الزوجات الثانيات ... تفضلن إلى منزلكن الجديد

طيب انا بسالكم سؤ ال ترضون ان رجالكم ياخذون عليكم ثالثه ؟؟


الله محلل اربع مو بس وحده





يابنات قولو امييييييييييييين ياحي ياقيوم اجعل كل زوجه ثاني معترضه انه زوجه يتزوج عليه ثالثه يتزوج عليها عاجلآ هههههههههههههه



:35:

انا ابسأل شي واحد،، الزواج من ثانية مو هو شرع الله؟ طب ليه شرع الله الباقي ما تتناقشون فيه و لا تعارضونه وتسلمون فيه تسليم كامل ولما يجي موضوع الزواج علينا نقعد نفتي ونقول حرام والنسوان خطافات الرجال ومادري شنو؟؟ انا عن نفسي زوجة ثانية ولا كنت احب اكون زوجة ثانية لأن حتى الزوجة الثانية تحس بالغيرة احيانا وتكون حاسة بالأولية حتى لو نكرت هالشي، وطبيعة المرأة انها تحب تكون الوحيدة مثل ما الرجل يحب يكون الوحيد بحياة زوجته، لكن الموضوع هو إمساك بمعروف او تسريح بإحسان، يعني لو زوجي قال بيتزوج ثالثة اقول حقك، لكن انا لي حق اختار اذا ابقى او انفصل، ولو الاولى رضت انها تظل معاه فما لازم تسوي مشاكل لا لزوجها ولا للحرمة الثانية، هذا رأيي والسلام واما بخصوص العدل بين الزوجات فهو في المبيت والانفاق، وقد قال الرسول عليه الصلاة والسلام عن عدله بين زوجاته (اللهم هذا قسمي فيما املك، فلا تلمني فيما تملكه ولا املك) قصدي انه عدل بين زوجاته في ماله والمبيت، اما قلبه فلا يملكه هو ومعروف انه كان يحب السيدة عائشة اكثر .

السلام عليكم ورحمة الله وبركاته

وش فيكم بيوم واحد صرتوا طاخ وطيخ ؟ بس أحسن على الأقل تحرك الملف النايم .. طفشت كل يوم أدخل ما فيه الا رد واحد أو لا أحد ..

الا على هالهواش حمسوتني أقرا الدعاوي المحذوفة خخخخخخخخخخخخخ >> ما قصدها الفتنة ! لالا عن جد اللي قرت الدعاوي لاتعيد كتابتها هنا أخاف أن تسبب المزيد من المشاكل..

عموماً ياحلوات سالفة التعدد سالفة أزلية من عمر الدنيا .. شيء طبيعي الأولى ستغار والثانية ستغار أيضاً .. لكن دائماً أردد قوله تعالى " لقد خلقنا الإنسان في كبد" ولكي تسير سفينة الحياة بسعادة لابد من التضحيات والتنازلات..

كثير من النساء استغربن موافقتي على المعدد وأنا لا ينقصني شيء وأهلي مدلعيني وبنت ولم أصل للثلاثين وجميلة وووو .. لكني استخرت كثيراً وسبحان مسهل الأمور أول مرة أحس براحة عجيبة وحتى أهلي ارتاحوا وتيسرت أموري بسرعة وفجأة شفت نفسي بالفستان الأبيض وكلللللللللللللوووووووويش ، على الرغم من أن زوجي أكبر مني بكثير ولديه عدد من العيال من الأولى .. لكن هذا ما كتبه ربي لي.. حتى أقول لزوجي: ربي خبأني لك ولا ياكثر اللي خطبوني قبلك وماتم النصيب..

أخواتي:
لا أنكر أن الزواج من معدد فيه من المنغصات الشيء الكثير ، لكن حتى وحيدة زوجها تمر بها أيام تبكي فيها من القهر والحزن ..

أخر سالفة طازجة لي أنه رفض لي طلب مكلف نوعاً ما ، لأن زوجته عرفت بطلبي وقالت أنت رفضته لما طلبته منك سابقا قبل زواجك منها، والآن بتحققه لها لييييييييييه؟ ارفضه زي ما رفضته لي!!
صراحة زعلت وقلت أي شيء قبل زواجي بك ما يدخل ضمن العدل ، طيب الآن حقق هالطلب لها أو عوضها عنه بنفس القيمة المادية بس لاتحرمني منه لأني أحتاجه ضروري..
قال ماعندي أي مانع أحققه لك ولارادتني الفلوس لك أو لها ولو عطيتها قيمته كان رمت الفلوس بوجهي ، هي موقصدها المادة قصدها المبدأ غيارانة ليه أسويه لك وهي رفضته لها سابقا..
والله اني انقهرت لحظتها وتضايقت مرررررررررررة وقلت له: كذا تحسسنني أني مقيدة ، يعني في المستقبل بتحرمني من أشياء عشان هي رافضتها؟؟؟؟!!!!!!!!
قال: لا، بس هالشيء الوحيد، وبسألك ترضين تصير بيني وبينها مشكلة كبييييييييييرة .. قلت : لا ،، وتنازلت عن طلبي أو بمعنى أصح أنا اللي تكفلت به مادياً.

