..!..مساء الخير ..!..
بدايه يا أخوات خلوني ألطف الجو لــ أني فعلا مضايقه ،،!
ودي أسأل ليه لون اليوزرنيم حقي ركب الأغراب أسود وأنتم لونكم غير ؟!
وبــ النسبه للي خلاني أكتب لكم ،، قبل شوي وبينما أنا اتصفح المنتدى ،،
دخلت أحد الأخوات التي جمعتني بها مقاعد الدراسه في الجامعه ،،
وكانت نعم الأخت وأخلاقها جدا عاليه طيب ،،
طبعا هي دخلت ماسنجر معي ،، وانا لما شفتها انبسطت لــ أني فعلا كنت ودي أرسل لها ايميل ،،
تدرون ليه ؟!
كنت أبي أنصحها ،، لــ انها حاطه صورتها الرمزيه في الماسنجر،، مجرد ماهي دخلت على طول سلمت عليها،،
وكيفك ،، عقبها قلت لها كذا طبعا من باب اني أمون عليها ولــ انها رفيقتن لي ،،
قلت يا غبيه وليه حاطه صورتك في الماسنجر تخيلي ضايفه وحده مثلا ما فيها خير وتسرقها عليك ،،
ترى كنت برسلك ايميل بخصوص الامر هذا ،،
شوي الا والصاعقه ،، تدرون وش ردت ،، قالت أول شئ احترميني قبل تسلم ،، واحترميني لما تتكلمين ،،
أنا قلت يؤ ،، بسم الله ،، أنا وش قلت لك ،،
شوي تقول ،، هذا ماسنجري ،، وانا ضايفه بس الأهل ،، وكيفي محد ينصحني أحط الي أباه ( طبعا حكاها اماراتي) ،،
انا من النوع الي أحب انهي الموضوع على طول وخصوصا ان كنت مصدومه ،،،
على طول قلت لها ،، اعتذر لك يا خيّه ،، والله يجزاك خير ،،
ردت وقالت : وياج ،، ثم أسوي أبير اوف لاين عشان ما تحاكيني ،، وقامت ترسل وتقول ادري انك تشوفين كلامي،،
مره ثانيه احترميني ،، ولا تكلميني بــ هالأسلوب ،، انا تضايقت ورحت سويت لها بلوك ،،
فعلا يا بنات ،، انا صدقوني يمكن لما قلت غبيه مش أعايرها لا والله من طيب نيه وخصوصا اني أمون ،،
عموما حبيت أفضفض لكم ،، وتحملوني صح اني عضوتن دايمه هنا ،، بس ما كتبت كود موضوع واحد وهذا الثاني ،،،
وفعلا المرات الواحد يحتاج يفضفض ،، بلي في داخله ،، لست بحاجه مواساه ولكن الله يسامحها ويغفر عن خطاها ،،
والله يجزاكم خير جميعا يا أخوات ويجمعنا على عز ومعزه دائما وأبدا ،،
..!..هنا ركب الأغــــــــراب..!..
شاركي في النقاش
سجلي الدخول لإضافة تعليق.
التعليقات
38- انتي سويتي الي عليج ورايتج بيضا ولا تكدرين بالج الحين الناس تغيروا والمفاهيم تغيرت صار كل شي عند الناس عااادي ولا يهمهم الله يهديها يارررب..
- لاتاخذي على خاطرك حبيبتي
يمكن كانت معصبه ومضايقه شوي
مع الوقت بترجعلك
بس نصيحتي
خليكي بطبيعتك
اختك
ميمي - تبين الصراحه
انتى طريقة نصحج مو اي وحده تتقبلها يعني انتي بديتي بلفظ ( يا غبيه) وحتى لو تمونين عليها بس مو بهالطريقه
والله يصلح ما بينكم - ماغلطتي انتي قلتيها من باب الميانه
بس في ناس ماتحب احد يقولهم انتو غلط عشان جذي صارت ردة فعلها هجومية
خليها براحتها انتي سويتي الي عليج ونصحتيها - حبيت اقول لك انو كلنا نشوف اسماءنا غامقة والباقي اسماءهم حمراء
:42:
مواضيع مشابهة
تابعي تجارب أخرى من هذا القسم.
-
✈️ يا بنات.. العيد قرب! وين نوينا نسافر؟ (مشاركة لوجهاتنا المفضلة) 🌍
1 تعليق -
يا بنات، كيف ترتبون يوم نقل الدبش بدون توتر؟ 😅
6 تعليق -
يا بنات أمانة يلي تعرف المرض او جربته او تعرف اي معلومة تكتب
32 تعليق -
الله يحرم جلدكم على النار يا بنات شو الحل يلي بتعرف ما تقصر
9 تعليق -
ليش القسوة و الهجوم هذي يا بنات عالم حواء
126 تعليق