سويت سونار وشوفوا النتيجة!!

السلام عليكم ورحمة الله وبركاته..

أخواتي وحبيباتي عضوات منتدانا الغالي سبق ونزلت هذا الموضوع قبل أسبوعين:
(( أخواتي كروشات عالم حواء عندي استفسار بخصوص التوائم هل أكياسهم في بداية الحمل تكون ملتصقه ولا متفرقه لأني انا اخذت اشعه صوتيه رباعيه في الاسبوع السادس وقالت لي الدكتوره انه فيه كيسين واحد باين فيه الجنين والثاني تقول ماقدرت اشوف فيه شي موباين فيه شي
هي تقول يمكن توأم ويمكن الكيس الثاني يكون فاضي ويتلاشى مع الوقت لكن المشكله إن الكيسين ملتصقين ببعض فسؤالي هل التوائم في بداية الحمل ملتصقه أكياسهم ولاهذا معناه أطفال ملتصقين لاقدر الله !!
احد منكم مر عليه زي كذا تكفون انا خايفه ريحوني الله يريحكم ويقومكم بالسلامه لأن موعدي القادم بعد أسبوعين تقول عشان يكون كبر شوي ويمكن يبين لكن بصراحه قلقانه ومافيني صبر أبي أحد يطمنني!!))

واليوم أبشر الأخوات اللي اهتموا بأمري وسألوا عني بأني رحت لموعدي وسويت سونار
وياربي لك الحمد والشكر كماينبغي لجلال وجهك وعظيم سلطانك طلع طفل واحد
والثاني كيس بدأ يصغر شوي بعد ماكبر كيس الطفل :)
حبيت أبشركم وأشكركم بنفس الوقت لأنكم تعاطفتوا معي وطمنتوني وكمان سألتوا عني
يالله أترككم برعاية الله وأعتذر على التاخر في الردود لأني عندي سفره بسيطة وراجعه
إن شاءالله

تحيــــــــــــــــــاتي