شاركي في النقاش

سجلي الدخول لإضافة تعليق.

التعليقات

10
  1. @brd111

    اذا شاكه ان فييك شي لاتهملين نفسك عليك بالرقياااااااااا مع اليقين انك ببتشافين لاتقولين بجرب لانك ماراح تستفيدين من الرقيه


    نصيحه ارقي نفسك ولا روحي لشيخ


    طبعا مع الدعاء والاستغفاااااار والذكر ولابتعاد عن المعاصي والمنكرات والالحاح بالدعاء

    مشكلتنا اننا ندعي واذا ماتحقق خلاص تركنا الدعاء لا الحي وبتشوفين الفرج

    والرقيه نرقي انفسنا وذا ماشفنا نتيجه تركنا وملين لالا خليك واثقه ولاتقولين بجرب ارقي وفسري الايات وتصوريها يعني مو تقرين وبس



    يارب ياكريم ياقاضي الحاجات مجيب الدعوات كاشف العثرات والبليات غافر الذنب والخطيئات يارب العالمين ارزقها الزوج التقي الغني الحنون اللذي يسعدها ويعينهاعلى دينها ودنياها اللهم امييييييييين



    ترا الدنيا تغيرت امي تقول اول كانت البنت سن الزواج عندهم 17 18 20 بس ااذا تعدت العشرين تعتبر متاخره واذ وصلت 25 عانس عندهم ههههه عجيب والله

    واللحين لا اللحين ام 17 18 بزر ماتبغى وام عشرين برضوة بدري عليها27ى 28 29 الى 30 عادي جدا اغلب قريباتي تزوجوا بالسن
    هذا لان الجيل تحسينه بداء يصغر بعد كم سنه تصير ام 30 بزر هههه والله هذا الحاصل

    واحد تزوج وحده 19 واللحين يتهدد وده يطلقها يقول انا قايل لاهلي ابي كبيره مابي بزر شفتي كيف الناس
  2. @miss_nora

    ياقلبي انتي ارقي نفسك وش خسرانه اذا فيك عين بتروح
    واستغفري دايم
    كلنا تشكتي تأخر الزواج وكلنا نبي الستر
    بس شوفي كملي دراستك كملي ماستر وحطي في بالك هالشيئ
    رح تتنشطين وتنسين هم الزواج شوي
    انا كذا والزواج في بالي بس مو كل شي ابي اكمل دراسه واتوظف
    والزواج متى مايجي حياه الله ..
    لاتدفنين نفسك فالحياه ..
    انا نزلت مشكلتي وهي ملخصها اني ما اعرف هل تشافيت من العين او لا
    والا الزواج انا واثقه من الله انه بيرزقني اللي اتمناه
    شوفي حبيبتي وحده اعرفها والله والله تجنننن ملكه جمال
    نفس حالتنا تأخر الزواج فيها
    بس هي ماتركت البقره والأستغفار
    واربي جاها واحد الكل يتمناه ومتى بعد ماصار عمرها مثل عمرك
    جاها مهندس بارامكو ولها بيت بالشرقيه وبيت بالرياض
    وغير كذا مدلعها ومو مقصر عليهااا
    شفتي ربك شلون كريم .. لاتستعجلين الدعاااء وبتشوفين الفرج ..
    انا حاسه فيك وتنهديتك وربي كنها طالعه من صدري ,,
    بس لاتدفنين نفسك اهتمي بحالك وتكشخي كن زواجك بكره
    واطلعي واحضري زواجات وانبسطي .. العمر تراه واحد
    ويمكن تموتين وانتي ماتزوجتي لاكسبتي وناسه ولازواج
    لاتخلين هدفك بالحياااه .
    انا اول كنت كذا لما كنت ادرس اشوف كل بنت تكلم خطيبها بالجوال وانا اطالع بعيوني
    وتضيق فيني الدنياا ..
    بس الحين ماعدت اهتم لأني شفت الزواج ثلاث ارباعه مغثه
    الحسنه الوحيده اللي فيه الستر
    وهذا اللي ابيه
    وانا انتظر فرج الله ومتفائله مره
    خليك مثلي يادوبه وان شاء الله زواجنا بيوم واحد
    عاد مو تحجزين نفس قاعتي <- تبي تهاوش من الحين
    الله يرزقك اللي يسعدك ويعوضك ويخليك اسعد انسانه
    قولي آمييييين
  3. @aataya_allh

    دعاء تيسير الزواج اللهم اني اسالك بانك انت الذي لااله الا انت الاحد الصمدالذي لم يلد ولم يولد ولم يكن له كفوا أحد أقضي حاجتي أنس وحدتي فرج كربتي اجعلي رفيق صالحا كي نسبحك كثيرا ونذكرك كثيرا فأنت بي بصيرا يا مجيب المضطر إذا دعاك ، أحلل عقدتي أمن روعتي يا الهي من لي ألجأ إليه إن لم ألجأ إلي الركن الشديد الذي إذا دعي أجاب ، هب لي من لدنك زوجا صالحا وتجعل بيننا المودة والرحمة والسكن فأنت على كل شئ قدير يا من إذا قلت للشيء كن فيكون ، ربنا أتنا في الدنيا حسنة وفي الآخرة حسنة وقنا عذاب النار وصلى اللهم على سيدنا محمد وعلى أله وصحبه وسلم.
    ادعو باوقات اجابت الدعاء ولاتنسوا تدعولي باالزوج الصالح الي اتمنى والابناء الصالحين والله يرزقناجميعاعاجلا غير اجل اللهم امين

تابعي تجارب أخرى من هذا القسم.