مالي غنى عنكم وعن مشورتكم يا خواتي الفنانات لا تبخلون علي ابغي مساعدة وبالصور لو ممكن

السلام عليكم ورحمة الله و بركاته......

خواتي الغاليات

شقتي فيها اثاث حلو ومرتب

بس انا بطبعي ملولة و احب التجديد

ابغي اغير اشيا وايد

واضيف اشيا

و اصبغ و اغير اللون

و احط ورق جدران اذا امكن

فاللي ابغيه منكم

تقترحون علي ببعض الاشيا اللي ممكن اسويها و اضيفها

مع العلم ان الصالة فيها لونين الاصفر والاخضر

ابغي اشيا اذا امكن بالصور+ المكان اللي ممكن اشتري منه

واوعدكم اني اذا اقتنعت و اشتريت و غيرت كل شي احط لكم الصورة في المنتدى

وتشوفونها و تعطوني اراءكم

يلا حبيباتي
همتكم معاي

وشكر مسبق للي بتساعدني
وبدعيلها ان شاء الله

سلام :27:

9 تعليق 1,235 مشاهدة

شاركي في النقاش

سجلي الدخول لإضافة تعليق.

التعليقات

8
  1. @algohr_2

    صاحبة الموضوع
    مشكورة عزيزتي موف


    ولكن ما ابغي انجد الكنب

    لان اللون عاجبني

    والاثاث جديد

    ولكن ابغي تغيير باشيا ثانية

    اضافة

    او تغيير لون الجدران

    او اضافة شي للزينة ممكن يغير المكان كثير

    يعني من هالاشيا

    مشكورة حبيبتي على المشاركة :26:
  2. انا بطبيعتي متعوده دايما كل سنه لازم اغير لون الريسبشن ( الصاله)
    وبالتح
    ي كل عيد فطر .......... لاني بحس بالتجديد وفي نفس الوقت مش بشعر بالملل تجاه شقتي
    كذلك كل سنه او ستة اشهر بغير اتجاه السرير اللى في غرفة نومي وكذلك غرفة المعيشه + شويه الاضافات اللى ممكن اشتريها للمنزل
    وفقك الله وممكن تحاولى تعملي زيي وانشاء الله بتلاقي مافيش رتابه او ملل في شكل البيت
  3. سلامي عليج الغاليه
    انا عندي لج اقتراح

    روحي محل اسمه ذا ون واكيد اتعرفينه
    ركزي على طريقة التنسيقهم للديكورات
    واذا ماكنتي حاطه زراعه ..في شي بامبوه هعهعهعههعههعهعه هذا مثل زراعه يابانيه او صينيه موجود في ذا ون
    مثل سيقان عاليه شوي
    هذا بيطلع حلو مع الاخضر
    والاصفر والاخضر حلو معاهم الابيض
    يعني خذيلج شمعه كبيره وحطيها على الطاوله صدقيني يطلع روعه وتحتها يكون مثل صحن مربع ووزعي فيه مثل احجار يمكن في الوصف يطلع مب حلو بس للاسف لو عندي صور حق صالتنا كنت براويج
    وبعد نحن غيرنا وسوينا شي ثاني

    خذنا سلة بس شكلها هي دائريه بس مش وااااااااااااااايد مجوفه هععهع

    واشتري واااااااااااااااايد ورد صناعي بس شكله يكون طبيعي
    ورد ابيض ولون ثاني يناسب الصاله
    وايد واول شي حطي طبقة الورد الابيض الروز اقصد وفوقه طبقة لون ثاني
    صدقيني يالغاليه شكلللللللللللهم راقي راقي راقي

    وسيري بعد المحلات وشوفي كيف التنسيقات

    وسيري بعد لايف ستايل ! حق اغراض الحمام كرمج الله
    واختي في محل في مزايا سنتر حلوه اكسسواراته بس لازم ادورين عددددددددددددددددل عشان اتحصلين اشياء راقيه وحلوه
    حق الحمام شي فود مش كبيره ولا صغيره متوسطه وخطي سله تكون لها ثلاث طبقات ... يعني كل طبقه تكون اعلى عن الثانيه
    وبعدين خذي ٣ فود كل وحده اطويها وحطيها في طبقه وبهالطريقه يكون عندج ديكور حلو للفود
    ولاتنسين اتحطين عطور خفيفه في الحمام .وانا اتكلم عن حمام الميلس

