عمل زوجي متعبني محتاجه شوركم

انا عضوه جديده ومحتاجه لارائكم ونصايحكم القيمه

زوجي دكتور وشغله في عيادات وطبعا فيه دكتورات وممرضات

ومريضات ومراجعات ووووووووووو

المهم انا نفسيتى تعبت خصوصا لمى تعبت ورحت العياده وشفت العجب

زوجى انسان محترم ويخاف الله

لكن الموضفات يدخلو عنده ويتكلمو معاه يقدمو له قهوه وحلىوالشيطان ما مات

وما يخبي عني شى الا يقلي عليه وانا مابين غيرتي او غضبي عشلن يقلي كل شي

لانه مهما سويت ما راح يتغير شي هذا مجال عمله

يوم من الايام جاب قلم فخم مره وكانت هديه من طبيبات بمناسبة ترقيته

انقهرت مره وما بينت :mad:ومدحت فيها وبعد شهر تقريبا اخفيت القلم

سئلني عنه قلت ما شفته وجلست ادور معاه ونسيه

يوم مرضت وقلي تعالي العياده وانا ماحب اروح اشوف الموظفات وانقهر زياده

رحت وكانو يعملوني معامله خاصه وبعد ما كشفو وخلصت دخلوني غرفه خاصه بالطبيبات

وضيفوني وسواليف حتى يخلص زوجي شغله كل وحده راحت شغلها وبقيت الدكتوره الي اهدت زوجي

وانا جالسه وكنت ناسيه جوالي دق عندها التلفون وردت وهات سواليف وضحك ومسخره

وانا خجلانه في بالي زوجها الي يكلمها واخر المكالمه قالت ايوه زوجتك عندي دحين اخليهاتطلعلك

وفهمت ان الي يكامها زوجي المصون اندهشت وتغيرت ملامحي وطلعت وانا احس اني في حلم

وتمنيت يكون حلم موحقيقه صراحه كان موقف صعب جداااا ركبت السياره ما تكلمت هوه فهم وصلنا البيت

كنت مواصله قلت بدخل انام و ما قدرت كانه سكين في قلبي قعت افكر ايش اقول ايش اسوي

سنين وانا متحمله شغله وصابره لكن الي شفته ما ينسكت عليه

خرجت وانفجرت زي القنبله وهوه ولا كلمه طلعت القلم وكسرته قدامه ورميته

وكان مقدر وضعي ومقدر غيرتي

قلي انه استغرب من كلامها في التلفون معاه وانها كانت مره محترمه وما يدري ليش سوت كذا

واعتذر و هداني لكن ما قدرت انسى الي حصل وخايفه من الي جاي

نفسيتي مرهههه تعبانه مع هذا الشغل انصحوني ايش اسوي وكان تصرفي سليم ولا لا

ساعدوني بلييييييز

اسفه على الاطاله :26: