السلام عليكم ورحمه الله وبركاته
لفت انتباهي ان الكثير يعتمد على الشغاله بالتنظيف للاسف حتى ماتكلف نفسها تروح وتابع لو متابعه لعمل الشغاله
وطبعا بيتها اكيد مبر برا الله الله ومن جوا يعلم الله
ومنها المجلى كثير يضعه اخر اهتمامه رغم انه مكان للميكروبات لان لي المويه تحت جوى الدولاب ف يطلع ريح احيان فيحتاج تنظيف وتبخير باستمرار
وخاصه ان الكثير يضع الزباله جوى الدولاب فتشوفين الزباله ياحسره واصله حدها ومطلعه اللي ماستحملته بها الدولاب
وهذا سبب قله العنايه والاعتماد على الشغاله اللي عساها تنظف الشي الخارجي والظاهر للناس بذمه فما بالك بمجلى
وبرضو فيه ناس يحطون فيه اكياس وغيره من الاشياء
مهب مشكله حطي اللي تبين فيه لكن بتنظيم وترتيب
مثلا عني انا
احط فيه القطاعات وفرامه البصل لان يكون فيها ريح بعد البصل والثوم وماحب احطها في الدولاب حتى مايتعلق الصحون والمواعين شي منها
برضو احط العلب الفاضيه لصغر مطبخي وقله الدواليب عندي وبرضو علبه الزيت اذا هي جديده مافتحت وبعض المنظفات فقط
ياحريم انتبهوا للبيوتكم تخيلي جتك وحده وفتحت ماتحت المجلى ووغيره وهو به الشكل
لاتقولون وش لقفها نفرض انها تلقفت وصار اللي صار
طيب انا مره كنت عند قريبتي وامون عليها جدا
وكنت ابغى كيس فتح تحت المجلى ولقيت الاكياس لكن انصدمت من وضع المجلى قسما بالله شي يفشل عيب والله عيب
الحين كل وحده تصور مافي الدولاب قبل وبعد يعني خلوا عنكم الكسل وشمروا عن يديكم وروحوا طلوا في دواليبكم
وتصور لنا وتتحفنا باللي فيه
انا طلعت مافي الدولاب بعد ماكان مكركب شوي ومسحت المجلى بالفوطه ورجعت رتبت اللي فيه من جديد
ثم مسحت الدولاب من برا
اترككم مع الصور
وكل وحده تتحفنا باللي فيه
