&.. تبين ترتاحين! .. ادخلي وشوفي أفكآري الخطيرة (بالصور) ..&

@frnaz


هلا وغلا

انا اليوم جايبتلكم كوكتيل من منزلي اتمني تستفيدون منه ،،،،لا تحسبونه عصير وتطلعون كملوا

ابدا بمروحة الشفط
طريقتي بتنظيفها سهل مره والسبب اللي خلاني اخترع الطريقه السهله
انها بعيده يعني يبيلها سلم وانا اخاف اطلع عليه..
المهم تجيبين كرسي وتطلعين وبيدك هذي


وتبدين تنظفين فيها وتحاولين تدخلينها بين الفتحات وتلفينها لين تننظف
بعدين تجيبين فنيله اوبنطلون قطن وتلبسينه (المنفظه)،،،،مدري الاسم صح والا
وتكون الفنيله رطبه وترشين 409 وبدي مسحي وحركي لين تنظف.
وهذي الصوره واحكموا على نظاقتها(لي سنه وثلاث شهوركذا انظفها بدون فك)



يـتـبـع

404 تعليق 53,648 مشاهدة

0 0

شاركي في النقاش

سجلي الدخول لإضافة تعليق.

التعليقات

387

  1. @frnaz

    صاحبة الموضوع
    ثانيا مكنسة الشحن

    صغيره وعمليه وسهلة الاستخدام أي شي محتت على طول شفط
    حتى عيالي يخفون جرايمهم فيها بعد مايكلون بسكويت او يبرون المراسم هههههههه
    يدرون ان فيه تكفيخ لو لقيت حتاحيت.
    وصار البيت دايم نظيف ويوميا امشي على البيت واللي يقابلني اكنسه بعدين
    امسح.....وصرت مااشغل المكنسه الكبيره الا كل سبت.
    اهم نقطه لا تخلينها مشبوكه على طول عشان ماتضعف قوة شفطها مثل
    مكنستي القديمه،،،بس هذي اللي بالصوره اهتميت من الناحيه هذي وماشاء الله
    قوتها ماتغيرت ولها عندي سنه وزيااااده.


    ثالثا سبورة
    حقت عيالي سرقتها وعلقتها بالمطبخ وشريت علب بهارات اللي قاعدتها مغناطيس
    وعلقتها على السبورة ...
    وبرضوا شريت مجموعه من المغناطيس وصرت اعلق فيها،علقت ورقه اكتب فيها
    أي شي يخلص من المقاضي عشان نشتريها الجمعه ..ومره اعلق طريقة طبخه واي شي
    علقي فيها حتى مواعيد الادويه وقت تعب عيالي اعلقها .
    وهذي صورتها



    يـتـبـع


  2. @frnaz

    صاحبة الموضوع
    رابعا حاملة الاكياس..........(الاسم من عقلها)

    احشيها من الاكياس وارتاح.





    خامسا السله (اللي على اليسار)

    بالعاده هذي السلال تستخدم بالمطبخ للبصل والبطاطس بس اختكم حولت السالفه
    وخليتها لحوسة ولدي الصغير،،،،
    اول سله لمستلزمات الغيار(فازلين + مرهم للالتهاب + زيت زيتون مقري + مناديل معطره)
    الزيت حطيته بعلبة ضغط صغيره زي صابون اليدين عشان مايتسرب الزيت وييوسخ السله.


    ثاني سله احط فيها حفايظ.
    ثالث سله لمستلزمات الاستحمام(شامبوالشعر+وجل للجسم + الليفه + القصاص + البودره +اللوشن +الكلونيا).


    والرابعه مخليتها سله لملابسه الوسخه.


    والشي الاحمر اللي بجانب السله
    هذي حاطه فيها العاب ولدي الثاني طبعا الالعاب اللي يحبها ويلعب فيها يومي
    عشان يصير مكانها قريب ويسهل عليه ترجيعها بعد مايخلص ،،
    وباقي الالعاب مرتبتها بصناديق اللي بكفرات وحاطتها تحت سريره.


    يـتـبـع

  3. @frnaz

    صاحبة الموضوع
    سادسا العظاظه العجيبه،،،،،،،(الاسم من اختراعي)

    هذي ياطويلات العمر افتحها واحط فيها أي شي (تمر/تفاح/كيوي/عنب/خيار)
    واصكها واعطيها ولدي عمره 9 شهور ويبدأ يعظظ ويستمتع بالطعم ويستفيد
    واهم شي يسد فمه عني ههههههههههه...
    هي عباره عن شي مخرق زي الشاش بس قوي عشان كذا يحس بالطعم.


    واخر شي جبتلكم طبخه ،،،،
    تعرفون آلة السندوتشات المخططه اشوي فيها بطاطس وطعمها لذيذ
    اقطع البطاطس حلقات شي رقيق وشي امتن لان زوجي يحب المتين
    وعيالي الرقيق المهم اجيب صحن صغيرفيه زبده او الزيت وملح وابدأ
    ادهن القصدير بالفرشه بعدين اجيب الحلقات وارصها بعد ادهنها من الجهتين
    بالزيت بعدين اغطيها بطرف القصدير واصك الاله واضبط الحراره على
    رقم 4 ثلث ساعة وتكون تحمرت اطفيها واخلي البطاطس خمس
    دقايق بلاله بعدين تقدمينها .... لازيوت ولا حوسه....جربوها وادعولي.

    وسلامتكم

تابعي تجارب أخرى من هذا القسم.