اللي جربت peeling مقشر الجسم الياباني تتفضل

بنات اكيد شفتو الإعلان ن في المنتدى عن مستحضر تقشير الجسم الياباني peeling صراحة قريت عنه في المنتدى وفي منتديات ثانيه كلام ووصف يشوق الواحد يستخدمه
انا كلمت المندوبة وتمدح فيه وتقول غير المقشرات الموجودة با لمحلات. ياليت اللي جربته او تعرف احد استخدمه تعطينا رايها....

5 تعليق 3,198 مشاهدة

شاركي في النقاش

سجلي الدخول لإضافة تعليق.

التعليقات

5
  1. @mayaa_1

    صاحبة الموضوع
    اهلين اختي مونالييزا....هذا مقشر للجسم كان معروض في مركز الأمير سلمان فتره مؤقتةفي السوق الخيري...بس مندوبة الشركة اليابانيه موجودة ووزعت رقمها توصل الكريم لما البيت سعره 150 ريال موجود عندي اذا تبين.... بس ودي يفيدونا البنات اللي جربوه هل نتايجه زي ماقالت المندوبه يزيل الندبات الموجوده بالجسم واسوداد الر كب والأكواع والزيوان اللي بالأنف ومواصفات صراحة شوقتني .... بس تعرفين مندوبه وأكيد بتمدح بضاعتها ودنا نشوف تجاربهم...ياليت ما يبخلون علينا....
  2. @aldoaa_alshard

    صباح الخير بنات

    أنا رحت عند دكتورة وعطتني مقشر للجسم
    بس الصراحة لسه ما اشتريته احتمال عالأسبوع الجاي أشتريه
    إذا استخدمته وشفت نتيجة حلوة إن شاء الله أبلغكم

    وعلى فكرة لازم تنتبهون من مقشرات الجسم
    لأن الدكتورة قالت لي تدهني منطقة وحدة وتنتظري 40 ثانية وتغسلينها
    وهكذا لين تنتهي من كامل الجسم لأن المستحضر لازم ما يجلس أكثر من دقيقة عالجسم
    يعني لو بغيتي تدهني الجسم كله وبعدين تغسليه بيكون مر أكثر من دقيقة وهذا خطأ

    جايز هالشي خاص باللي عطتني إياه لكن أنا حبيت أنبه
    عشان اللي تبي تستخدم تتنبه لهالنقطة وتسأل عنها
  3. @albndryn

    قريت عنه في منتديات ثانية بنفس الصيغة ياريت ماتبخلون بالرد
    اختي الضوء الشارد : اسم القشرهو طبي او تجميلي
    اوصفي المقشر هو للجسم او للوجة فقط
    وكيفية استخدامة هل معه اضافات اخرى
    :27:
  4. @aldoaa_alshard

    هلا فيك البندرين

    بالنسبة للمقشر أعتقد إنه طبي لأنه ينباع بالصيدليات
    والدكتورة عطتني إياه للجسم فما عندي فكرة إذا كان يصلح للوجه أو لا
    بس أعتقد لأ لأن الدكتورة كاتبة بالروشتة غسول مقشر للجسم

    طريقة إستخدامه ذكرتها بردي اللي فوق وهيا
    تدهني منطقة وحدة وتنتظري 40 ثانية وتغسلينها
    وهكذا لين تنتهي من كامل الجسم لأن المستحضر لازم ما يجلس أكثر من دقيقة عالجسم
    يعني لو بغيتي تدهني الجسم كله وبعدين تغسليه بيكون مر أكثر من دقيقة وهذا خطأ

    ويستخدم مرة باليوم
    وما معاه أي إضافات ثانية يعني هو لوحده وبس

    أما اسمه فعليش ما كتبته لأني والله مو عارفة أفسر بعض الحروف من خط الدكتورة
    لكن إن شاء الله متى ما اشتريته أنزل اسمه

تابعي تجارب أخرى من هذا القسم.