هذي حمسة بسيطة أنا أعملها بين فترة وفترة بالذات للي مايحب الخضار يمكن ياكلهم هني لأن طعمهم بيصير غير
:39:
المكونات:
همبورجر (خزان جامبو ) ممكن ينفع بغيره بس أنا شخصيا ماجربت إلا هو - خضار ( جزر - كوسة - فاصوليا مثلجة أسهل - فلفل أخضر - بصل - وممكن إضافة البطاطس ) - صلصة الصويا - كاتشب ومعجون طماطم (يمكن استبدالهم بصلصة جاهزة من الأنواع الحلوة اللي تنباع بس انا حاليا مايحضرني اسمهم المهم اذا ماعندج صلصات حطيهم.
الطريقة:
1-بعد تقطيع الخضار والجزر شرائح طولية ضعيفة والكوسة دوائر والبطاطس مكعبات .( على كيفك )
2-نحضر مقلاة تيفال كبيرة ونضع بها الزيت.
3-نقلي الخضار اشوي على نار عالية.
4-نضع عليهم الهامبورجر كم حبة بعد تقطيعهم طبعا إلى مربعات كبيرة ( الوحدة إلى اربع اقسام او اكثر اذا كانت جامبو. (المهم على راحتك واذا كان الهامبورجر مثلج ضعيه فوق الخضار اللي عالنار من البخار راح تلين بعدين قطعيها وخلطيهم مع بعض.
5- قبل استواء الهامبورجر نضع كثير من صلصة الصويا (قبل النضج عشان تتشرب طعم الصلصة ) .
6-كذلك نضع باعتدال الكاتشب وملعقة معجون طماطم . (لاتكثرين معجون عشان لاتصير نفس طعم الحمسات العادية)
7-خليهم على نار عالية ولما اتشوفي انهم استووا وتغير لونهم وتشربوا من الصلصات خليهم اشوي على نار هادية وبعدين قدمي.
وبالهناء والشفاااااااااااااااااااء
شاركي في النقاش
سجلي الدخول لإضافة تعليق.
التعليقات
15مواضيع مشابهة
تابعي تجارب أخرى من هذا القسم.