بنات الشرقيه ضيفتكم تسألكم

هلا حبيباتي

باذن الله بكرى جايين الشرقيه

طبعا من زمااااااان عن الشرقيه يمكن من ثلاث سنوات

الي ابيه

شقق حلوه ونظيفه وفخمه

الدمام او الخبر ايهما احسن طبعا للسكن

احلى المطاعم ومكانه بالتفصيل

امممممم

ايه وش رايكم وش فيها الشرقيه شي مميز لازم نشوفه او نشتريه <<<<<غير البحر

والجو كيف بالنهار والليل

وياحبيلكن لاتخلننا نحوس ماندري وين نروح

مثل مايقول المثل <اهل مكه ادرى بشعابها>

انتظركن:32:

4 تعليق 5,760 مشاهدة

شاركي في النقاش

سجلي الدخول لإضافة تعليق.

التعليقات

4
  1. @rtosh_1

    هلا ومرحبا بك ..

    منوره الشرقيه ...

    المطاعم عندك الخبر وعلى الكورنيش تحصلين كل المطاعم ...مكسيكي او صيني او بحري وطبعا هذا درجه اولى عندك السنبوك ودارين والبانوش احلى المطاعم البحريه ...وفيه ايطالي جندولا روعه وفيه كافي مودي روعه

    اما الجو بالنسبه لي بررررررررررررد كثير انا على طول مشغله الدفايه بس اهلي يقولون ان البرد مو كثير
    والمطر ماعندنا

    بعدددددددددددددددددددددد الشقق ماعندي خلفيه فيها ان شاء الله البنات يفيدونك

    اما الاسواااااااااااااااااااق تخفيضاااااااااااااااااااات فعلا هائله وتجنن الاسعار
    رحله موفقه
  2. @rzan_bolnd

    حاليا الجو بارد
    البحر بيصير برد مره
    المولات انا افضل الظهران مول لانه كبير وفيه كل شي تقريبا
    وكورنيش الخبر فيه المطاعم اشكال والوان
  3. @althryavip

    يامرحبا بك في الشرقيه بتنورينا
    بالنسبه للشقق افضل شي
    بودل للشقق الفندقيه خدماتهم حلوه سواء في الدمام او الخبر
    وفيه شقق الخليوي للشقق الفندقيه في الدمام مقابل فندق الشيراتون عندهم عروض هاذي الفتره منزلينها في النت.
    شرفة الخليج بجانب المريديان في الخبر رووووعه للسكن و المطعم عندهم بوفيه و المقهى يطل على الكورنيش
    وبعد بتلاقين شقق كثيره وجديده بجانب مجمع الراشد اشوفها مكتظه بالشقق الفندقيه في مدينة الخبر....
    الدمام:
    الشقق الزينه على الكورنيش

    أما المطاعم البحريه افضل شي البانوش الخبر شارع الملك عبدالعزيز واسعارهم معقوله وتختارين السمك طازج
    وبيت التنور شارع البيبسي في الخبر
    ومطعم كوبرا شندني للمأكولات الهنديه شارع البيبسي في الخبر
    فيه فندق رمادا في الدور التاسع بوفيه روووووووعه ومقهى كلها تطل على كورنيش الخبر
    واذا تبغين البروستد الممتاز مطعم ابو نواس جنب فندق رمادا في الخبر
    (مطعم السنبوك ممتاز مررررررررره بس غالي جدا جدا جدا )
    والمطاعم كثيره جدا تلاقينها على كورنيش الخبر
    ومطاعم الرز والمظغوط والمندي وغيرها من ماكولات شعبيه في شارع الملك فهد داخل الخبر
    الدمام
    والمطاعم في الدمام تلاقينها في الشارع الأول امتداد شارع فندق الشيراتون .
    القريه الشعبيه

    أما الأسواق في الخبر :
    مجمع الراشد - مجمع الظهران مول - مجمع جرير مول (هايبر بنده) - فينيسيا مول - فيه محلات ملابس نسائيه وفخمه على كورنيش الخبر

    مجمعات الدمام :
    الشاطي مول
    ومارينا مول كلها على كورنيش الدمام -
    مجمع الواحة
    مجمع ابن خلدون بس بعيد داخل البلد آخر الدمام

    أما المنتجعات كلها تلاقينها في العزيزيه

    الجو عندنا في النهار دافيء وحلو بس كل مايحل المسا كل مايبرد يعني خذي احتياطك في الملابس انتي واهلك

    وبالنسبه للأماكن اللي اقترح تزورينها سايتك على الكورنيش ونصيحه لاتخلين مكان زوري كل مكان في الخبر و كورنيش الدمام بس لاتدخلين الدمام داخل البلد الشوارع نصها مقفله وتحويلات واذا جالكم وقت روحو الجبيل جهة الهيئة الملكيه وكورنيشهم تراه روووووووووعه مناطق راقيه جدا ً

    احتمال اني نسيت شي بس هاذا اللي عندي حاليا ً ....

    اتمنى لكم اقامه سعيده وقضاء وقت ممتع بين اهلكم في الشرقيه
  4. @msk_alkmr

    صاحبة الموضوع
    الله يجزاكم الجنه يابنات ووالديكم

    والف شكر لكل من ساعدتني الله لايحرمكم الاجر واستفدت كثيييير:27:

تابعي تجارب أخرى من هذا القسم.