    وآخر شي طبعا حق العيد خذيلج حلويات بسيطه لها اشكار روووووووعه عندج محل اسمه محمصة وحلويات يامال الشام روعه واسعارهم وايد ممتازه
    وانا شفت نفس اغراضهم بسس بألف مره اغلى برى

    وتحياتي
    واتمنى انه يعيبج وصفي
    واذا ماعيبج
    ان شاءالله حد يفيدج
  4. @algohr_2

    صاحبة الموضوع
    chocolate_cake

    مشكورة يا الغالية

    جي الوصف و الا بلاش

    حسيت اني يالسة فعلا ارتب و ازين من كلامج

    تسلمين يا قلبي

    هيه اعرف ذ ون

    وعندج افكار شفتيها في هوم سنتر خبريني عنها

    كل اللي قلتيه بسويه ان شاء الله و بجوفين بعدين الصور يوم بحطها اهنا في المنتدى

    وانا وااايد احب الشموع ابغي افكار اكثر لو تقدرين عنها

    وبالنسبة للزرع

    هيه عندي زرع في الصالة و ابغي ازيد لاني احب الطبيعة والخضرة
    والاوراق و الشير وهالسوالف

    خاطري اعلق اوراق على اليدار بشكل حلو بس كيف بسويها ما اعرف؟بس بحاول

    لاني احب ازين و اسوي وكل شي بروحي ما يعيبني شغل الغير
    حتى المسامير والبراغي اركبهم بروحي خخخخخخخخ:11:
    تخيلي شكلي عاد معلقة فوق جني سبال :11: هع هع هع

    وابغي افكار مبتكرة بالنسبة لطاولة الطعام لانها بتكون في الصالة بعد

    وابغي اغير مكتبة التلفزيون و ابدلها بمكتبة اصغر شو رايكم؟
    المكتبة الحالية واااايد حلوة بس ماخذة مساحه

    بالنسبة للاضاءة شو اسوي و كيف ابدع ..............

    مشكورة عزيزتي كفيتي و وفيتي
  5. السلامي عليج

    والله ماتعرفين كم استانست يوم قريت ردج

    اكيد من عيوني بساعدج وبقولج اللي في بالي
    مشششششششششششششششكوره على هالرد اللي فرح قلبي

    تدرين حتى انا واختي ماانحب انييب حد من برى بعدللنا المكان

    المهم الغاليه انا استوالي مقلب من ذا ون
    الله يسلمج شريت شمعتين عليهم مثل ورد
    وتدرين الاسعار غاليه المهم
    وبعدين شفت معلمتنا عندها نفس الشي من قريت الهدايا تدرين المعلمه تشرح وانا عيني على الشموع !!
    شو انصدمت !!
    وفي شي ثاني ..تعرفين اشتري ورد طبيعي واشتري شمعه يكون حجمها مش كبير ولا صغير وسط يعني اوكي
    وتكون ريحتها فايحه يعني فانيليا ولاتشترين ورد ابيض او ازرق
    المهم واشتري صحن يكون شكله راقي وحلو مممم وهذا يبيعونه في ذا ون ولا مكان ثاني ياليت لو عندي شكله جان صورته
    عقب مايجف الورد
    نتفي لكن مب كله تخلصينه عشان تستخدمينه حق شي ثاني
    وحبه او حبتين ...مممم خليها حبتين بس اكسري الجزء الاخضر وبحذر وخلي الورده كامله
    الحين الطريقه اللي نوزع فيها الورد على الصحن
    خلي اول شي الشمعه في النص
    وبعدين وبلمساتج الحلوه انتري الورد دار مدار الشمعه وابرزي الحبتين الكاملات
    وعن طاولة الطعام ..
    سيري محل في مزايا سنتر يبيعون اشياء كرستال رخيصه ووايد حلوه
    ثلاث شمعدانات
    هعهعهع
    اذا عيبج بعد بعطيج افكار
    وعن طالة التلفزيون بالعكس حلاتها وهي كبيره وعكيلها كم اكسسوار

تابعي تجارب أخرى من هذا القسم.