بنات الحقوني والله احس اني بانجن

مرات الواحد من كثر ما يخاف من شي يروح ويرمي نفسه في الشي اللي يخاف منه
انتي من كثر مانتي خايفه يكرهك ويتركك ويروح لابوه قاعده تكرهين الولد فيك
حرام عليك تضربينه كف وخذي الكلام هذا من وحده كانت في يوم من الأيام في موقف طفلك
وتتذكر شعورها كيف كان تجاه اللي مد يده عليها كنت اتمنى انه يختفي وما عاد يرجع
عارفه قد ايش عليك ضغوط وقد ايش تعبانه الطلاق لوحده سبب كافي للعصبية والقلق اللي تحسين فيه في مجتمع مثل مجتمعنا
بس يا حبيبتي لا تتركين الخوف يسيطر على تصرفاتك ويخرجك عن التصرف السليم والطبيعي
الولد لما يكبر ما راح يدري بأيش كنتي تمرين كل اللي بيتذكره ضربك له وصدقيني ما راح ينساها لك
حطي شي في بالك الولد في سن معينه يميل لأبوه أكثر من امه وبالذات انه على كلامك ماله الا 3 شهور من يوم عرفه
يعني اكيد ان ابوه فرحان فيه وشاد حيله في الدلع واللعب والمشاوير
والولد اكيد فرحان ان له أب مثل كل الأولاد وهذا من حقه
بس في الاخير مافي احد بيحل محلك انتي امه في كثير من الأمور
خليه يقوم بدوره الطبيعي كأب مع ولده وهذا مو عشانه لكن عشان سلامة ولدك النفسية والاجتماعيه
وقومي انتي بدورك مع ولدك كأم على اكمل وجه لا تسعين انك تملكينه لكن اسعي تسعدينه وتحققين له التوازن والتكامل بوجودك ووجود أبوه واحمدي الله ان أبوه يسأل فيه ويقوم بواجبه ناحيته ياما اطفال عايشين يتامى وأبآئهم عايشين
مو احسن من ان ولدك يكبر ما يعرف أبوه
أسأل الله ان يحفظه لك ويحنن قلبك عليك ويهديك لتربيته التربية الصالحه