بنات يمكن اخسر زوجي 00اعطوني حل

تكفون بنات ساعدوني
مشكلتي هي اني مااااااااااااعرف اقول كلام حلو لزوجي احاول بس ماااقدر طيب ليش ابغى اقول (حبيبي-حياتي -عمري) الخ
بس ماعرف اذا جيت اقولها كان احد يعقد لساني مادري وش يصير المشكله اتحسسسسسسسف اني ماقدرت اقولها
امس سوالي محاظره :
يقول لنا 3 سنوات متزوجين ماعمرك قلتي حبيبي ماتقولين كلام حلو المصيبه انه هو مايقصر بس يقول مليييت اذا ماتحبيني قوليلي وخل نرتاح
اليوم يوم راح الدوام ابغى اقول الله يحفظك ماقدرت قلت مع السلامه احاول اقولها والله ماقدرت
بنات والله حتى اختي ماقلتلها هالكلام
انتوا اكثر من الخوات اعطوني حل
والله يمكن اخسره يقول حياتنا صارت جافه مافيها شئ حلو اذا ماقلتي هالكلام والله باروح ادوره عند احد غيرك ابغى حللل والله ان قلبي يتقطع اذا جيت ابي اقولها وماقلتها
تكفون انتوا خواتي لاتبخلون علي بالحل

48 تعليق 10,591 مشاهدة

شاركي في النقاش

سجلي الدخول لإضافة تعليق.

التعليقات

47
  1. @aathaaby

    يقلبي عليك

    انتي حاولي واذ ماقدرتي

    ابدي بالتدريج يعني اول شي اكتبيها له في بطاقه

    وحطيها عند السرير وهو لم يجي بينام بيشوفها وبيستانس

    وحاولي الين تبدين تتعودين عليها

    والله يسخر لك زوجك يارب
  2. قوليها بدلع مثلا بيطلع قولي باي قلبوو
    او بحركه هباليه >> مدري كيف اوصف هههه
  3. @ltkly_tfaolgt

    بالعزيمه والاراده كل شي يجي بإذن الله وابدأي قولي له هالكلام كتابيا يعني مسجات جوال او بطاقات مثل ماقالت الاخت السابقه واذكر مره قرأت لتوليب تقول انها تكتب لزوجها احبك او اي كلام حلو بدفتر الطلبات اللي بالمطبخ وهو يعدي كل يوم على الدفتر ويقرأ الطلبات ويتفاجأ من الكلمات ويفرح فيها اكتبي له على المرايه بالروج او حتى خذي ايده واطلبيه يغمض واكتبي بإيده
    ودائما طالعي بنفسك بالمرايا وكرري كلمة معينه راح تقولينها اليوم واذا جاء قوليها له وبتلاقينها تخرج بسهوووووووووووله بإذن الله
  4. شكلك من النوع الخجول وماتعودتي ع الكلام الحلو بس والله سهل

    بالبدايه اهتمي بالحركات مثلا استقبليه وودعيه ومره قطي كلمه حلو واذا ماتبين تطيح عينك بعينه قوليها وانتي مثلا ضامته

    او مثلا بمكالمه شوي شوي تتعودين

    الي بيخليك تتعودين انك تقولين هالكلام بالبدايه بدون لاتطيح عينك بعينه

    والله يوفقك


    ودمتي بود
  5. @marshmalo

    حاولي تدربين لسانك ... للكلمات الجميلة وقع كبير على الأزواج كما هو على الزوجات ... لازم تعبرين عما بداخلك من أحاسيس ... ربي أعطانا هالنعمة الكبيرة >> ( التعبير عن المشاعر ) ... لازم نستغلها و نتفنن فيها بعد

تابعي تجارب أخرى من هذا القسم.