اولا هو طلب 4200ج عشان المنظار واحنا كنا سألين عند دكاترة تانيين وكويسين اكتر واحد قال 2000
بس احنا قلنا خلاص طالما ارتبطنا معاه وعمل لي المنظار وقال لي ان انا عندي اندوميتريوزيس
يعني بطانة رحم مهاجرة وطبعا كان فيه شريط فيديو صراحة لما شفته محسيتش ان فيه حاجة ولقيته كاتب في تقريره ان كل شيء يكاد يكون طبيعي وان العقم الي عنده غير مسبب
وقال لي العلاج هيكون وسيلة منع الحمل لمدة شهرين تلاتة بعدها منشطات وقال لي اختار بين الحبوب وبين حقن اسمها زولادكس وقعد يشجعني عليها وحسيت انه بيقول لي ماتاخديش الحبوب خدي الحقن ولو عايزاها هبعت اجيبهالك حالا (( تجارة طبعا )) هي الحقنة الواحدة 550ج
زوجي قال له ماشي
بعدين قعدنا نستنى والله جت لي حالة خوف رهيبة من الحقن خصوصا ان تأثيرها صعب جدا بتوقف عمل المبيض تماما قعدت ابكي قلت لزوجي طيب نشوف دكتور تاني يشوف العملية ونستشيره يمكن يقول نفس الكلام خلاص ننفذ
المهم رحنا لدكتور تاني ممتاز والله بشهادة الجميع
شاف الفيديو قال لي معندكيش حاجة خالص كل حاجة عندك طبيعي وعملنا تحليل بعد الجماع وطلع حيوانات زوجي حركتها ضعيفة جدا
اصلا عادل فاروق كل كلامه في التليفزيون على المرض ده
ولما رحت له قبل ما يعمل لي المنظار بيقنعني انه هيطلع عندي
صراحة مش عارفة بس انا ناوية اعرض الفيديو على دكتور ثالث لعل وعسى
ومضة أمل(خبرات متبادلة حول مراكز العقم في مصر)ج 2 [تجاوز عدد الصفحات المسموح به]
متابعة النقاش، صفحة 79