امهات الي عندهم كتاكيت مافوق السنه وياخذونهم معاهم بالسفر بغيتكم؟؟

مشكورين اخوااتي لاماتقدر تخليهم زوجها مايرضي بتااتا وهي ماعندها حد تخلي اعيالها عندهم ام زوجها كبيرة بالسن وامها رحمة الله عليها

اللي يبي ينبسط راح ينبسط ولو معها اطفال بس لازم ترتيب لهم بكل شيء وقت النوم وقت التغير وقت الحمام واهم شيء يقومون بدري الصبح عشان يستفيدون من النهار واليوم يصير فيه بركة .
وتكون هي متهيئه نفسيا انها تتحمل تعبهم شوي بالسفر
وهم بالاخير عيالها ولو صار لهم شيء وهي مسافرة راح تقعد تلوم نفسها العمر كله ..
والمكتوب راح يصير وهي معهم او تاركتهم بس عالاقل وهي معهم ماراح تلوم نفسها انها اهملتهم وسافرت تتمشى بدونهم.
هذا رايي :39:

لاحرام تخليهم تاخذهم معاها ولاتشيل هم ربي يسهلها ولا تنسى زوجها لازم تهتم فيه عشان دايم يسفرها وانا دايم اشوف الاجانب 3 او 4 اطفال وعادي مبسوطين بالرحله بس احنا دايم نشيل هم كل شي ومن ناحية الملابس افضل شي تاخذلهم كثير ولا تقعد تغسل وتكوي واهم شي اقطان ماليزيا حر والاقطان ماتاخذ حجم بالشنطه وشنطه وحده كبيره تكفي بس لازم ترتب من بدري عشان ماتاخذ اشياء مالها داعي اذا تأخرت بالترتيب وترى الشنط الكثيره بالسفر تطفش تطفش وبالذات الزوج الرجال يحبون الحرمه الخفيفه >>دايم زوجي يقولي هذي الكلمه مع اني خفيفه :mad:

يعني تبي هي وبناتها في شنطه معناته زوجها بيكون له شنطه
تخلي شنطتها هي وبناتها كلها ملابس لهم
وشنطة زوجها نصها ملابسه ونصها للفوط والحليب والشراشف اللي بتاخذ لبناتها
وعلبة شامبو صغيره لها وشامبو صغير لبناتها
وبس
قولي لها لا تكثر لها اقمصة نوم وملابس حركات لانها ماراح يكون عندها وقت تلبس
في السفر اغلب الوقت برا
ولا تاخذ اكسسوارات ومكاييج وخرابيط
تلبس طقم ذهب صغير وناعم وتخليه عليها لين ترجع
واكيد بتشيل شنطه في يدها قوليلها تكبرها شوي وتحط فيها كريم مرطب وبودره مضغوطه ومو لازم كريم اساس البودره تكفي وعلبه صغيره شدو وعلبه صغيره ارواج اللي بريشه وبلشر وكحل ومسكره سودا وعطر وفرشة شعر لها هي وبناتها مهوب لازم تاخذ لهم شي خاص
وصنادل لها ولبناتها ومو لازم جزم لانها بتطفش من لبسها كل شوي وشراب وحوسه حتى زوجها ياخذ صندل ممكن تاخذ شباشب بلاستيك عشان اذا راحو البحر
وممكن تاخذ مكرونه وصلصه وتونه وجبن وممكن تمر لانها راح تطفش من اكلهم ولو بناتها جاعو يكون معها شي تعطيهم لان مطاعمهم تسكر بدري
وترا اول سفره لي كنت ماخذه لبنتي ملااااااااااااااااابس وش كثرها وكل لبس معه جزمه وشباصات واكسسورات
وانا ماخذه لي مكياج ولفافات وجزم وفي النهايه رجعت اغلب الاشياء ما استخدمتها
خاصه المكياج والفافات والاكسسورات ضيقت علي على الفاضي
حتى اقمصة النوم
ما يمدي اغير لبنتي واروح اتحمم واغير الا ابو الشباب نايم من التعب

انا من سنة سافرت بابنى تايلاند مدة شهر اخذت شنطة واحدة متوسطة لينا الاثنين و اخدت ليه ستة لبسات ما اكتر و صابون و كريم جسم فقط كنت باغسل ملابسه فى الفندق و اما اكله و الحفاضات و الاشياء الاخرى كنت بشتريها من هناك اجود و ارخص و لمن رجعت اشتريت له كمية لبس جديد و تركت لبسه القديم هناك لانه استهلك بس ابنى كان عنده سنة و ما بيمشى فكان ما بيوسخ ملابسه بسرعة