساسيه وجربت له بامبي روعة لكن عيبها ان العبوة الجامبو من النوع القديم
والصغير المطور وطبعا الجامبو اوفر بكثير
جبت نوع ثاني بيبي فاين استخدمها له في النهار وباليل استخدم بامبرز ولاحظت ان فيه فرق
كمان اذا كان فيه عروض في بندة والعثيم وغيرهم احاول استغلها يعني حفاضات ولدي كنت اخذها بـ 57 وفي العرض اخذتها
بـ 46 كان ودي اخذ 2 لكن كنا مطفرين مرة
والحليب غيرته لنوع ثاني اغلى لانه لما جربنا رفم2 تعب معه فضطرينا نغيرة والعلبه بـ25 وماتكفي اسبوع تقريبا 4 ايام بس
-------------------------------------------------------------------------
بالنسبه للمنظفات ابجرب الوزير الشهر هذا وكمان ابغير كمفورت بـ ماس مدحوة وسعرة رخيص وشامبو العبايات صرت اخذ
العلبه اللي 4 لتر وكان ملع الزجاج وصرت اعبي بعلب اصغر
وافكر اغير تايد بـ ماس
جربت بونكس بس ماعجبني تنظيفة مو مثل التايد واريل
مواد التنظيف والمناديل اخذها علب كبيرة ومن عند رامز ارخص
-------------------------------------------------------------------
بالنسبه للمواد الغذائية صرت احاول استغل العروض اللي تصير كل اسبوع في بندة
احيانا احصل القشطة 4 حبات بـ8 وقبل ناخذ الحبه بـ4 وهكذا
واروح سوق الخضار واخذ كل شي بالكرتون من طماطم وبطاطس وباميه وغيرة وافرزن
ودي احصل طحين بدل الكويتي يكون ارخص وبنفس الجودة سمعت ان جنان حلو بس ما جربته
انا جربت من جنان المكرونه حلوة وما تطول بالسلق وجربت الزيت جنان دوار الشمس لكن الطحين ما جربته
جربت طحين داتكو بصراحة الكيكات ما تضبط ابد والفطاير يصير لونها اصفر كان مخلوط معة بر
--------------------------------------------------------------------
الشهر هذا باذن الله راح يكون المصروف بدل 500 اللي ماتكفي للبيت ولا للبيبي راح يكون 1000
500 للبيت و500 للولد طبعا الـ500 حقت الولد راح تكون للحليب والحفاضات والملابس يعني راح احاول اوفر له
عشان اذا جيت اشريله لبس والملابس مارح اشتريها كل شهر
وراح اجرب الشهر هذا واشوف النتيجة
------------------------------------------------------------
ايوة نسيت اقولك
انا حاطة جدول للاكل اللي راح اطبخة الشهر هذا وكمان الحلا اللي راح اسويه
عشان اذا طلعت اجيب اغراض البيت اخذ اللي ابيه وبس
وهذا ساعدني كثير
------------------------------------------
ياليت الموضوع يتثبت يامشرفات لاننا بحاجة لنقاش مثل هالمواضيع وعشان نستفيد من تجارب بعض - لا اله الاالله
- سلام يابنات أما بالنسبة لي فأنا أضغط على نفسي شهر وأرتاح شهرين أجيب الأساسيات بالجملة والكماليات بالعدد
مثل أيش بتقولين ::: المكرونه _الصلصه ـ الزيت_الأندومي ـصابون اليدين ـاللحم المفروم ـالجبن خاصة جبن أسمه سالم الكرتون بـ60 وطعمة روعةـ الدقيق(( ـــــــ هذي بالجملة ..طبعا متى تشرين هذي الأغراض أذا صار فيه تخفيض ببنده أو العثيم))
واؤيد كلام أختي دبة سمينة بالنسبة للحليب أذا كمل سنه حاولي تقللين عدد الرضعات لأن الأكل أفيدله
بالنسبة للآقتصاد بالزيت لقيت طريقة روعة لأن شغالتي الله يهديها بس تكب بهالزيت( مادفعت من حلالها شي )شريت علبة بخاخ وعبيت فيها الزيت وأذا بغت ترش منه ولا ينكب مثل قبل بدال الملعقة عشر. فصار يطول الزيت عندنا والحمد لله
أما صابون الملابس زوجي جاب برسيل صراحة ريحتة روعة وينظف صح بس ماأدري كم سعرة بس الصابون بالكيلو أوفر من الكرتون وأقتصادي أكثر
أما الرز والدجاج مافيه إقتصاد أبدا الأسعار نار
أذا ذكرت شي وأفيتكم بالحلول
تحياتي للجميع - ^
مواضيع مشابهة
تابعي تجارب أخرى من هذا القسم.