طبعا بنات انا قبل شهرين صابني فرط تبويض من كثر ما أخذت إبر منشطة وتعبت حيل وبعدها غيرت الدكتور لأني حسيت راح يموتني من كثر المنشط وأنا ما فيني ضعقف تبويض ودكتوري الجديد طلب أسوي أشعة صبغة
ولما سافر ريلي للحج سويت الأشعة لأنه ما كان راضي أسوي أي شي بعد التعب اللي تعبته من الأبر
سويت أشعة الصبغة وتعبت حيل من العوار بس إكتشفت إني الأنبوب الأيمن مسكر بسبب عملية التنظيفات اللي سويتها
وقال دكتوري لازم نضمن كل شهر المبيض اليسار يكون شغال
يعني لازم كل شهر تبويض
ريلي ما رضى وما قدرت أفاتحه بالموضوع أبد بس هالشهر أخذت عسل مع غذاء الملكات وشربت مرمية وعصير أناناس ومن 3 يوم الدورة أخذت كلوميد حبتين يوميا لمدة 5 أيام بدون وصفة دكتور
بفترة التبويض تعبت حيل
نفس العوار لما أخذت أبر ونزل مني دم
ربي لك الحمد أنا حـــــــــــــــامل باركولي
متابعة النقاش، صفحة 3
