شاركي في النقاش

سجلي الدخول لإضافة تعليق.

التعليقات

1,476
  1. صاحبة الموضوع
    لفايف
    أختى اشكرك جدا جدا جدا جدا على ردك الحلو ياقلبي وحبيت اسألك انا الان ادهن شعري بهذا الكريم هو يناسب لشعري ولا لا ؟ وايضا شو رايك فيه ينفع ولا لا ؟؟ حبيبتي حبيت اعرف زيت الخروع والسدر اخلطهم مع الحنا او كل واحد بروحه .... دمتى ب…
    اهو هالكريم زين واذا ماسببلك تساقط استمري عليه :)

    ايه يا الغاليه اذا تبين كثافه حطي مع الحناء سدر وزيت الخروع ولو تحطين زيت اللوز الحلو معاهم يكون احسن عشان لا تسبب الحناء جفاف للشعر :) ولاتنسين الاضافات الثانيه من روب وعسل وغيره :)
  2. صاحبة الموضوع
    ام ود1
    هلا اختي مشكوره على الموضوع الحلو بصراحة انا بحياتي ما حطيت حنا على شعري بس ابسالك ما خليت زيت او خلطة زيوت ما حطيتها على شعري وما فاد وانصحوني بالحنا كحل اخير مع اني اتهرب منها عشان الصبغات الي بهدلت شعري نوعية شعري ناعمه وخفيف من قدام …
    شوفي يا الغاليه اذا صارلك من اخر صبغه 6 شهور فعادي حني شعرك :)

    اما اذا ماصارلك استعيني هالفتره بالسدر وايد زين للشعر

    اما الزيت ماتشوفين منه فايده بالشعر بقولج على اشياء لازم تسوينها عشان تستفيدين من الزيت

    1- لازم يكون الشعر نظيف يعني على الاقل تكونين غاسلته قبلها بيوم

    2- لازم تسخنين الزيت قبل لاتحطينه على الشعر

    3- لازم تدلكين فروة الراس لمدة 10 دقايق وانتي حاطه الزيت

    وان شاءالله اكون افدتج :)
  3. صاحبة الموضوع
    رورو 99
    انا نفسي احني بس زوجي ما يطيييق ريحتها :eek: حتى لو بخرت شعري وعملت خمريه يقولي لسه في ريحه وينفر مني :icon33: امانه قوليلي كيف اقضي على الريحه بعد مااعمل الحنه :26:
    سهله يا الغاليه في حناء اسمها ( حناء شامه بالبخور ودهن العود ) هذي ميزتها بريحتها يعني مافيها ريحة الحناء وريحة البخووور طاغيه عليها وفي منها نوعين وحده على بخور ودهن العود والثانيه على زعفران وهذي صورتها :)
  4. صاحبة الموضوع
    Natasha20
    عيوني بما انو ما بقدر حني شعري ومن خلال وصفاتك للبنات لاحظت انك بتفهمي منيح بالخلطات ازا بتقدري تعطيني خلطة طول شعري و تكتفو وتعالج التقصف و الجفاف..بصراحة انا شفت كتير خلطات بالمنتدى و ضعت بيناتهون ما عاد اعرف انو وحدة فيون اساوي انا شتر…
    شوفي يا الغاليه دام عندج هالزيوت ان شاءالله راح اساعدج

    اخذي بصله وهرسيها واخذي عصيرها وضيفي لها ملعقه كبيره من زيت الزيتون + ملعقه كبيره من زيت الثوم + ملعقه كبيره من زيت الخروع + ملعقه كبيره من زيت اللوز الحلو

    هالخلطه تعطي كثافه للشعر وتعالج الشعر وشوفي يا الغاليه يمكن اول اسبوع تشوفين تساقط خفيف هذا الشعر الضعيف واذا استمريتي على الخلطه بتشوفين النتيجه بعد 3 اسابيع بأذن الرحمن واي سؤال تحت امرج :)

    اما زيت اللوز المر يستخدم للبشره
  5. @sakorh

    الله جزاكي الجنه حبيبتي انتي ماتدرين قد ايش نفعتيني صدقيني انا كتبت الوصفه وعطيتها امي عشان تسويها لي
    بس امي عندها سؤال لمن اخلطها كم ساعه اخليها تختمر وكم ساساعه اخليه على شعري

تابعي تجارب أخرى من هذا القسم.