موضوع متجدد لإستفساراتكن والطبيبة الفاضلة /عـلا أحـــمد

شكرا دكتورة على اهتمامك جزاك الله خير الجزاء
لكن دكتورة متى اتوقف عن اعطائه دواء لا كتيولز او هل استمر عليه دائما

ذهبت بة ل2 من الدكا ترة واحد اعطاني مضاد Remox مقدار 1.5 مل 3 مرات باليوم
ومااعطيتة لاني قلت يمكن مايحتاج لان الدكاترة عندنا بالسعودية يصرفون مضاد ع طول
والدكتور الثاني اعطاني Azi-Once مقدار 2 مل مرة واحدة بالليوم واعطيتة ورجعه لانة مر مع العلم انة قبل اسبوع صرف لة دكتور مضاد زينات 4 مل وكمان مر وما تقبلة وما استمريت علية
هل يا دكتورة اعطية من المضاد الاول لانة مو مر وبطعم البرتقال وهل هو افضل او الثاني جزاك الله خير مع العلم ان وزنة 6.5 لان صدرة فية بلغم لسة وهو ع البخاخ كل 8 ساعات لة اسبوع وقال د استمري حتى يتحسن وهل فيها ضرر علية لانة صغير 5 شهور والله يسعدك يادكتورة ع مساعدتك لنا جزاك الله خير

مرحبا دكتورة اتمنى الاقي عندش حل لاولادي والله تعبانة منهم اذا تساعديني اكون ممتنة .........ابنتي عمرها خمس شهور واريد اعطيها حليب صناعي في مرضعة بس حاولت من شهرين للحين واهي ترفضه واذا عطشانة تبكي لين تنام حتى لو ما ارضعها طول اليوم ما تشرب المرضعة و يمكن ما تعرف تشربها ايش اسوي والله تعبانة انا ماعندي حليب الا قليل وباقي اقل من شهر واداوم الجامعة ...وزنها 6 كيلو وطولها 61 _ما ترضع من عندي زين يعني لو باجمع اللي ترضعه طول اليوم ما يتعدى 90 مل
________________
اخوها عمره ( 20 )شهر للحين ما يشرب غيرالحليب الصناعي في المرضعة ماياكل اي وجبة طول اليوم وزنه طبيعي بس دايما لونه اصفر ونشاطه زايد عن اللزوم اجوعه واعطيه الوجبة يلعب في الاكل ويقوم -من عمره ستة شهور اعطيه الاكل ويرجعه وتلوع شبده والى هاليوم اني احاول دون جدوى التطور الوحيد انه كان من يشوفنه ناكل يرجع والحين لا-عرضته على الطبيب قال الطفل ماعنده مشكلة ويعطونه فيتامينات فاتحة للشهية لكن دون جدوى _________
اتمنى تفيدوني وجزاكم الله كل خير

السلام عليكم دكتوره..
انا بنتي عمرها شهرين ونص وعندها بلغم في صدرها ورحت للدكتور في البداية كتب لها على شرب كحه اسمه ايفي (خلاصة اوراق اللبلاب) ولكن مانفع معاها وحصلت لها نكسة ونزلت على صدرها و يكتم صدرها ويصير لونها احمر واحياناً ازرق من الكتمة وكتب لنا الدكتور على Flemoxin مضاد 2.5 مل وبخار+فنتولين 0.5 كل اربع ساعات وصار لي اسبوع استخدمة ومانفع البنت مازالت تكح والبلغم في صدرها .. واعطيتها يانسون وزيت السمسم بس مانفع معاها شي ومازالت مريضة حتى الرضعه ماتشربها وش الحل يادكتوره ؟؟؟وهل فيه ضرر من إستخدام الفنتولين لانها لسا صغيره ؟؟؟

اتمنى تفيديني جزاك الله خير

طب مامقدار اعطاؤه الدواء اليومى واستمر عليه لفتره اد ايه؟ ولكى جزيل الشكر