اول شي اقوله بعد السلام عليكم
ان نفسيتي تعبانه ومو قادرة اسوي شي بحياتي000 انا زواجي بعد شهر ان شاء الله 00 والمشكلة اني على خلاف دائم مع زوجي00 والسبب البيت00 قالت امه اني بسكن بشقة لوحدي منفصلة عنهم00 وطلع السكن معاهم00 وقلنا اوكي000 قالت ثلاث غرف وحمامين00 طلع غرفة بحمامها الله يعزكم والمجلس مشترك بينا000 انا مقهوره مره ومو عارفة شسوي00 اغلب الاشياء اللي قالوها قبل الملكة مانفذوها وهذي سبب مشاكلنا
المشكلة ان امي عصبية ولا عندها اسلوب وما ابيها تدخل لانها بتزيد الطين بلة00 وكل ما اجي اشتكي لها ماتصبرني بالعكس تثورني000 والله تعبت كثير وماني عارفة ايش الحل
هو طيب معاي بس بارد00 واتنرفز كثير من تصرفاته00 تكفون ساعدوني:icon33:
شاركي في النقاش
سجلي الدخول لإضافة تعليق.
التعليقات
12- حبيبتي لا تتوترين ولا شي
اهم شي يكون يحبك وان شاءالله بعد الزواج تقدرين تسيطرين على الوضع
بس اهم شي خليه يتعلق فيك ويحس انك بشوشه مو نكديه وتحبين النكد والهواش والزعل
تغلي بس بقدر ولا تخلينه يكره الزواج من كثر الهواش بينكم
والسعاده بلقلوب مو في البيوت
والله يسعدك استبشري خيرا - ياقلبي انتبهي ولا تتنازلين
طالما شرطي عليهم سكن منفصل وهم وافقو لازم ينفذون كلامهم
لو مشيتيها الحين اتوقعي كل حياتك كذا تدخلات منهم وتنازلات منك
وبعدين ليش ما تبغين امك تدخل اكيد هي ما بيرضيها انهم ما نفذو شروطكم
حطي ااهلك في الصورة وخليهم هم يتفاهمون معاهم
حبيبتي لا ترخصين نفسك من البداية - لا و الله الحب شئ و الحقوق شئ ثاني
و اللي أوله شرط آخرته نور
هم لو ما وعدوكم بشئ او قالوا الولد على قده و إن شاء الله في المستقبل يوفر لها معليه بس وعدوا و عشموا و في الأخير ما فيه شئ؟؟؟؟
إسمحي لي أقول لك إذا تنازلتي ألحين و قبل الزواج بشي بعد الزواج بتنداسين بالنعل
و إحفظي حقوقك و علميهم إنك مو سهلة و رخيصة و خليهم يثمنون كلامهم قبل ما يقطونه
إحترميهم و كوني خلوقة معهم بس مجرد يجون على كرامتك كشري أنيابك يا حلوة - حبيبتي لا تدخلي امك في السالفه انتي حاولي تكلمي معاه وشوفي امكن ضروفه صعبه مايقدر يطلعك في بيت وحدك وامكن ربي يوفقك وترتاحي في هذا البيت الله يوفقك في حياتك ويسعدك دنيا واخره والف الف الف مبروووووووووووووووووك
- كلام سليم
مواضيع مشابهة
تابعي تجارب أخرى من هذا القسم.