أخبار الحلوين ان شاءالله تمام
بما إننا داخلين امتحانات والجو مشحون..والوحدة منا ماتصدق تاخذ لها ريست
من المذاكرة اذا ماكان خمس ساعات ماتعتبر استراحة طيب كيف بتقضي هالريست ويكون معدله 5ساعات فما فوق
اكيد في المطبخ مايبي له كلام!:
تقعد تحوس كأنه جايينها ضيوف لهم سنة مااكلوا شيء
وبما إني السبت حبدأ امتحانات ان شاء الله(ادعولي
:سرت اشرد من المذاكرة بحجة الاستراحة..بس ياليتها تطول 10دقايق وارجع للكتاب ثاني
ويقولون اذا اشتهوا الطلاب شيء لازم تنفذونه على الفور ليه؟؟؟
عشان ماينسون المذاكرة ويجلسون يفكرون فيه..:
وبما إني كنت افكر في زبادي بالفواكه تبع المراعي..ولعدم توفره في المنزل
واخواني مابه حد بالبيت قررت اني ابتكره..:
خلوكم معي
جيبي فراولة قطعيها (استخدمت 4حبات اللي لقيتها في الثلاجه)انتي حطي 6او 7
اهرسيها بالشوكه بس تكون3/4هرس
حطي عليها علبة زبادي المراعي واخلطيها سوا
ظرف دريم ويب(صلحيه مثل التعليمات)وصبيه عالزبادي والفراوله
اخلطيها تمام وصبي عليها مقدار غطاء من شراب الفيمتو المركز(غطوة وحده بس لاتزيدين
حركيها بالشوكة كتأثير عشوائي
صبيها في طبق زبادي(الحجم المتوسط يكفي (3.-4).الحجم الصغير يكفي من(5-7)
دخليها الثلاجة ليما تبرد وعندالتقديم زينيها بقطع الشوكولاته أو الفراولة..ورشي عليها بسكوت مطحون
وهذي لأول ولآخر رد
اتمنى يعجبكم وتجربوه
الطريقة من ابتكاري