بس تعرفون ليه تنازلت ؟ أولاً لأني ما أرضى تصير مشاكل بينهم خوفاً من الله تعالى ، وثانياً بعدها بيوم عرفت سبب غيرتها، بالفعل في شيء جديد صاير خلاها تقول هالكلام ، وصراحة ما ألومها لما وضعت نفسي مكانها فتغاضيت عن طلبي دفعاً للمشاكل..

والآن أحس براحة نفسية وسعادة أني ما ضايقت زوجي وأني ماضايقت أختي المسلمة والله يسعدها معه كما أسعدني معه .
وأحس اني تركت هالشيء لله ومن ترك شيئا لله عوضه الله وان شاء الله ربي بيعوضني سعادة وسرورا.. وحمل سهل وولادة ميسرة.

ومع ذلك أقول للبنات المحتارات : لو حصل لك غير المعدد فهو أريح لك من المعدد لكن لو تعارض صلاحهما فالزوج المعدد الصالح خير من الوحيد الغير صالح .. وان جاءكم من ترضون خلقه ودينه فزوجوه .... ولم يقل عليه أفضل الصلاة والسلام ان جاءكم غير المعدد!!!!
والحمد لله ربي أباح التعدد لحكمة من عنده وفي هذا التعدد الخير الكثييييييييييييير ..

وعلى فكرة توني أقول لزوجي اصبر كم سنة بتشوف التعدد عادي جدا منتشر في عوايلنا لأن الآن مافيه بيت ما يخلوا من بنات تجازون سن الزواج فأكيد بيتنازلن ويقبلن بالمتزوج لأنه خير من العنوسة . قال صدقت وجلس يعدد بنات عيلتهم اللواتي كبرن بلا زواج.


دعواتكم لي ولفجر الظلام بولادة سهلة ميسرة سريعة وبالصحة والعافية لنا ولأجنتنا ولكل حامل.

الحرمة معذوووورة والله معذورة ومعها كل الحق بكلامها ،،، وما يحق لك تنقهرين او تزعلين،، وزوجك ما له حق يقول غيرانه منك لانها صاااادقة !!!!!
الزوج غلطان وما تصرف بحكمة يعني ليش حلال عليكي وحرام عليها ؟؟
هي اللي تنقهر وتزعل

ليش رفض ينفذ طلبها وانتي وافق لك على نفسسس الطلب ؟؟

ولو وافق لكم ثنتيكم يكون عشان خاطرك انتي ومن غلاتك وهي مجرد تطبيق للعدل ،، وهذا يحز بالنفس

ويكون الشي ما له قيمة ابد

،، لو الزوج نفذ الطلب على طول وجاب لكم كلكم من غير ما تعرف هي السبب كان أهون واطيب لخاطرها وبكذا ارضاكم كلكم بدون كسر خواطر

طيب بعيد عن زوجة اولى وثانية علشان ما تحسبونه تحيز ،، تخيلي الموقف حصل بينك وبين ابوك ووحدة من خواتك،، وقام ابوك ونفذ طلب اختك وانتي رفض طلبك مع انه قادر وبعدها جاب لك بس عشان المشاكل مو عشان خاطرك ،،، ممكن تقول لي شعورك ساعتها ؟

الموقف نفسه يقهر ويحسس بالغبنة .

اول مرة ادخل موضوعكم بس لفت انتباهي كلامكم ،، واكثر شي يخوف من الزواج الثاني ان طلبات الثانية اوامر
بينما كانت ثقل الجبل على الزوج لما كانت ام عياله تطلبه ،،
وشي ثاني ،، تنازل الزوج عن مبادئه مع الثانية بينما كان متمسك فيها وبشدة مع الاولى

ما راح تحسوا الا لما تحطوا مكانكم بوضع الاولى او تتخيلوا ازواجكم متزوجين عليكم
ارجوكم خافوا الله بالاولى وراعوا مشاعرها وقدروا مواقفها خاصة اذا كانت طيبة وما جاكم منها شي يكفيها القهر بزواجه يقهرها بعد بتغيير مبادئه عشان خاطر الثانية !!1
يا ناس قهر والله قهر ،،

وانتي يا اختي بيض الله وجهك بحسن تصرفك وتلاقينه ان شاء الله ،، بس كل عتبي على زوجك اللي كسر خاطرها .
ما احب اغلط على احد او ازعل احد بس كلمة حق بنفسي وقلتها يمكن الله ينفع بها .
والله يسخر الازواج لزوجاتهم ويحنن قلوبهم .