۝ مـقـهـى جــمــال حـــواء .. ۝

هلا د مرام .. شرفتيني بمرورك والله :)
ماشاء الله شكل بشرتك ممتازة ( ذكرتيني لما كنت تحت العشرين ..
كانوا يقولون مايحتاج أحط شي ..)
بالعكس ياقلبي عيشي حياتك .. أنا مثلك ستايلي كلاسيكي 80% في الاجتماعات العامة والمناسبات الكبيرة
و20% عصري لجمعة الأهل وأهل الزوج والصديقات
يعني أشبعت رغباتي في اللبس والمكياج .. لكن ماتوصلت لهذا الرضا الا بعد ما جلست فترة طويلة وسنوات على ستايل واحد .. وهذا خطا

بالعكس يامرام غيري والبسي حتى طريقة رسم الكحل والوان الروج حطي كل الالوان اللي تناسبك وتحسيها محليتك زيادة ..

لو قلنا مثال بسيط الاسود والابيض ... ممكن تبدعي في طريقة اللبس
لاتصيري كلاسيكية دايما بتطفشي غيري شويه

هلا شمومة .. على الطلة الحلوة .. ذكرتيني بتحليل الشخصية كنت برد
ولقيت الفترة انتهت وقلت ان شاء الله بقولك في موضو ع لك ِ
ياطويلة العمر .. انتِ أولا من فئة اللي تعتمد على حاسة الشم لانه واضح حبك للعطور
فمودك يخرب لماتشمي عطر مو حلو وتتنرفزين .. ويلفت نظرك دائما رائحة الشخص قبل حديثه
لان عطره هو كلامه الاول معكِ :35:
اما شخصيتك على ستايل المكياج اللي تحبي فانتِ شخص رقيق يركز على عيون الشخص الذي يخاطبه ... واثقة من نفسك لحد رائع .. رمانسة وتؤثر فيك الكلمات الحلوة ( عاد هذي كلنا نبدع فيها ) ... تبدعين لكن لاتجدين من يشيد بهذا الابداع

... شو رأيك صح والا خطا :)



اما انا احب العطور الشرقية الفرنسية .. وطبعا احب دهن العود
من العطور القديمة سامسارا من جيرلان ... وبيزون واديكت من ديور
واحب عطور بلقاري وكوكو شانيل .. واستخدم حاليا




اما بالبنات اللي تستخدم عطور رجالية .. طبعا اختيار العطر حرية شخصية
بس اشوف انها تصدع باللي حولها :) عاد أنا ياشمومة احلل شخصيتها ... على حسب العطر إذا عرفته
.. معي وحده في الدوام .. تسوي حركة .. تصك الراس اااااااخخخخ
تتعطر بعطر نسائي لحد الان عادي بعدين تبخبخ في الجو عطر رجالي قوي قوي
وتمشي فيه .. تقول يثبت عطرها ..
وش رايك ؟

وتسلمين ياعسل

الله يعطيك العافية على دعواتك الحلوة .. ويعطيك كل ماتمنين يالغالية ..

ماقصرتي والله إجاباتك كافية ووافية ..وذوقك رووعة ماشاء الله تبارك الله ..

ماتتخيلين كيف كنت تايهه بالألوان والخامات ومحتاره وش أختار ؟؟

والحمدلله قررت أعتمد الشيفون أوالتل وأسوي فيه طعجات مثل الموديل اللي نزلته وعلى قولتك راح أغير موديل

الصدر ..



وأنا بعد أموت على النوعيه هذي بس المشكلة في السوق نادرا ماتلقين نقشات

أوطبعات ناعمة ..يايصير سادة أومطبع من كل لون وألوان صارخة..


جزاك الله خير حبيبتي ..تعبتك معي

الله يعطيك العافية
وحابة اسمع نصيحه منك للعضوات الللي يعانون من السمنه سواء في البطن او الاوراك وغيره كيف ممكن تلبس وتكون متميزة وتخفي عيوب جسمهاااا
وايش الالوان المناسبة لها والاقمشة
كثير تساؤلات تجيني من العضوات بهالخصوص فحابة اشوف رايك

هلا بالمبدعة الابتسامة .. الموضوع منور بالحبايب امثالك ..
وتسلمين على كلامك الحلو

.. أفضل الجاهز .. لانه مريح كذا مشوار وتخلصين
جربت أفصل فستان من سنتين تقريبا ورحت لمصممة ومبلغ كذا
وعدلي وبدلي .. هو بصراحة عجبني لكن بعد مدة حسيت اني كرهته وانه مو حلو علي ابدا

:35: ماأدري ليه كذا من الله ...


انا من الرياض .. واحب الفيصلية للملابس ومريح في التسوق المحلات جنب بعض
اما العطور اروح لدبنهامز في المملكة ..

وفيه محل على شارع العليا العام ( مس سكستي ) حلو جنزات وجكيتات وسبورات شبابية
وحياة مول بعد حلو .. بس أتعب وأنا ادور في الدور الارضي بس

بس طلعاتي للسوق لنفسي قليلة .. وحلو الطلب من النت :p




ولو طلعت لي مناسبة مفاجئة وماعندي ... على طول اطلع السوق وتبدأ رحلة البحث ..
حتى لو اضطريت أدفع أكثر من اللي في بالي ..

... وشاكرة طلتك الحلوة بالمقهى ... :p