اللي تدخــــــل وتقـــــولي فكــــره وربي لا ادعيلها

هذي فكره كنت اسويها دايما بس للاسف الحين مشغوله مع البيبي ولا فيني جهد ادعوا لي

كل ليله صلي ركعتين وادعي لاموات المسلمين وخصي بالدعاء اللي مات وماعنده ولد يدعي له او عياله غافلين

ادعي لكل مكروب في سجن اوفي ضيق

ادعي للمجاهدين

اسعي لاهلك , لاخوانك , لجارتكم العجوز ووووووووووووووو

اهم شي لاتنسين احتسبي الاجر عند الله ولا تنسين عند كل دعوه فيه ملك يأمن على دعاءك ويقول لك مثلها

واخيرا لاتنسن نفسك واختك في الله

السلام عليكم ورحمة الله وبركاته
حبيبتي اعذريني لو كانت افكاري مكرره لاني لم اقرأ الموضوع كامل
1-اطبخي اكل ووزعيه على الجيران بنية الصدقه وكمان انوي انه يكون مثلا كل من ياكله هداية له وتقى له
2-افتحي كتاب ديني مثلا او اي شي مفيد و حلو اكتبيه كرسالة و ارسليه لصاحباتك و أهلك
3- ممكن كمان نفس الطريقة على الايميل
4-ادخلي النت مثل هنا شوفي اذا قريتي موضوع وحسيتي ان عندك حل يساعد اللي تطلب حل لمشكله مثلا لاتبخلين عليها واحتسبي الأجر
5-حاولى تعملين جمعة لأهلك وقرايبك هذي صلة رحم وحاولي مايخلى المكان من ذكر الله ،،لو فائده بسيطه تذكرينها لهم
6-ممكن اذا جمعتي أهلك وجابو معهم عيالهم انك تعملين للأطفال شي يفرحهم .. كب كيك وتخلينهم يزينونه مثلا
7-حاولى تحفظين صغار العائلة قران ،قصار السور مثلا .. وان شاء الله تاخذين اجرهم طول مايقولونها
8-ادعي انو ربي يفتح عليك وياخذ بيدك ويستخدمك للخير ..انتي انوي الخير وصدقيني ربي بيفتحها بوجهك بس ابدي وتحركي خطوه قدام حتى لو بعمل بسيط
9-اذا شفتي ناس متزاعله حاولي تصلحين مابينهم ..وياحظك في هذي ..سبحان الله اجر اصلاح ذات البين عظيم
10-حاولي تسعين في تزويج البنات حتى لو كنتي مو متزوجه ..مثلا لو فرضنا عمتك تدور لولدها ..وانتي تعرفين وحده من صاحباتك ولا من اهلك بنوته كويسه ،،حتى لو كانت تعرفها اذكريها و امدحيها واذكري محاسنها..واحتسبي الاجر يالغالية
11-اذا في بالك مشاريع لاتقولين ما اقدر ،،حطيها هدف قدامك ودائما ادعي باسم الله القهار ،،،وربي بيقهر لك صعوبة هذا الشي ..تووكلي على الله ياالحبيبة
12-صلي ركعتين وثوبي أجرها لأحد ميت
13-حاولي تحفظين قرآن
14-برررر الواااالدين ....دائماا سبحان الله الناس المتوفقه عندهم شي مشترك الي هو برهم بوالديهم ...حتى لو كانو مو متدينين لكن سبحان الله توفيق موطبيعي والسبب واضح الي هو برالوالدين ..حاولي دائما تكونين لطيفه جدا جدا معهمم ،،ويارب يسخرهم لك ويسخرك لهم وتكونين من أبر الخلق في أهلهم يارب
--
أتمنى اكون افدتك
استودعتك ربي يالغالية :)

اختي حتى لو ريال صدقه لانه فيه بعض الناس الريال يفك ازمات عنهم وطيب اذا اخذتي من امك وابوك فلوس وقلتي لهم باتصدق واعطوك بطيب خاطر عشان تتصدقين تعتبر لك صدقه لانك دليتهم على الصدقه والدال على الخير كفاعله

واختي الافكار كثيره
مثلا اذا رحتي السوق اعطي عمال النظافه اي شي ماء او فلوس او اي شي
اذا باقي من الغدا او لعشاء افرشي سفره او كرتون بالحوش بحيث انه الارض ماتتوسخ وحطي الاكل وبتاكل منه الطيور
اعطي الجمعيات الخيريه الملابس الزايده اللي عندك
واتمنى انك استفدتي مني يالغاليه

أختي برد 111 ابعطيك فكرة مرررررره حلوة و***** الله انها سهلة عليك .... انتي تعرفين ان الصدقة والحسنة مو بس للانسان حتى الحيوان امرنا ربي نحسن له ... دام انك على قولتك مو موظفه ولاتطلعين من البيت كثير ابقولك شي تسوينه ومن البيت .. (((( اذا اكلتوا اي شي وتبقى من الاكل كمية سواء كان أرز أو خبز اواي شي حطيه في صحن او سفره وضعيه في حوش بيثتكم او شباك غرفتك من برى تأكل منه الطير او القطاوه )))) وعودي نفسك على كذا ..وبكذا تكوني سويتي خير واخذت اجر ... وصدقيني يا حياتي طرق الحير كثيرة بس احنا نعجز ونتكاسل نسويها .. اتمنى اكون أفدتك بس ادعي لي ربي يسر لي ما استصعب علي ... ويفرج همي كما فرج لهاجر همها واخرج لها ماء زمزم ...