دخول للمتزوجات ابغاكم


اهلين اخواتي
عندي مشكله وانااحس انهاكبيره
واطلبكم اللي عندهاحل اومعلومه لاتبخل علي ولهادعوه بظهرالغيب
انامتزوجه لي7سنوات
وعندي طفلين
مشكلتي بيني اناوزوجي مااعرفه الابمشاكل اليوميه
بننا جفاء موطبيعي
انامن شغل البيت وهم المبزره مالي خلق لشي
وعساني الحق
اهملت بنفسي بصحتي
وهذاكله بعدماجبت العيال
ماكنت كذا قبل
ولماقلت له جب لي خدامه اناتعبت قال لامووقته
قلت علشان افضى لك ولنفسي قال لا
والله يابنات نحفت لاني اشيل هم على اشياء تافهه
يعني ابي عيالي نظيفين ومرتبين وابي شقتي نظيفه
واللي عندي النظافه يمين وهم يسار عجزت اعلمهم
حرمت عاقبت مافيه فايده
المشكله الاساسيه
هي اني ابي اغيرحياتي مع زوجي
ابي البس واتكشخ واكون مثل ماكنت قبل
ولوبغاني زوجي اجيه وانامالي خلق
لدرجه مره قال معي رجال
والسبب هو دائمايقول ليه جسمك كذا احس اني تحطمت ومالي خلق البس شي احس موطالع علي حلو
على اني مونحيفه مره
وهودائمايقول انتي حلوه بس يبغالك تسمنين شوي
سوالي اببي اغير من نفسي ابي البس له واغير الروتين المممل بس متررده من ناحيته
تعرفون فجاه بيقول هاذي وش جاها
لاني من زمان ماسويت شي
ونادرمالبس قمصان نوم
وانااعرف كل شي بس مترردده اني اسوي شي
هذااللي عندي
ومعليش طولت عليكم ومعليش الموضوع حوسه لاني اكتب بسرعه
وانتظركم

16 تعليق 1,369 مشاهدة

شاركي في النقاش

سجلي الدخول لإضافة تعليق.

التعليقات

15
  1. @cold_stone

    لييييييش مترددة انتي لاتقصرين في لبسك واهتمامك بشكلك الداخلي والخارجي علشان مايجيه عذر بعدين!!!!! ( اكيد فهمتيني )

    وانتي قلتي بيقول ايش جاها ذي لانه مو متعود والرجال مهما كان يحب زوجته تهتم بنفسها حتى لو ماوضح لها وانتي نظمي وقتك بين

    شغلك وعيالك وزوجك

  2. حبيبتي

    كلنا والله عندنا ضغوووووووووووط فضيعة :44:

    بس الواحد يرتب وقته

    يقدم الأولويات

    حاولي تجيبين شغالة بالساعات وقت الأزمات

    أعرف لك وحده ما شاء الله تبارك الله 4 أطفال وبيتها دور بحوش وما عندها شغالة

    وما شاء الله بيت نظيف وأطفال نظيفين وبالاجتماعات تجيب أنواع الصواني

    لما نسألها عن السر تقول : أصحى بدري

    هونيها وتهون

    استعيني بالله وادعي ربك انه يعينك

    وترى الشغالة دخلتها البيت بثمنها

    قبل النوم سبحي 33 وكبري 33 واحمدي الله 33

    وبتشوفين الفتح من رب العالمين

    الله يعينا وإيااااااك:26:
  3. حبيبتي اهتمي بنفسك وصحتك وجمالك قبل كل شي :) لان الرجال والله والله ان البيت أخر شي يفكر فيه:arb: وبعدين نظمي وقتك وماهو لازم انك كل يوم تكرفين في البيت ,,,,,ارتاحي احيانا !!! (راحتك أهم من اي شي) وأطفالك لبسيهم لبسه في اليوم مره بس ,خليها قبل العصر يوميا واذا أذن العصر بخري البيت وسويلك قهوه وكلي حلا (سبحان الله الحلا يخلي الواحد مبسوط) ولاتخرجين زيارات الا في الاسبوع مرة وجهزي لهذي الزيارة من بدري ..بس أوصيك على نفسك لاتهملينها (سواء في أكل ولا لبس أو نوم كافي أو راحه )<<<<<<لانها هي أهم شي عند الرجال,واستغفري كثيرا
  4. @am_krshh

    بالنسبه للسمنه كثري اكل او روحي اخصائيه تغذيه تكتبلك حبوب تسمين ونظام غذائي

    وبالنسبه لشغل البيت كل يوم خلصي شغله مو لازم كل شغل البيت في يوم واحد تخلصينه

    وبعدين احصري حركه عيالك في غرفه حطي العابهم وتلفزيونهم وخرابيطهم كلها فيها


    باختصار حطي الاولويه لزوجك قبل البيت ونظافته

    صدقيني لاارضت الزوجه زوجها واسعدته وكانت له زي اللي يبغاه مايلتفت لنظافه البيت ولا لترتيبه ولا لاي شي ثاني
  5. @kob_kho

    شوفي بالبدايه اقترح تسوين لك يوم كل عشره ايام اجازه00 يعني خلي الدرعا ترعا00 واهتمي بنفسك00 ولبسك وروحي كوافيره ووسعي صدر زوجك00 وارفعي معنوياتك00
    ثم حاولي تخلينها كل اسبوع بس بدون كوفيراه
    الى ان تصلي الى يوم وراء يوم
    بالتالي يكون يوم لنفسك ويوم لعيالك00
    والله هالعيال اللي مضيعه وقتك معهم يحترون متى يكبرون ويخلونك
    عاد لايلحقهم الزوج00 امسكيه لايطير
    عاد سعتها فعلا تمسحين غبار شقتك00!!

    انا ضد فكرة ان الانسان يعطي فوق مايستطيع ويقصر بحق نفسه00 لكي لاينصدم بعدين عندما ينتظر رد الجميل مضاعف 000 ينصدم بالجفاء
    اعط كل ذي حق حقه00 ولنفسك عليك حقا00

تابعي تجارب أخرى من هذا القسم.