شاركي في النقاش

سجلي الدخول لإضافة تعليق.

التعليقات

433
  1. @amy_nbd_klby_1

    جبت لكم خلطة شسالفه وماابي منكم غير الدعــــــاء وبصراحه انا ماجربتهااا بس الكل يمدحهاااااااا




    المقادير :
    1- صابون الغار
    2-ماءورد
    3- علبتين جلوسليد الاحمر حجم صغير
    4- علبة جليسرين السائل
    5- فنجال قهوه من ( زيت الزيتون + زيت الخروع + زيت اللوز المر )
    6- ملعقتين كبيره كركم للجسم مو للطبخ (وهذا بتلقونه عند العطار قولو كركم للجسم وهو بيعرف وش تبون )
    7- علبة فكس صغيره

    واليكم الطريقه :

    تبشرون الصابونه برش ناعم وبعدين تحطونها في كاس ماء ورد من الليل الى الصبح عشان يذوووووب الصابون في المويه وبعدين اذا اصبحتو تضيفون الجلوسليد والجليسرين السائل والزيوت وملعقتين كركم وعلبة الفكس الصغيره واخلطو المقادير جميعها في خلاط كهربائي عشان تختلط زين بعدين تحفظونها في علبه زجاج عشان تبقى نظيفه وتستخدمونها اطول فتره ممكنه وبعد كذا تحطونها على جميع مناطق الجسم (يعني الجسم كله حتى الوجه ) وتخلونها ساعتين وبعد كذا تجيبون ليفة الجسم اللي من بودي شووووووووب صايره على شكل قفازات احسن من الليفه المغربيه وتحطون عليها ملح خشن وتعصرون ليمون فوق الملح ويالله تبدأون بفرك الجسم فرك جيد والله يطلع لكم كل شي وتحسون بالنظااافه من اول استخدام وبعد كذا يبدأ التفتيح يوم ورى يوم
  2. @khtanyh_kool2009

    الخلطه الصابونيه


    بسم الله الرحمن الرحيم
    بنات لقيت الطريقه هذي بمنتدي كويتيات كاتبته الاخت مزيونه وشقره اتمني تعجبكم الخلطه انا لحدالحين ماجربتها وفيه شقله لازم اقولكم عليها انا عجبتني طريقتها بس فيها سفيداب وسمعت ان السفيداب موزين فيه زئبق يعني احس تقدرون تستقنون عن بعض الاشياء الي تحسون مو زينه
    الموضوع منقول
    وهذا الموضوع


    الموضوع /// خلطتي الصابونية:والله بيـــاض على بياض فضيع للجسم ولون واحد وبدقايق _بصــور من تلفوني

    تحية طيبه وبعد,,,


    عندي لكم خلطه صابونية خاااصه فيني من تأليفي عاااد أبي عليها براءة اختراع منكم اوكي

    بنات ما كتبتها لكم الا و انا مجربتها وضامنتها لكم والله يشهد علي

    بنات هالخلطة تعطيج بياض على بياض ونظافة حلوه ولون الجسم يصير منور وعجيب وبياض بتشوفينه فوري والله العظيم في دقيقتين بس

    وطريقتها سهله وتونس وممتعه
    والأشياء اللي نحتاجها مع فوايدها

    1-صابونه الكركم ------------------------- ( تبييض+ نظافة+ تشيل الحبوب الدهنيه بالجسم )
    2-صابونه الغار--------------------------- ( تبييض + نظافة وتشيل الحبوب وتصفي)
    3-صابونه السحرية------------------------ ( تبييض)
    4-صابونه البابايا --------------------------( تبييض + تشيل الحبوب وتوحد اللون)
    5-ماي ورد قلاص وربع------------------- ( ترطيب نعومه تبييض)
    6-اشوية كركم جسم ------------------------( تبييض)
    7-ملعقة كبيره ملح خشن -------------------( تطهر الخلطة + نظافة)
    8-ملعقتين كبار سفيد اب مطحون- ---------- ( تبييض)
    9-ملعقة وسط نشا-------------------------- ( تبييض + لتماسك الخلطة)

    والحين نبشر صابونه الكركم وصابون الغار و الصابونه السحرية وصابونه البابايا

    نبشرهم في المبشاره مالت السلطة عرفتوها انا من حلااات هالخلطة شريتلي مبشاره خاصه للصابون

    نبشرهم ونحطهم في صحن بروحهم راح تصير عندج كميه من الصابون المبشور

    نخليهم ونروح نأخذ جدر ضيج اشوي ما يكون كبير ونحط فيه قلاص وربع ماي ورد ونحط السفيد اب ملعقتين كبار وبعدين الكركم اشويه وبعدين ملح خشن ونحركم ونحطهم على النار وإذا سخن اشوي بس الماي نحط الصابون كله مع بعض ونحرك راااح تلاااحظين انه على طول بيسيح ويذوب مع ماي الورد الحار ونحرك لحد ما يندمج ويصير مثل الخلطه جنها عصيدة <<< طاااع التشبيه المهم

    أي والله صج بيذوب وتتكون عندج الخلطة والحين إذا سخنت الخلطة وبدت تبقبق اشوي حركيها بعد اشوي وإذا حسيتها اندمج مع بعضها المكونات وصارت على شكل خلطه وشيليها من النار وحطي قفشه النشا على طول واهيا حارة على الخلطة وحركيها عدل

    وبعدين تكون الخلطة جاااهزه فرغيها بس في علبه أو مطبق نايلون اللي يكون له غطا وراح اوضحلكم بالصور فرغيه في هالعلبه وغطيها ونطريها على ما تبرد ونبدي نستخدمها عااادي وراح تكون مثل أي صابون عاادي ماراح تخترب ولا راح يضرها شي إن شاء الله

    طريقة استخدامها:
    مع كل استحمام استخدميها اخذي كميه في ايدج وفركي فيها جسمج كااامل ومع الوجه حتى الرقبة والمنطقة الحساسة والإبط وخليها عليج من 2- 3 دقايق او اذا تبين اكثر وغسليها والتنتيجيييه شي خيااالي بيااض ولون منور وحلو

    وبعد الحمام بعد ما تنشفين جسمج دهني جسمج في أي كريم مرطب للجسم عشان تزيد النعومه وترطبين الجسم بعد الصابون

    للعلم انا سويت خلطتي الاولى وخلصت وسويت ثانيه وبتخلص بعد والحين ببتدي في الثالثه ان شاء الله
    لحين اخليكم مع الصور --@@-- شوفوها عدل ترا تعبت وانا اصورها لعيـــــــ@@ــــــــــونكم


    هذي صابونة الكركم والغار ( والكركم تكون في كرتون مرسوم عليه صورة كركم )

    صابونة البابايا وهذا الرابط
    http://forum.hawaaworld.com/showthread.php?t=1147582
  3. @shrkaoyh_mot

    خلطه سعوديه تبيض ممتازه بس تركتها
    وكريم البابايا5في 1 مع صابونته حلووووووووو ما اقدر استغني عن الكريم
    والطحينيه مع صنغره وسكر قبل الشوررر ممتازه تبيض
    كلهم من المنتدى واشكر صاحبتهم اللي دلوني عليهم
  4. @alhyfaaa_1

    خلطه شالسالفه رهيييبه قبل زواجي بشهر استخدمتها ووحدة لون جسمي بشكل خييييييييييييييييييييال
    وانا صادقه والله على مااقول شهيد